Tito 2:6 - La'aqtaqa Ñim Lo'onatac 'Enauacna 2013

⁶ Nataqa'en qonapega na nsoxoppi da ỹaỹaten da nllañi da qauem lqopitaxanaqtaic.

Nuevo Testamento Toba Sur

⁶ Nachi 'en'am 'au'añaqchit na nsoxotpi, yaqto' ishit da nloteec.

Nuevo Testamento Toba Sombrero Negro

⁶ Nataq'aen 'noota qom a'uañaqate'tape jogaa'me joĝodipi qaedi joĝodayaqa da'me 'loyaĝa'j,

Tito 2:6 Referans Kwoze

Eclesiastés 12:1

Qaq 'auennata'a Ñim 'am Lo'onatac nagui da ñaq 'am nsoqolec, qataq nagui da ñaq saxanaxa da nvildeuo caua na'axa'te maye huo'o da lqalai'c, qataq caua vi'iye maye huaiguilo qome da qonapec, «ỹataqta qaica ca ỹamaicỹaxac naua vi'iye maye sootaiguilo.»

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

1 Juan 2:13

Qaq qami' maye mashe qami' ỹepi, qami' samaxalo ana ỹere, cha'aye qauauattoñiita So Jesús, som nache 'eetai' da huo'o co'ollaq saxanaxa da ỹo'ot ana 'alhua Ñim Lo'onatac 'Enauacna. Qaq qami' maye qami' nsoxoppi, qami' samaxalo ana ỹere nataqa'en, cha'aye qami' 'añaxaicpi qataq qanaviqui so pa'aguenataxanaxaic, qataq huesota da qarataxaqui da qauacoñiiguet da la'aqtac Ñim Lo'onatac 'Enauacna. Qami' samaxalo 'enauac da qoñiita ana ỹere, cha'aye qauauattoñi Ñim Lo'onatac 'Enauacna.

Eclesiastés 11:9

'Am nsoqolec, nagui da ñaq nalota't da 'anachaalataxac nache 'antootapigui' qome, qataq 'anque'etaxaachigui nam no'on maye ishet da 'auo'ot nagui. Qoquegue da 'arquiyaqteỹaxac souaxat nam 'aulota'api, qalaxaye 'auennata'a da Ñim Lo'onatac 'Enauacna, nmit qome 'enauac nam 'auo'otpi.

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

1 Timoteo 5:1

Saishet da 'arolec ca 'artaxaỹaxac sa nsatta da 'auqata ca nqueroxonec. Nachaqrata da 'auchettot da qonapega, 'aue'enaxattem ca 'aralamaxat 'arta'a. Qataq da qonapega ca nsoq, qalaq 'aue'enaxattem ca maiche 'arqaỹa.

Salmos 148:12

Na nsoxoppi qataq na qa'ampi, ỹa'axaiquipi qataq na ñaqpiolec.

Da na'aqtaguec so Job 29:8

Nache na nsoxoppi naxa da aỹem ila'a nache aỹem ca'ai, qaq na ỹa'axaiquipi qalaq nachaañi naxa.

1 Ts 5:6

Ỹoqo'oye iuen da ỹataqta ñeloqtec, saỹamaxataqchiguiñi da qoyecỹaxac, qataq saishet da leetapigui ye qarhuel da shenaqta'am na laỹepi shiỹaxauapi.