Tito 1:4 - La'aqtaqa Ñim Lo'onatac 'Enauacna 2013

⁴ 'Am Tito, 'ena'am da 'am ỹalec, cha'aye aỹem 'auachegoxoto'ot da 'arpi'iỹaxac dam qomi' hueto'oto nagui. 'Am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, qataq So Qarataxala' Jesucristo maye Qarca'alaxaqui.

Nuevo Testamento Toba Sur

⁴ 'Am Tito, 'en'am da 'am ÿalec, cha'ayi aÿim 'auachigoxottot da 'adpi'iÿaxac dam qomi' hueto'oto. 'Am samaxa ana ÿide, cha'ayi ñishitaique da 'auaconguet da nqouagaxanaqtaic, nataq'en da nchoxonnataxanaxa, qataq da nlagaxayic mayi chigoqo'ot ñi qadta'a Dios, nataq'en so qadataxala' Jesucristo mayi qadca'alaxaqui.

Nuevo Testamento Toba Sombrero Negro

⁴ Yamaic am janem am Tito, am jo'ne ena'am ta'le yataqachiñe am yalec qa'a qademaye da'me dojo' qadepe'e. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanem da'me anichoĝodenataguec nataq'aen da'me at'emaĝac.

Tito 1:4 Referans Kwoze

2 Timoteo 1:2

'Am ỹauotaxat ỹalec Timoteo, 'am samaxa ana ỹere, cha'aye ñeshetaique da 'auaconeguet da nqouagaxanaqtaic, nataqa'en da nchoxonnataxanaxa, qataq da nlagaxayec maye chegoqo'ot Ñim Qarta'a maye Lo'onatac 'Enauacna, nataqa'en So Qarataxala' Jesucristo.

Judas 1:3

Qami' ñauochaxau' ỹaqaỹa't maye sa'amaqtenaqtac So Cristo. Mashe qaỹoqtegue da iyaxa da sauotaique da shiyiñi da lataxac da nca'alaxa maye qomi' ỹanema Ñim Lo'onatac 'Enauacna. Qalaxaye nagui qami' samaxalo ana ỹere da qami' seỹaxanoto da qoquiito'ot da qauloquiitapeguelec da lapaxaguenataxanaxac Ñim Lo'onatac 'Enauacna, maye mashe ime da ỹami' 'enauac nam lalamaxatpi qataq lca'aguishecpi Ñimaye.

2 Pedro 1:11

Qaq Ñim Lo'onatac 'Enauacna ỹataqta qami' ntootegueque da qami' ỹaconegueta da yaqto' qaunoxoñiiua'a da lo'onataxanaxac So Qarataxala' qataq Qarca'alaxaqui Jesucristo, qom nachaxan da ilo'ogue 'enauacna.

2 Pedro 1:1

Aỹem, Simón Pedro, so'onataxaatacot So Jesucristo, Som aỹem ỹamaq da sa'axatec da la'aqtaxanaxac. Qauacoñiiguet da iquinaxanaxac. So Jesucristo maye ñatamnaqtacot qataq Qarca'alaxaqui, Somaye ỹataqta no'on da lataxac qataq ichoxoren 'enauac da qoñiita, cha'aye qami' ỹo'oteque da qaupi'iỹa'ai Somaye 'eeta'am da qomi' ỹo'oteque da sepi'iỹaqa'a Somaye.

2 Corintios 2:13

Qalaxaye da iquiyaqteỹaxac saq maguiñi souaxat da sa ñauane' so qarqaỹa Tito. Ỹoqo'oye, nache ñecoyeguene' so 'amqaanataxanaxaicpi maye hueta'a ye nỹecpi ye Troas, ime, nache saỹa ye 'alhua Macedonia.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

2 Corintios 8:23

Qaq da huo'otaq huo'o ca denataxanec so Tito, qaq qaua'aqtaxañim camaye da so Tito maiche itaua, aỹem itauaatac da qami' souaqtegueto. Qaq da huo'otaq qainataxanec soua lỹa't qarqaỹa't, qalaq qaua'axache' da soomaye maiche lamaxa'she nam ỹa'amaqten So Jesús maye hueta'a ne'ena soota'a, qataq soomaye ỹo'oxoreetrac So Cristo.

Romanos 1:12

Qaq yaqto' ñi 'oonolec da shenaqta ishet da itauan ca lỹa chegoqchigui da la'añaxac da lpi'iỹaxac Ñim Lo'onatac 'Enauacna.

Juan 4:42

Nache somayepi 'eetega aso 'alo, 'eeta': –Nagui saishet da nachaqrata da 'ara'aqtaxanaxac da sa'amaqtenaq, cha'aye qomi' nataqa'en maiche ña'axaỹaxanaqtega damaye qataq saỹaanaqta da ỹoqta 'eesa da nachera da Nta'a Lca'alaxaqui nam shiỹaxauapi maye huetalec ana 'alhua.

1 Juan 5:14

Qomi' huo'o da qarpi'iỹaxac Ñim Lo'onatac 'Enauacna, cha'aye saỹatenaq da qomi' hua'axaỹalo da seỹaxanaqot Ñimaye da seỹaxanaqaique ca ỹaỹamaxareeta.

