Tito 2:8 - La'aqtaqa Ñim Lo'onatac 'Enauacna 2013

⁸ Qataq naua 'arapaxaguenataxanaxaco ỹataqta no'oite' 'anqa'en, yaqto' saishet da huo'o ca 'am quetapeguelec. Da 'auo'ot de'era sheetega, nache na'aloxon 'anqa'en nam qomi' ipa'agueeta'ape, nache saishet da huo'o ca qauem la'aqtac da qomi' ỹasaxaleguete.

Nuevo Testamento Toba Sur

⁸ Qataq na 'adapaxaguenataxanaxaco ÿataqta no'oite' naq'en, yaqto' sa ishit da huo'o ca n'aqtaguec da 'au'axattac. Nachaqdata da n'aloxon naq'en ca depa'aguenataxaatac, cha'ayi sa ishit da huo'o ca qami' ÿasaxalguete l'aqtac sa ÿaÿamaxañi.

Nuevo Testamento Toba Sombrero Negro

⁸ nataq'aen yataqatelegue, qaedi qaya'te gamachaqaega 'uo da'me 'lenaĝanataĝanaĝac, nataq'aen qaedi 'uo da'me lepocoĝo gamachaqaega te'me qo'mi nautetapegalo, qa'a ja tayet da'me qo'mi yachalo'te ga'me ja no'en.

Tito 2:8 Referans Kwoze

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

1 Pedro 2:15

Ñim Lo'onatac 'Enauacna huotaique da qauo'oche ca ỹaỹamaqchiguiñi, yaqto' na shiỹaxauapi maye qaica ca ỹaỹaanapec, qaica ca qami' ỹasaxaleguete qarasouaxashechi.

1 Pedro 3:16

Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

1 Timoteo 6:3

Da huo'o ca dapaxaguenataxaatapeguec cam dataỹa'aguet dam no'oita napaxaguenataxanaxac maye chegoqo'ot So Qarataxala' Jesucristo qataq da 'eesa lataxac da qara'amqaanataxanaxac,

2 Ts 3:14

Da huo'o ca 'oonolec da qoñiita da saishet da ỹalaxalec da qara'aqtac maye huetalec ana qorere, qaq camaye ỹataqta qauauattoñiita. Nache saishet da qavi'enaxache da lataxac, yaqto' camaye maiche na'aloxon.

Nehemías 5:9

Nache aỹem shenapega somayepi, sheeta': «De'era qauo'ocheetac, damaye ỹataqta saỹaỹamaxañi. Cha'aye da ishet da qarvichiỹa'a da le'enaxanaxac na qomi' ipa'agueeta'ape, nache qami' qauachaxañi da huo'o naq 'enec qanqa'eñi Ñim Qanatamnaxala'.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

1 Timoteo 5:14

Ỹoqo'oye ana pa'ai maye saxanaxa da ỹe, 'onaxaic da qaltaq huaron, yaqto' huo'o ca llalec, qataq ishet da ilo'ogue ca lma'. Yaqto' qaica ca llegueuo ca depa'aguenataxaatac da huo'otaq ỹasaxalec ca sa ỹaỹamaxañi la'aqtac.

Lucas 13:17

Qaq co'ollaq 'enapec de'era So Jesús, nache 'enauac nam depa'aguenataxaatac ỹataqta huo'o da la'aloxo. Qaq nam shiỹaxauapi, qalaxaye 'enauac huo'o da ntonaxac, souaxat nam ỹauaachigui ỹo'otpi So Jesús maye qaica ca 'ena'am da llo'oxoyec.

Marcos 12:34

Nache So Jesús co'ollaq ila'a da so dapaxaguenataxaatapeguec na namaxasoxonaxacpi da ỹataqta ỹaỹamaqchiguiñi da la'aqtac, nache 'enapego', 'eeta': –Saishet da 'am qaỹoqta da lo'onataxanaxac Ñim Lo'onatac 'Enauacna. Huaña, nache tachiguiña da saishet da huo'o ca qaltaq inattac So Jesús.

Marcos 12:32

Nache som dapaxaguenataxaatapeguec na namaxasoxonaxacpi 'enapeco': –'Am Napaxaguenataxanaq, ỹataqta 'eesa de'era 'ara'aqtac, da 'oonolec Ñim Lo'onatac 'Enauacna da qomi' lalamaqa'ate, qaica ca lỹa da 'eeta'am Ñimaye.

Marcos 12:28

Qaq huo'o so 'oonolec nam dapaxaguenataxaatapeguec na namaxasoxonaxacpi hua'aqchigui da la'aqtaxanaxac So Jesús co'ollaq na'aqtaxaatague' so saduceopi. Qaq co'ollaq ila'a da ỹataqta ỹaỹamaqchiguiñi da lasataxac So Jesús, nache nqocheneua'a Somaye nache inat, 'eeta': –¿Negue't ca ỹactec da la'amaqchec nam namaxasoxonaxacpi?

Marcos 12:17

Nache So Jesús 'enapego' somayepi, 'eeta': –Qaỹa'añim qome ñim lta'a na nta'alpi cam maiche lalamaxat ñimaye, qataq Ñim Lo'onatac 'Enauacna qaỹa'añim ca maiche lalamaxat. Nache co'ollaq qaỹa'axaỹa da la'aqtac So Jesús, nache somayepi ỹataqta lta'araic da la'aalaxa.

Tito 3:14

Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.