Tito 1:8 - La'aqtaqa Ñim Lo'onatac 'Enauacna 2013

⁸ Nachaqrata da nlosheguem, saishet da sa ilo'oguet ca lỹa da namaxasoxoic, qataq nqopita da ỹo'ot ca ỹaỹamaqchiguiñi. Qataq iuen da hua'auñi da deuennataxaalec da huo'o ca ỹo'ot, qataq no'on da lataxac, qui'itta, qataq ilotegue da nachaalataxac.

Nuevo Testamento Toba Sur

⁸ Chaqdata da nloshiguem, sa ishit da sa ilo'oguet ca lÿa da namaxasoxoic, qataq nqopita da i'ot ca ÿaÿamaqchiguiñi. Nloteec, no'on da lataxac, qui'itta, ilotegue da nachaalataxac.

Nuevo Testamento Toba Sombrero Negro

⁸ 'Noota qom ja naq'aeta, dite da'me yelo'ogueta gaa'me jo'ne yec'adeta ga'me 'lachaqa', 'noota qom jiyaĝaua jo'ne onaĝaicaloec, yataqachiñe joĝodaic, yataqatelegue, ja 'nalegue, nataq'aen mach'ega yayaten ta'le ja yaqa'a ga'me ye'et.

Tito 1:8 Referans Kwoze

1 Timoteo 3:2

Qalaxaye ca lataxala' na 'amqaanataxanaxaicpi saishet da huo'otaq sa ỹaỹamaxañi da na'aqtaguec. Nachaqrata da 'oonole naqa'en aca lhua, qataq ỹataqta ilotegue da llecỹaxac, daỹaanataxan, huo'o naq 'enec qanqa'en. Qataq ỹataqta ỹaỹaten da ilo'oguet ca lỹa. Qataq ỹaỹaten da dapaxaguenataxan.

Tito 2:7

Qataq 'am ỹataqta 'auachaxana namayepi ca no'on 'aro'onataxanaxac. Da 'auapaxaguenataxaatac qalaq saishet da 'auasaguettac.

1 Reyes 5:7

Qaq so Jirán co'ollaq hua'axaỹa de'era la'aqtac so Salomón, nache ỹataqta machiguiñi, nache 'eeta': «¡Ỹataqta qaỹo'oxoren nagui Ñim Nataxala', cha'aye ỹanem so David ñi 'oonolec llalec maye ỹataqta ỹaanaxanaxaic, da ilo'ogue ne'ena nhuo' le'ecpi maye ỹataqta qalota!»

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

1 Juan 3:14

Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

1 Timoteo 6:11

Qalaxaye 'am Timoteo, 'am lamaxashec Ñim Lo'onatac 'Enauacna, 'auataueeguesop 'enauac ne'ena sa ỹaỹamaxañi. Ime, nache 'ampogoxoinapegue' da 'aualaxaguet Ñimaye qataq da 'am no'on lapaxaguenatac So Jesucristo. Saishet da 'axanec da 'arpi'iỹaxac Ñimaye qataq 'auauotec 'enauac na qarqaỹañicpi maye qara'amqaanataxanaxauapi. Qataq da ivita da 'auataỹa'aguet na lqalaiguesat qalaq 'auauo'o qome da 'arhualaxavic, qataq 'auauotec na laỹepi shiỹaxauapi.

1 Timoteo 4:12

Qataq saishet da 'anasheneuo da qaica ca 'am qoỹanaigui souaxat da ñaq 'am nsoqolec. Nachaqrato' da 'am laloqnaxanaxat na laỹepi 'amqaanataxanaxaicpi souaxat naua ỹaỹamaqchiyiñi 'artaxaỹaxaco, qataq da no'on 'arataxac, qataq da 'arsoxoyec, qataq da 'arpi'iỹaxac, qataq da qui'itta na'aqtaguec da 'anachaalataxac.

1 Ts 2:10

Qami' huo'o da qarpi'iỹaxaqui Ñim Lo'onatac 'Enauacna qataq qomi' co'ollaq qami' souaqta'agueta, qalaq ỹataqta no'on da qarataxac. Qaq Ñimaye ỹataqta ỹaỹateeta da 'eesa de'era, nataqa'en qami'. Ỹoqo'oye qaica ca ishet da huo'o ca qomi' ỹasaxaleguete ca qarasouaxashet.

Salmos 16:3

Na atamnaxala'pi maye huetalec ne'ena 'alhua ỹataqta 'añaxaicpi, cha'aye nache 'enapec na ỹo'oxoreetac namayepi,

1 Reyes 5:1

Qaq so Jirán, maye lta'a so netaña ye Tiro, somaye ỹataqta nauochaxaua co'ollaxa so David, qaq ỹoqo'oye co'ollaq ỹaỹaten da so Salomón qoỹanagui da lo'onataxanaxac so lta'a David, nache ỹamaxa somaye so ltaxaỹaxanaxanecpi.

1 Samuel 18:1

Qaq so David co'ollaq ime da na'aqtaxaatague' so Saúl, nache so Jonatán ỹo'ot da ỹataqta nauochaxaua so David, nache ivira'a da 'eeta'am da maiche nachaalataxac da lauotaxanaqtaic somaye.

2 Timoteo 3:3

Namayepi ỹataqta qauemaicpi qataq quiỹaxanaqtaqaicpi. Qataq ỹasaqteguelec da latenataxanaxac na laỹepi qataq saishet ncherapec qataq sa ỹañoxot da nllañi da lqopitaxanaqtaic. Qataq nquiỹa 'enauac nam ỹaỹamaqchiguiñi.

2 Timoteo 2:22

Saishet da 'am ỹauectac da lqopitaxanaqtaic da 'annogotshec. 'Am mashe 'am nsoq, qaq ỹoqo'oye qoca'ai namayepi, nache 'analemaqte' da 'auo'ot ca ỹaỹamaqchiguiñi. Qataq 'anmitaique qome da 'eesa lataxac qataq da nsoxoyec qataq da nlagaxayec qataq 'auauaxaiguet 'enauac nam huesota da lquiyaqteỹaxac da ỹo'oxoreetac Ñim Lo'onatac 'Enauacna qataq pi'iỹa'a Ñimaye.

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Lucas 2:25

Qaq se'eso na'a'q hueta'a ye nỹecpi le'enaxat Jerusalén so ỹale le'enaxat Simeón. Somaye ỹataqta no'on da lataxac qataq ỹalaxaguet Ñim Lo'onatac 'Enauacna. Somaye iuattaique da Ñim Lo'onatac 'Enauacna nca'alaxatec na Israel le'ecpi. Qaq So Saqcha'a Na'añaxac Qui'itta, nache hueta'aguet somaye.

Hechos 24:25

Qalaxaye co'ollaq so Pablo ỹa'axat da llec ca shiỹaxaua da no'on da lataxac, qataq da 'eetec da maiche ntel-la't, qataq cam pa'atec na'a'q qom qanmit 'enauacna, nache so Félix ỹataqta ñi'i. Nache 'enapeco': –'Asoma qojec, maicheyo' qom qaltaq huo'o ca iraqa', nache qaltaq 'am seỹaxaneuga.