Tito 1:9 - La'aqtaqa Ñim Lo'onatac 'Enauacna 2013

⁹ Qataq ỹataqta na'añaxatec da na'aqtac maye 'eesa lataxac dam mashe qaỹapaxaguenec, yaqto' nataqa'en ishet da ỹa'añaqchet ca lỹa da irolec da no'oita napaxaguenataxanaxac, qataq nloqtenec ca depa'aguenataxaatac.

Nuevo Testamento Toba Sur

⁹ Qataq ÿataqta n'añaxattec da n'aqtac mayi 'eesa lataxac dam mashi qaÿapaxaguenec, yaqto' nataq'en ishit da i'añaqchit ca lÿa da idolec da no'oita napaxaguenataxanaxac, qataq nloqteneec ca depa'aguenataxaatac.

Nuevo Testamento Toba Sombrero Negro

⁹ 'Noota ta'le yataqachiñe nematala't da'me yataqatelegue 'naqataĝanaĝac jo'ne qoyapaĝaguenec, qaedi nach'e ena'am yaqanatet ta'le yapaĝagueneque joda'me yataqatelegue gaa'me laqaya'olqa nataq'aen 'yañaqatetapeque qaedi nach'e eta't quetedalegue, nataq'aen qaedi yaqanatet ta'le noqotetapegalo gaa'me jo'ne te'me nautetedapega.

Tito 1:9 Referans Kwoze

2 Ts 2:15

Qaq ỹoqo'oye qami' qarqaỹa't, saqco' qome ca qauqochiỹa, qoquiito'ot qome da qanaquitaxaqui Ñim Lo'onatac 'Enauacna qataq saishet da qaucoviỹa'ai da qarapaxaguenataxanaxac naxa da qami' souaqta'agueta huo'otaq na huetalec ana qorere maye qami' samaxasoqtegalo.

2 Timoteo 1:13

Qoquetelco' da lataxac da 'am sami' napaxaguenataxanaxac maye no'on. Qataq saisheto' da 'axanec da 'arpi'iỹaxac Ñim Lo'onatac 'Enauacna qataq da nsoxoyec maye qomi' qoỹanema, cha'aye mashe ña'araqtaua'a So Cristo Jesús.

1 Timoteo 6:3

Da huo'o ca dapaxaguenataxaatapeguec cam dataỹa'aguet dam no'oita napaxaguenataxanaxac maye chegoqo'ot So Qarataxala' Jesucristo qataq da 'eesa lataxac da qara'amqaanataxanaxac,

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

Apocalipsis 3:3

Qataq 'auennata'a 'enauac nam 'auaỹaten maye na'aqtaguec Ñim Lo'onatac 'Enauacna, ime, nache 'avi'eguelaqot Ñimaye qataq 'aualaxaguet. Qaq da saishet da nache qonetec de'era, nache 'am ñeqo'ona da sauo'o ca 'anhuaxanaguec, qataq 'am sevira qom mashe saishet da Aỹem 'auauotaique; sheeta'am ca cachaxaic da saishet da qaỹaỹaten ca laloqo' da nvi' da decache.

1 Timoteo 1:15

Qaq de'era ỹataqta 'eesa, qataq saishet da qaiqoleguet da So Cristo Jesús naỹa ana 'alhua da nca'alaxatec na shiỹaxauapi 'etaxaloxoicpi, ivira'a aỹem, maye ỹactec da aỹem 'etaxaloxoic.

Tito 2:1

Qaq 'am, Tito, iuen da 'auapaxaguenataxanec ca ỹataqta nateeteguet da no'oita napaxaguenataxanaxac.

Tito 1:11

Namayepi iuen da qaỹapoguilo naua ala'api, cha'aye ỹataqta sa nhuoona't naqa'en na nhuo' le'ecpi, souaxat da dapaxaguenataxaatapeguec na sa lataxac, cha'aye choche nshetaique da nauec ana anom da ỹachegoxotaigui da latenataxanaxac.

2 Timoteo 4:3

Cha'aye huo'o qome ca na'a'q da na shiỹaxauapi saishet da isheteguet da napaxaguenataxanaxac no'oita. Nachaqrata da na'axaỹaxaata'ai ca maiche lqopitaxanaqtaic, qataq nmitta'a da ỹotta'a't naqa'en na napaxaguenaxala' da qaỹapaxaguenec cam nateeteguet ca maiche 'eetapeguec.

1 Ts 5:21

Qalaxaye qavi'iguiñi 'enauac, qaq cam ỹaỹamaqchiguiñi, nacheca qauaỹamaxache.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Da na'aqtaguec so Job 2:3

Nache Ñim Nataxala' 'enapego', 'eeta': «¿Peta'a 'aulota'a ca ỹamaxashec Job? Camaye ỹataqta qaica ca 'ena'am 'enauac nam huetalec ana 'alhua, ỹataqta Aỹem ỹalaxaguet, no'on da lataxac qataq qaica ca ỹasouaxat, qataq saishet da huo'otaq huo'o ca ỹo'otec ca sa ỹaỹamaxañi. Qaq na'aictaxa da 'auỹaxaneua'a co'ollaxa da huo'o da so'otec sa ỹaỹamaxañi, qalaxaye ñaqaiyeta saishet da ỹaxanec da no'on lataxac.»

Apocalipsis 3:11

Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

2 Timoteo 2:25

qataq huesotta da lataxac da nlaxanec ca depa'aguenataxaatac. Cha'aye saiuena'a da Ñim Lo'onatac 'Enauacna ishet da ỹami' camaye da naralaxat da lhuennataxac, qataq ỹami' da ỹaỹaten da 'eesa lataxac,

2 Timoteo 2:2

'Am 'aua'aqchigui nam sapaxagueeteguec na qalota shiỹaxauapi. Qaq nagui sauotaique da 'am 'auapaxaguenec ne'enapi na 'amqaanataxanaxaicpi cam ỹataqta 'arpe'et, da yaqto' sa nqalat da ỹapaxaguen ca lỹa.

1 Timoteo 1:19

Qataq 'ana'añaxatec da 'arpi'iỹaxac qataq da no'on 'arvilỹaxac. Cha'aye mashe huo'o na ilamaqauec, ca'ai da lpi'iỹaxac, souaxat da sa ỹalaxalec da ỹaỹamaqchiguiñi lavilỹaxac.

Hechos 18:28

So Apolo ỹataqta ncotatague' so judiopi maye sa ỹa'amaqten So Jesús, nache ỹaconalo naua nanettrañi ñiyigui'she na'aqtaqa da ỹa'axattac da So Jesús da nacheso So Lca'aguishec Ñim Lo'onatac 'Enauacna.

Da na'aqtaguec so Job 27:6

Qaq nache shecto'ot qome da shenapec no'on da ỹataxac, saishet da ñañan, cha'aye da ñaq ñeca'altauec, nache da ivilỹaxac saishet da aỹem ỹa'aloqchettac.

1 Corintios 14:24

Qalaxaye da 'enauac da qoñiita da qaua'axacheeta'ape naua na'aqtaqa maye chegoqo'oto Ñim Lo'onatac 'Enauacna, nache ne'ena shiỹaxauapi maiche nauattoola't da huo'o da lasouaxashet.

2 Timoteo 3:14

Qalaxaye 'am, qoquetelco' da 'anapaxaguenataguec maye 'auaỹateeta da ỹoqta 'eesa. 'Am mashe 'auaỹateeta nam 'am ỹapaxaguenec de'era,