Tito 3:1 - La'aqtaqa Ñim Lo'onatac 'Enauacna 2013

¹ 'Auennataxanaxanec na 'amqaanataxanaxaicpi da iuen da ỹachaxana da lalaxayec na nta'alpi maye 'amaqtaqaicpi qataq na ltauapi. Qataq nache 'eetai' da lhuotta da ỹo'ot ca ỹaỹamaqchiguiñi.

Nuevo Testamento Toba Sur

¹ 'Auennataxanaxanec na 'amqajnataxanaxaicpi da ÿataqta ÿoqochi'iguet qataq ÿalaxalec na nta'alpi mayi lta'adaicpi qataq na ltauapi. Chaqdata da lhuotta da i'ot ca camachicague't no'on n'onataxanaxac.

Nuevo Testamento Toba Sombrero Negro

¹ Ena'uaque jogaa'me anetouenaĝanaĝaneque queda'me 'noota ta'le uatec'alo jogaa'me jo'ne 'uo da'me lejaliaqa' nataq'aen gaa'me jaliaĝanaqa, choqoda'me yoqocha'alo jogaa'me, nataq'aen nach'e eta't niyamaĝateta'ajalo ta'le yauote da'me 'noota.

Tito 3:1 Referans Kwoze

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

Proverbios 24:21

'Am ỹalcolec, huo'o naq 'enec 'anqa'en Ñim Nataxala' qataq ca nta'a, qataq saishet da 'aualecta'aguet qome na pa'aguenataxanaxaicpi,

Mateo 22:21

Nache somayepi 'eeta': –Qomye nacheñi ñi lta'a na nta'alpi maye netaña ye Roma. Nache So Jesús 'enapeco': –Qaỹa'añim qome ñim lta'a na nta'alpi cam lalamaxat ñimaye, qaq Ñim Lo'onatac 'Enauacna qalaq qaỹa'añim cam maiche lalamaxat nataqa'en.

2 Timoteo 2:21

Qaq nataqa'en qomi' da huo'o ca nshetaique da 'eco' nogoxoshet maye taiguet da ño'oxoyec, qataq nshetaique da qaiqui'itaxatta, qataq nshetaique da taiguet da lo'onataxanaxanec Ñim Nataxala', qaq camaye nale'en da iỹouec 'enauac na sa ỹaỹamaxañi, nache ỹataqta taiguet ca camachaqca no'onataxanaxac ỹaỹamaqchiguiñi.

2 Timoteo 1:6

Ỹoqo'oye nagui 'am seqata da 'aue'eraxatoigui ñi 'anachetaxat maye 'am ỹami' co'ollaxa Ñim Lo'onatac 'Enauacna se'eso na'a'q co'ollaq 'am sasheltalec da 'am ñeqouagaxaueeteguelec.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Timoteo 4:6

Da 'auapaxaguenec de'era 'eesa nam 'amqaanataxanaxaicpi, nache ỹataqta 'am no'on lo'onataxanaxanec So Jesucristo. Cha'aye da qanapaxaguena qataq qaỹalaxaguet dam napaxaguenataguec na quetague' So Cristo 'eeta'am dam 'auo'ottac, nache damaye 'eeta'am da no'on nquia'axac.

1 Timoteo 2:2

Nataqa'en 'am seqata da 'anqouagaxaueetalec na nta'alpi maye 'amaqtaqaicpi qataq 'enauac na ltauapi, yaqto' selagaqtapiguiñi qataq qaica ca da. Nachaqrata da ỹataqta salaxasoxoguet Ñim Lo'onatac 'Enauacna, qataq ỹataqta no'on da qarataxac da salegaqtaigui na laỹepi shiỹaxauapi.

1 Corintios 15:58

Qaq ỹoqo'oye qami' ñauochaxauapi ỹaqaỹañicpi, saqco' qome ca qanamachiỹaique, qoquiito'ot da qauo'ocheetac da lo'onataxanaxac So Qarataxala'. Cha'aye qami' qauaỹaañita da qaro'onataxanaxaqui da qauo'onataxañiitacot Somaye ỹataqta huo'o da nsheetenaguec.

Jeremías 27:17

¡Saishet qome da qaualaqaiguet! Nacherata da qanañañiỹot ñi nta'a ye Babilonia, yaqto' qanca'alleeuec. Cha'aye ¿ta'ainco' taxa da ne'ena huaqta'a't nỹecpi da qailaxachigui qome nache lapoosheguem?

Deuteronómio 17:12

Qaq da huo'o ca shiỹaxaua napagaqaanaxaic da saỹalaxaguet ca la'aqtac ca ntaxaỹaxanaxanec, huo'otaq ca aloico lo'o maye lamaxa'she Ñim Nataxala', nache camaye qaỹalauat. Yaqto' imeuo, ca qauem maye huetaña na Israel.

2 Pedro 1:12

Qaq ỹoqo'oye aỹem shecto'ot da qami' seuennataxanaxaatapegueque de'era, na'aictaxa da qami' mashe qauaỹaañi damaye, qataq ỹataqta saishet da qoquiỹa'ai de'era 'eesa lataxac maye qami' qaỹapaxagueneque.

Tito 3:8

Qaq de'era sheetega ỹataqta 'eesa. Ỹoqo'oye ñeshetaique da ỹataqta 'auapaxaguenataxanec, yaqto' 'enauac na ỹa'amaqten Ñim Lo'onatac 'Enauacna ỹataqta npogoxoinapegue' da ỹo'ot ca ỹaỹamaqchiguiñi. De'era sheetega ỹataqta 'onaxaic, qataq huo'o naq naigui.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Isaías 43:26

Qaq 'am, da qonetega huo'o ca ỹasouaxashet, qaq no'on da ñimitaq camaye. Ñaq 'andouo cam 'am hueto'ot 'arhuennataxa maye qonetega 'eesa, shapegueto' da 'eesa da qaica ca 'arasouaxashet.

Judas 1:5

Qaq na'aictaxa da qami' mashe sogote da qauaỹaañi de'era, qalaxaye nache 'ena'am sauotaique da qami' seuennataxanaxaneque da 'eetec co'ollaxa Ñim Lo'onatac 'Enauacna da nqateeguesop ye 'alhua Egipto so Israel le'ecpi, ime, nache ileu naqa'en so shiỹaxauapi maye saishet da ỹa'amaqten Ñimaye.

Tito 3:14

Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

2 Timoteo 2:14

Saishet da 'axaañi da 'auennataxanaxanec na shiỹaxauapi de'era sheetega yaqto' saishet da icoua'ai. Ỹataqta ỹauaachigui 'anqa'en Ñim Lo'onatac 'Enauacna da qonapega na 'amqaanataxanaxaicpi da saishet da ncotatega't, cha'aye de'era cotaxac, damaye saishet da huo'o ca ltaunaxanaxac, nachaqrata da na'aqchet nam na'axaỹaxaatega.

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.