Tito 2:5 - La'aqtaqa Ñim Lo'onatac 'Enauacna 2013

⁵ Nataqa'en ishet da ỹapaxaguenec na laỹepi 'alpi da huo'o ca ỹacoolec qalaq ỹataqta deuennataxaatelec qataq ilo'ogue da lataxac qataq ỹaỹaten da ilo'ogue da lmayaxac qataq ỹalaxaguet ca lhua. Yaqto' saishet da qauem ca na'aqtaguec da la'aqtac Ñim Lo'onatac 'Enauacna.

Nuevo Testamento Toba Sur

⁵ nataq'en nloteec, qataq qui'itta, ÿaÿaten da ilo'ogue da lma'ÿaxac, soxodai, qataq ÿalaxaguet ca lhua, yaqto' sa ishit da qauem ca n'aqtaguec da l'aqtac ñi Dios.

Nuevo Testamento Toba Sombrero Negro

⁵ nataq'aen qaedi joĝodail da'me 'loyaĝa'j, nedo'ta'ajalo, neteleta ga'me 'lachaqa't, choĝodenataĝanaĝail, nataq'aen naeda'ac ta'le uatec'alo jogaa'me loua', qaedi ja qoye'uetac da'me 'laqataĝanaĝac joñe'me Dios.

Tito 2:5 Referans Kwoze

Colosenses 3:18

Qaq qami' 'alpi maye mashe qauaroñi, ỹataqta qaualaqaiguet ca qarhuai, cha'aye nachera da lataxac acam ỹa'amaqteetac So Qarataxala'.

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

Efesios 5:33

Qaq ỹoqo'oye ñi 'oonolec da qoñiita ỹataqta ỹauotec aca lhua, 'eeta'am da lauotaxanaqtaic da maiche nachaalataxac. Qaq aca 'alo ỹataqta huo'o naq 'enec naqa'en ca lhua.

Hechos 9:36

Qaq se'eso ñegaxasom ye nỹecpi ye Jope, huo'o aso ỹa'amaqten So Jesús, asomaye naua judío la'aqtaqa le'enaxat Tabitá, qaq naua griego la'aqtaqa Dorcas. (De'era ne'enaxat naigui da ñi'imshe.) Asa'aso 'alo ỹataqta no'on da lo'onataxanaxac, qataq itauaatac na choxoraqpi.

1 Timoteo 6:1

'Enauac na 'amqaanataxanaxaicpi maye nlatacpi, iuen da ỹaỹaten da ỹauo'o naq 'enec ca na'aco'; yaqto' qaica ca qauem da ltaxaỹaxac da detaqtega Ñim Lo'onatac 'Enauacna, huo'otaq da napaxaguenataguec nam quetague' So Cristo.

Proverbios 7:11

qaq asa'aso 'alo yo'oqta da 'oopai, qataq saq ỹataxalec, qataq da sanamaalec ca lma'

1 Corintios 14:34

saishet da qaỹashenem na 'alpi da detaqa da huaigui ca naponaxac. Cha'aye na namaxasoxonaxacpi maye chegoqo'ot so Moisés 'eeta': Na 'alpi iuen da napaxaguena da ỹe'emaqta,

1 Corintios 11:3

Qaq nagui sauotaique da qauaỹachiñi de'era: So Cristo huo'o da 'enec da ilotalec ca ỹale, 'eeta'am ca ỹale da huo'o naq 'enec da ilotalec aca lhua. Qaq nache 'eetec Ñim Lo'onatac 'Enauacna da ilotalec So Cristo.

Romanos 2:24

Qaq mañaxasaco' naua ñiyigui'she la'aqtaqa Ñim Lo'onatac 'Enauacna da 'eeta': «Nam saishet da judiopi saishet da iyacnapec da detaxaỹa Ñim Lo'onatac 'Enauacna, souaxat da qoñiita.»

Hechos 9:39

Nache so Pedro ca'ateguelo soomaye. Qaq co'ollaq ivilye', nache somaye qaỹaviguisheguemec se'eso nỹec maye huetaigui aso Dorcas. Qaq qalota aso pa'aipi datataua'a so Pedro nỹeetagui. Nache ỹachaxaatac ana npotopi qataq na npo'pi maye lo'onatacpi asomaye co'ollaq ña qanachattague'.

Salmos 74:10

'Am Atamnaxala', ¿chaq laguio' da vi'iiguet da qomi' isheueeta'ape na depa'aguenataxaatacpi? ¿Peta'a nache 'eetai' qome da isheueetac da 'are'enaxat namayepi?

2 Samuel 12:14

Qalaxaye souaxat da ỹataqta 'aunogoqchet Ñim Nataxala', nache yi'iye 'aỹa'alec maye ñaq cheta'ague da ñiguiñi, ileu qome.

Génesis 18:9

Qaq co'ollaq ime da lquia'axa'c, nache soomaye inattrac so Abraham, 'eeta': «¿Hua'ague ca hueta'ague aca 'arhua Sara?» Nache somaye 'enapeco': «Qomye 'ara, pa'ataigui ñi lpe'l.»

Romanos 14:16

Saishet da qauauo'oi ca ldaqa' da qauem ca na'aqtaguec dam huesochiguiñi qarataxaqui maye qami' ỹanema So Cristo.

Tito 2:4

qataq ỹapaxaguenec da ỹauotec ca lhua qataq caua llalqa.