Tito 2:13 - La'aqtaqa Ñim Lo'onatac 'Enauacna 2013

¹³ Nataqa'en qomi' ỹapaxagueneque da qolaqtot da qarhuataxanaxac da seuataqta'aguet que'eca na'a'q maye qomi' qaỹachaxanapeguema, da ñe'eguelaq da nactaigui da llo'oxoyec So Qarataxala' Jesucristo maye Qarta'a, qataq Qarca'alaxaqui.

Nuevo Testamento Toba Sur

¹³ Nataq'en qomi' ÿapaxaguenque da soqolaqtot da qadhuataxanaxac da seuataqta'aguet que'eca na'a'q mayi qomi' qaÿachaxanapeguema da ñi'iguelaq da nactaigui da lli'oxoyic so Jesucristo mayi qadta'a qataq qadca'alaxaqui.

Nuevo Testamento Toba Sombrero Negro

¹³ 'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Tito 2:13 Referans Kwoze

2 Timoteo 4:8

Saỹaten da Ñimaye maye sa depe'enaxan da nmit 'enauac na shiỹaxauapi. Ñimaye aỹem ỹami' ca nsheetenaguec da ñachaalataxac maye lasheue da ỹalaxayec. Qaq saishet da nachaỹemta da aỹem ỹami', maye nataqa'en 'enauac na shiỹaxauapi maye ỹayeeta'aguet ca lle'eguelaxasoxoc Ñimaye.

1 Corintios 1:7

Ỹoqo'oye nagui da qauacheetaique So Jesucristo da ñe'eguelaq, nache qami' nlaqchiguilo nam chegoqo'ot Ñim Lo'onatac 'Enauacna.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Tito 1:2

qataq ỹaỹateeta da aquitaxac da achaalataxac maye chochaq tatec. Qaq Ñim Lo'onatac 'Enauacna maye sa datenataxan, Ñimaye ỹachaxanapec co'ollaxa de'era achaalataxac co'ollaq saxanaqaca ana 'alhua.

Marcos 14:62

Nache So Jesús ỹasateguet somaye 'enapeco': –Aja', Nachaỹem. Qaq qami' qauloỹa'aguet qome Aỹem Shiỹaxaua Llalec, da ñanac da sootalec ca lo'oc na piguem, ñanactaigui da la'añaxac qataq da 'enec Ñim Lo'onatac 'Enauacna maye qaica ca ỹaqalanapec.

Hebreos 9:28

Qaq nache 'eeta'am So Cristo da 'oonolec da nañan da yaqto' qalota da shenaqta na qaỹapalaxat na lasouaxashetpi. Ime, nache Somaye ñe'eguelaxa qome ana 'alhua, qalaxaye saishet da naỹa da qaltaq ileualec na qarasouaxashetpi, nachaqrata da anac da 'enauac qomi' nca'alaxatre'c, qomi' maye seuataqtaique ca lviraxac.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Romanos 15:13

Qataq huo'o da iỹaxanaxac Ñim Lo'onatac 'Enauacna maye qomi' ỹanema da qanaquitaxac, da Ñimaye qami' nlaxatchiguilo qome da qaramaicỹaxaqui. Qataq qami' ỹanema da qarlagaxayiqui maye chegaqaigui da qarpi'iỹaxaqui Ñimaye. Qataq chegoqchigui da la'añaxac So Saqcha'a Na'añaxac Qui'itta da nquictasheguem da qanaquitaxaqui.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

2 Timoteo 4:1

Qaq de'era iqataxac 'am sami' nagui, ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo maye anac ca na'a'q da nachaxan da Nta'a, qataq nmit ñi 'oonolec na shiỹaxauapi maye ña nca'altauec qataq na mashe ileu.

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Hechos 24:15

Qataq nache shena'am namayepi dam qanaquitaxac Ñim Lo'onatac 'Enauacna da na leuaxaicpi ishet da qaltaq nca'alec naqa'en, cam no'on da lataxac qataq cam qauem da lataxac.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Tito 3:4

Qalaxaye Ñim Lo'onatac 'Enauacna maye Qarca'alaxaqui, ỹachaxanalo qomi' da lchoxonnataxanaxa qataq da lauotaxanaqtaic 'enauac na shiỹaxauapi, nache qomi' nca'alaxatre'c

Colosenses 3:4

Cha'aye So Cristo nacheso so qanachaalataxaqui. Qaq qom ivita da ñe'eguelaq da nachaxan, nache qami' nataqa'en qanachaxañi. Nache qanhuañiỹaua'a da llo'oxoyec Somaye.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Isaías 25:9

Qaq que'eca na'a'q qoỹenapec qome: «'Eñi Ñim Qanatamnaxala', Ñimaye sepi'iỹaqa'a nache Ñimaye qomi' nca'alaxatrec. Nache qaramachiguiñi qataq ñetonaqtapigui', cha'aye Ñimaye qomi' nca'alaxatrec.»

1 Juan 4:14

Qomi' ỹataqta sauanaqchigui da Ñim Nta'a namaxalec ana 'alhua So Llalec, da yaqto' nca'alaxatec 'enauac nam huetalec anamaye, qaq damaye sa'axataqtac saishet da huo'o ca sho'oqtaique.

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Colosenses 1:27

Qaq Ñimaye maiche lhuennataxac da ỹaỹaanaxanaxanec de'era 'eetapeguec maye lta'araic qataq huo'o da llo'oxoyec 'enauac na ỹotta'a't shiỹaxauapi ana 'alhua. Qaq damaye 'eeta': Ñim Lo'onatac 'Enauacna naỹa naqa'en ana 'alhua So Cristo da yaqto' qami' hueta'agueta, qataq Somaye ỹataqta 'eesa naqa'en da qanhuañiỹaua'a da la'añaxac qataq da llo'oxoyec Ñim Lo'onatac 'Enauacna.

Romanos 8:18

Ỹataqta 'eesa ñaqa'en da naua qanque'eenaxaco maye seviraxagueta nagui ỹataqta qaica ca la'amaqche'c, da ñaloqnaxaguet da llo'oxoyec qome que'eca dalaxaic achaalataxac maye Ñim Lo'onatac 'Enauacna qomi' ỹanema qome da sonaqta'aguet Ñimaye.

1 Timoteo 1:1

'Am ỹauotaxat Timoteo: 'Am samaxa da iquinaxanaxac. Aỹem Pablo, aỹem lamaxashec So Jesucristo, cha'aye Ñim Lo'onatac 'Enauacna maye Qarca'alaxaqui, qataq So Cristo Jesús maye hueto'ot da qanaquitaxac aỹem ỹamaxalec da sa'axat de'era la'aqtac. 'Am 'ena'am da ỹoqta 'am ỹalamaxat ỹalec. Ỹoqo'oye seỹaxaatacot Ñim Lo'onatac 'Enauacna maye Qarta'a qataq So Jesucristo maye Qarataxala' da ỹataqta 'am ỹauotec qataq 'am itauaatac 'enauac nam 'auo'otpi, qataq 'am ỹami' da 'arlagaxayec.

2 Timoteo 1:2

'Am ỹauotaxat ỹalec Timoteo, 'am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, nataqa'en So Qarataxala' Jesucristo.

Tito 1:4

'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

Judas 1:21

Qataq ima'ape naua na'axa'te da qanaquichiỹa'a da lauotaxanaqtaic Ñim Lo'onatac 'Enauacna, qataq qauacheeta'a que'eca na'a'q da So Qarataxala' Jesucristo, qomi' ỹanema ca qanachaalataxac chochaq tatec, cha'aye Somaye nataqa'en qomi' lauotaqa'ate.