Biblia Todo Logo
Bib sou entènèt

- Piblisite -




Tito 2:10 - La'aqtaqa Ñim Lo'onatac 'Enauacna 2013

10 Qataq saishet da decache. Nachaqrata da ỹataqta npe'et, yaqto' 'enauac qaila'a da lyac da lapaxaguenataxanaxac Ñim Lo'onatac 'Enauacna maye Qarca'alaxaqui.

Gade chapit la Kopi

Nuevo Testamento Toba Sur

10 Qataq sa ishit da decachi. Chaqdata da ÿataqta npe'et, yaqto' 'enauac qaila'a da nachaalataxac, nachi huo'o da lyac qanqoÿin da napaxaguenataxanaxac da qai'axattac ñi Dios mayi qadca'alaxaqui.

Gade chapit la Kopi

Nuevo Testamento Toba Sombrero Negro

10 'Noota qom ja decachiyoto, dite da'me yaloĝo'n queda'me yataqachiñe eja yalemaqate'. Nach'e naq'aeta yema ga'me yauote qoyauanalo queda'me yataqachiñe 'noota da'me napaĝaguenataĝanaĝac 'me chiyoĝogue joñe'me Dios mach'e Qadec'alaĝaiqui.

Gade chapit la Kopi




Tito 2:10
29 Referans Kwoze  

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.


Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.


Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.


Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.


Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.


Qaq nagui mashe ivita ye laloqo' da qaỹaỹaten da 'eetapeguec Ñimaye, ỹachegoxotchigui da ỹa'aqtaxanaxac maye aỹem ipataxalec Ñim Lo'onatac 'Enauacna maye Qarca'alaxaqui.


Da huo'o ca dapaxaguenataxaatapeguec cam dataỹa'aguet dam no'oita napaxaguenataxanaxac maye chegoqo'ot So Qarataxala' Jesucristo qataq da 'eesa lataxac da qara'amqaanataxanaxac,


'Enauac na 'amqaanataxanaxaicpi maye nlatacpi, iuen da ỹaỹaten da ỹauo'o naq 'enec ca na'aco'; yaqto' qaica ca qauem da ltaxaỹaxac da detaqtega Ñim Lo'onatac 'Enauacna, huo'otaq da napaxaguenataguec nam quetague' So Cristo.


Qaq cam huo'o ca qaipataxalec no'onataxanaxac camaye iuen da ỹataqta npe'et.


Cam 'onaxaic da na'aqtaguec, souaxat cam saq 'amaqtaq maye ilotague', qaq nache 'ena'am no'on da na'aqtaguec da ilo'ogue ca qalota; qaq cam qauem da na'aqtaguec da ilotague' cam saq 'amaqtaq, qaq nache 'ena'am qauem da na'aqtaguec da ilo'ogue ca qalota.


¿Negue't cam namaxashec maye ỹataqta ipaqueelec ca namaxasaguec qataq nlotec? Qomye nacheca cam ỹale maye ca na'aco' ipataxalec camaye, da yaqto' iquia'axaatac cam hueta'a ca lma' da ivita ye laloqo' da nquia'axac.


Qalaxaye huetalec qome da imeenaxanaxac, na laxaraicpi maye netalec ana 'alhua yaqto' iuoreuapi, qaq ca quetague' da ñecỹaxac maye nalochiguiñi, nacheca qome ca aỹem do'onataxaatacot.


qaq Ñim Nataxala' maiche do'onataxana qome da nalochiguiñi lo'onataxanaxac, da isheeten ñi 'oonolec da shenaqta. Cha'aye Ñimaye 'am ỹaneguet da ihuaqỹaxac da huo'o ca 'am so'otec, qalaxaye aỹem saishet da huo'o ca 'am so'otec, cha'aye 'am lca'aguishec Ñimaye.


Ca nataxala' da ỹataqta ỹaỹaten da ilo'ogue na 'amqaanataxanaxaicpi, camaye ỹataqta qaỹauotec qome qataq qaipagaqchiichigui da lashiichiỹaxac da lo'onataxanaxac. Lamaaxa da ỹataqta nañaneguet da la'aqtaxanaxac qataq da lapaxaguenataxanaxac da ỹa'axattac da no'on na'axaỹaxac.


'Am ỹauotaxat Timoteo: 'Am samaxa da iquinaxanaxac. Aỹem Pablo, aỹem lamaxashec So Jesucristo, cha'aye Ñim Lo'onatac 'Enauacna maye Qarca'alaxaqui, qataq So Cristo Jesús maye hueto'ot da qanaquitaxac aỹem ỹamaxalec da sa'axat de'era la'aqtac. 'Am 'ena'am da ỹoqta 'am ỹalamaxat ỹalec. Ỹoqo'oye seỹaxaatacot Ñim Lo'onatac 'Enauacna maye Qarta'a qataq So Jesucristo maye Qarataxala' da ỹataqta 'am ỹauotec qataq 'am itauaatac 'enauac nam 'auo'otpi, qataq 'am ỹami' da 'arlagaxayec.


Qaq de'era pa'atec qami' ỹaqaỹa't, 'eeta': ỹataqta qauennataxañiitelec cam ỹataqta 'eesa, qataq 'enauac cam ishet da huo'o naq 'enec qanqa'en, qataq 'enauac cam nalochiguiñi, qataq ca 'onaxaic, qauennataxañiitelec nataqa'en cam no'on nataxac, qataq 'enauac cam ishet da ỹo'ot da ño'oxonnataxanaxac.


Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.


Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»


Nache so Ajimélec ỹasateguet so nta'a 'eeta': Ne'ena 'aramaxashecpi, ¿peta'a huo'o ca 'eeta'am da lataxac so David da ỹataqta 'am ỹalaxaguet? Qataq somaye saishet da nda'a't da 'araronaxanec, cha'aye nataqa'en lataxala' nam alleppi maye 'am nauaatalec, qataq huo'o da 'enec da hueta'a ñi nma' lta'araic.


Qaq so Judas saishet da 'enapec de'era, da souaxat da huo'otaq ichoxoreetac na choxoraqpi, cha'aye somaye choche cachaxaic. Qataq nacheso som ilotague' aso nme anom So Jesús qataq soua lapaxaguenataqa, qalaxaye somaye decachetega naxa anamaye.


qataq ỹataqta aỹem nlaqchigui da ñetonaxac, cha'aye Ñimaye nacheñi ñi Ica'alaxaqui!


Nache so nogotolec Juan nquictasheguem da llaxa qataq lta'araic da la'añaxac saqcha'a maye chegoqo'ot Ñim Lo'onatac 'Enauacna. Somaye netauga so toolec 'alhua, choche ivitta'a so na'a'q co'ollaq Ñim Lo'onatac 'Enauacna ỹamaq da ỹache de'era la'aqtaxanaxac, da da'aqtaxanem na Israel le'ecpi.


Qalaxaye Ñim Lo'onatac 'Enauacna maye Qarca'alaxaqui, ỹachaxanalo qomi' da lchoxonnataxanaxa qataq da lauotaxanaqtaic 'enauac na shiỹaxauapi, nache qomi' nca'alaxatre'c


Swiv nou:

Piblisite


Piblisite