2 Pedro 3:2

Qauennachiỹa'a da la'aqtaxanaxac som la'aqtaxanaxanecpi Ñim Lo'onatac 'Enauacna maye qomi' ỹanema soua qaỹoqteguelo vi'iye. Qataq saishet da qaucoviỹa'aisalo naua lamaxasoxonaxaco So Qarataxala' qataq Qarca'alaxaqui Jesucristo maye qami' ỹapaxagueneque soua lamaxa'she.

2 Pedro 2:20

Cha'aye nataqa'en nam mashe ỹauatton So Qarataxala' qataq Qarca'alaxaqui Jesucristo, namayepi saishet da quetague' da lataxac na 'etaxaloxoicpi maye huetalec ana 'alhua. Qalaxaye da maiche nasheeteuo da ỹe'eguelaxa da ỹatenachet ne'ena lataxacpi qataq hua'aqta'a da ỹauectac da ñe'etaxaloxo, nache namayepi ỹataqta ỹactec da ỹo'ot sa ỹaỹamaxañi saq 'ena'am so hua'auchiguiñi.

Tito 1:3

Qaq nagui mashe ivita ye laloqo' da qaỹaỹaten da 'eetapeguec Ñimaye, ỹachegoxotchigui da ỹa'aqtaxanaxac maye aỹem ipataxalec Ñim Lo'onatac 'Enauacna maye Qarca'alaxaqui.

Colosenses 1:2

samaxasoq da qarquinaxanaxac taỹa'a na 'amqaanataxanaxaicpi maye netaña ye nỹecpi ye Colosas. Qaq Ñim Lo'onatac 'Enauacna maye Qarta'a qami' icoreleguete da lqouagaxanaqtaic qataq da nlagaxayec.

Efesios 1:2

Seỹaxaatacot Ñim Qarta'a maye Lo'onatac 'Enauacna qataq So Qarataxala' Jesucristo da ỹataqta qami' ỹauoteque qataq qami' ỹanema da nlagaxayec.

Gálatas 2:3

Qaq somayepi saishet da huo'o ca ỹamaqtalec da ỹauo'o ca na'anaxat na lo'oc, ivira'a so Tito maye saishet da judío le'ec.

2 Corintios 12:18

Co'ollaq seỹaxanot so Tito da yaqto' qami' namaqtegalo, qalaq samaxague so lỹa qarqaỹa. Qaq ¿peta'a qami' ỹatenache't co'ollaxa so Tito? Qataq ¿peta'a saq 'en da qomi' nache 'eeta'a't da qarataxac, qataq 'eeta'a't da qarhuennataxac?

2 Corintios 8:16

Qaq sanot da ña'achecỹaxac Ñim Lo'onatac 'Enauacna, cha'aye Ñimaye ỹachanguit añi lquiyaqte so Tito da 'eeta'am naqa'en aỹem da huo'o da lyaxa da qami' itaua'n.

2 Corintios 8:6

So Tito nacheso so hua'auchiguiñi co'ollaxa da laỹootega't ana qarachetaqtaxanaqche maye qartaunaxanaqchi chegoqchigui da qarauotaxanaqtaiqui. Qaq ỹoqo'oye qomi' ñachoxorenaqtacot so Tito da yaqto' nache 'eetai' da queto'ot da ỹo'ottac de'era.

2 Corintios 7:6

Qalaxaye Ñim Lo'onatac 'Enauacna maye ishet da ỹa'añaqchet cam huo'o da nque'eenaxac, Ñimaye qomi' ỹa'añaqche't ỹachegoxotchigui da lviraxac so Tito.

2 Corintios 4:13

Naua nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Aỹem sa'amaqten Ñim Lo'onatac 'Enauacna, ỹoqo'oye setaqa.» Qomi' nataqa'en sepi'iỹaqa'a Ñimaye, ỹoqo'oye sa'axataqtac da no'on na'axaỹaxac.

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

1 Timoteo 1:12

Sanot da ña'achecỹaxac So Qarataxala' Jesucristo, cha'aye Somaye huo'o da naquitaxac aỹem qataq aỹem ỹami' da ỹa'añaxac da so'onataxanot Somaye.

2 Timoteo 1:1

Aỹem Pablo, aỹem lamaxashec So Jesucristo, cha'aye nachera da maiche 'eetapeguec Ñim Lo'onatac 'Enauacna da yaqto' sa'axatec da nca'alaxa maye ỹachaxanapec co'olloxocheye. Qaq de'era nca'alaxa taỹot ca mashe na'attaua'a So Cristo Jesús.

2 Timoteo 4:10

Cha'aye so Demas aỹem ca'ai, souaxat da lqopiche da 'onataxac lma'na, nache nqochena ye nỹecpi ye Tesalónica. Qaq so Crescente taigue da 'alhua Galacia, qaq so Tito taigue da 'alhua Dalmacia.

Tito 2:13

Nataqa'en qomi' ỹapaxagueneque da qolaqtot da qarhuataxanaxac da seuataqta'aguet que'eca na'a'q maye qomi' qaỹachaxanapeguema, da ñe'eguelaq da nactaigui da llo'oxoyec So Qarataxala' Jesucristo maye Qarta'a, qataq Qarca'alaxaqui.