Tito 1:6 - La'aqtaqa Ñim Lo'onatac 'Enauacna 2013

⁶ da ca lataxala' na 'amqaanataxanaxaicpi saishet da huo'otaq sa ỹaỹamaxañi ca na'aqtaguec, qataq 'oonole aca lhua naqa'en, qataq caua llalqa iue'n da ỹa'amaqte'n So Cristo, qataq ỹala'q.

Nuevo Testamento Toba Sur

⁶ Ca lataxala' na 'amqajnataxanaxaicpi sa ishit da huo'otaq sa ÿaÿamaxañi ca n'aqtaguec, qataq 'oonole aca lhua naq'en, qataq da'amqajnataxan naq'en na llalaqpi, yaqto' sa ishit da huo'o ca qaÿasaxalec, souaxat ca n'onataxac sa ÿaÿamaxañi, qataq souaxat da sa ÿalaq.

Nuevo Testamento Toba Sombrero Negro

⁶ 'Noota qom qaya'te lejamaĝataĝac ga'me 'yaĝaicachigui, 'noota qom onole jaga'me loua, nataq'aen joĝodayaqa gaa'me c'oqo'tolqa, ja qoyec'ateneque ta'le ja 'noe'n da'me 'loyaĝa'j uotaĝa ta'le ja yoqocha'alo jogaa'me let'al.

Tito 1:6 Referans Kwoze

1 Timoteo 3:12

Ca ltaua ca lataxala' na ỹa'amaqten So Jesús iuen da 'oonole aca lhua naqa'en, qataq ỹaỹaten da ilo'ogue caua llalqa qataq da lmayaxac.

Tito 1:10

Cha'aye mashe qalota na sa ỹalaq, qaq namayepi nachena nam chegaqaigui da la'amqaanataxanaxac na judiopi. Namayepi naua ltaxaỹaxaco ỹataqta qaica ca naiguilo, qataq ỹatenachettac na shiỹaxauapi.

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Ezequiel 44:22

Qataq saishet da huaroneguet aca pa'ai, huo'otaq aca mashe huo'o co'ollaxa ca lhua qalaxaye ỹalat, maye nda'a't da huaroneguet acam ñaq qa'añole Israel lashe, huo'otaq aca pa'ai maye lhua co'ollaxa ca ntaxaỹaxanaxanec.

Levítico 21:7

Qataq namayepi saishet da huo'o ca huaroneguet aca quisheguetaxai, huo'otaq aca mashe ỹauana na ỹale, huo'otaq aca qaỹalat, cha'aye namayepi qaỹaconeua'a da ỹataqta nalemaqte' da do'onataxanot Ñim Natamnaxala'.

1 Ts 5:14

Nataqa'en qami' qarqaỹa't, qami' seqataxalo da ỹataqta qoñiỹapega nam huotaique da saishet da do'onataxan. Qaua'añaqchichi na sa da'angui ye lauel, qataq qautauañi na ñaq saxanaxa da yo'oqta ỹa'amaqten So Qarataxala', qataq qanhualaxauñi' 'enauac na shiỹaxauapi.

Lucas 1:5

So Zacarías maye ntaxaỹaxanaxanec da qaitaxaỹapegue' Ñim lo'onatac 'Enauacna, maye huetaigui so na'a'q co'ollaq so Herodes maye 'amaqtaqaic lta'a na judiopi. Somaye do'onataxaategueua'a aso no'onaxanaxaqui late'erai, ỹalectaigui som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye chegoxoguet so Abías. Qaq aso lhua le'enaxat Elisabet, asomaye nataqa'en maiche chegoxoguet so ntaxaỹaxanaxanec le'enaxat Aarón.

Proverbios 28:7

Ca ñalec ỹaanataxanaxaic camaye ipacchiguilo naua lqataxaco Ñim Lo'onatac 'Enauacna, qaq ca saiỹotec ca quia'axaic qalaq ỹo'ot da lcoxo ca lta'a.

1 Samuel 2:22

Qaq so Elí, mashe ỹataqta ỹa'axaiquiolec, qalaxaye ỹaỹaten 'enauac nam ỹo'ottrac soua llalqa maye ỹo'otec so Israel le'ecpi, qataq ỹaỹaten da soomaye lauatrapiguiñi' so 'alpi maye huetague' som ñegueuo so npe'l maye huaña naxa da qanauane' Ñim Lo'onatac 'Enauacna.

1 Samuel 2:11

Qaq co'ollaq ime de'era, nache so Elcana ỹe'eguelaxa so lma' ye Ramá. Qaq som nogotolec, qalaq nache no'onañi da yaqto' do'onataxanot Ñim Nataxala', qalaxaye nache ilotague' somaye so ntaxaỹaxanaxanec Elí.

Levítico 21:14

Qataq saishet qome da huaroneguet aca pa'ai, huo'otaq aca qaỹalat, huo'otaq aca mashe ỹauana na ỹale, huo'otaq aca quisheguetaxai. Nacherata da huaroneguet aca saxanaxa da ỹauana na ỹale, qataq chegoxoguet na maiche lauo' le'ecpi,

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

1 Timoteo 1:9

Ỹoqta 'eesa da na namaxasoxonaxacpi saishet da qaỹo'ot da qanmit ca no'on da lataxac, nachaqcata ca sa ỹalaq, qataq qauemaic, qataq 'etaxaloxoic, qataq ca qaica ca 'enec naqa'en Ñim Lo'onatac 'Enauacna, qataq da na'amqaanataxanaxac. Nataqa'en naamaye talec cam ỹalauat cam 'ena'am shiỹaxaua qataq ca ỹalaua't caua yo'oqchiguilo lta'al.