Tito 1:16 - La'aqtaqa Ñim Lo'onatac 'Enauacna 2013

¹⁶ Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

Nuevo Testamento Toba Sur

¹⁶ Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

Nuevo Testamento Toba Sombrero Negro

¹⁶ Eetapela'ajalo yateto'n joñe'me Dios, qalaĝaja gaa'me 'lonataqa yaloĝo'n queda'me ja naq'aeta; yataqachiñe quiyaĝanataqayaqa, ja yoqochideta joñe'me Dios nataq'aen ja yaqanate't ta'le yauote gamachaqaega chimaqachiñe.

Tito 1:16 Referans Kwoze

1 Juan 2:4

Da huo'o ca 'eeta': «Aỹem ñauochaxaua Ñim Lo'onatac 'Enauacna» qalaxaye saishet da ỹalaxaguet, nache camaye tenataxanaxaic qataq saishet da 'en da nasaxauec.

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Judas 1:4

Aỹem ỹataqta lta'araic da sheeta, cha'aye huo'o na qami' ỹatenachetta'ape, qaq namayepi qami' ỹalectaiguilo. Namayepi ỹa'axattac da So Jesucristo saishet da nachaqsota da Qarataxala' qataq da qomi' lalamaqa'ate, qaq ỹoqo'oye saishet da iuen da salaxasoxoguet. Namayepi, da lhuennataxac 'eetega da Ñim Lo'onatac 'Enauacna ỹaguec da lauotaxanaqtaic da shenaqta, nache saishet da ỹauo'o ca qanhuaxanaguec souaxat nam qauem so'otaqpi. Mañaxasaco' soua qaỹoqteguelo vi'iye da ana nere maye huetalec na la'aqtacpi Ñim Lo'onatac 'Enauacna da 'eetega da Ñimaye ỹauo'o qome ca nhuaxanaguec namayepi.

Romanos 1:28

Qaq cha'aye namayepi mashe saishet da ỹauatton qataq ỹalaxaguet Ñim Lo'onatac 'Enauacna, qaq Ñim Lo'onatac 'Enauacna ỹaxanec namayepi da yaqto' ỹo'ot 'enauac na iuennatega maye qaica ca naigui qataq saishet da lataxac.

Apocalipsis 21:27

Qalaxaye saishet da inoxoneua'a yemaye ca nshepaxan maye sa ỹaỹamaxaren Ñim Lo'onatac 'Enauacna; qataq saishet da inoxoneuo nam ỹo'oxoreetac nam qanatameetacotpi maye saq 'en, nachaqnata na nanettaua'a aso lere Ñim Qagueta Llalec. Asa'aso nere nanettaua'a na le'enaxatpi nam ỹaconeguet cam nca'alaxa maye chochaq tatec.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

1 Timoteo 5:8

Qaq ca shiỹaxaua da saishet da huapegue' na maiche lauo' le'ecpi, camaye sa nateneguet da 'eetega lpi'iỹaxac. Lamaaxa da huo'otaq saishet da huapegue' caua maiche llalqa. Nache camaye ỹoqta napacalec ca saxanaxa da da'amqaanataxan.

Isaías 58:2

Namayepi, 'eetega 'enauaque naua na'axa'te da Aỹem nmittaique, qataq machiguiñi da ỹauatton da ñeqa'aicỹaxac, 'eeta'am ca nhuo' le'ecpi maye ỹo'ottac da nalochiguiñi lataxac, qataq da saỹauanega da ca'aisalo naua lqataxaco Ñim Natamnaxala'. Qaq namayepi aỹem dequicto'ot da sanem na no'on ỹamaxasoxonaxacpi, nache namayepi ỹachaxan da machiguiñi naxa da aỹem nquigueua'a,

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

Da na'aqtaguec so Job 15:16

¡Qaq ỹoqo'oye nataqa'en saishet da sa npi'itaxana na shiỹaxauapi maye ỹataqta qauem qataq qaiqaiga da lataxac, maye da ỹo'ottac na saỹaỹamaxañesat qalaq 'eeta'am da nỹomigui na 'etaxat!

1 Timoteo 1:9

Ỹoqta 'eesa da na namaxasoxonaxacpi saishet da qaỹo'ot da qanmit ca no'on da lataxac, nachaqcata ca sa ỹalaq, qataq qauemaic, qataq 'etaxaloxoic, qataq ca qaica ca 'enec naqa'en Ñim Lo'onatac 'Enauacna, qataq da na'amqaanataxanaxac. Nataqa'en naamaye talec cam ỹalauat cam 'ena'am shiỹaxaua qataq ca ỹalaua't caua yo'oqchiguilo lta'al.

Números 24:16

da la'aqtaxanaxac nam hua'axaỹalo naua la'aqtaqa Ñim Lo'onatac 'Enauacna, qataq ỹaỹate'n naua lhuennataxaco Ñim Nataỹaña 'enauacna, nam ỹauan na nauanaqchecpi maye chegoqo'ot Ñim Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

Jeremías 6:30

Qaq namayepi iuen da qaỹamata'ac ‹lsoche na lcat plata› cha'aye 'Am Nataxala' mashe 'aualat namayepi.»

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Jeremías 5:2

Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Jeremías 12:2

'Am 'aỹa'aañi, nache namayepi ỹa'ayiñi na lpa'a'pi qataq nquittasheguem da lañaxataxac qataq huo'o ana ala. Da 'Am detaqtega qalaq 'eeta'am da 'Am saqaỹapeque, qalaxaye da lquiyaqteỹaxac ỹataqta qaỹoqtaique naqa'en 'am.

2 Timoteo 3:17

yaqto' ca lamaxashec Ñim Lo'onatac 'Enauacna ỹataqta ỹaỹaten da lo'onataxanaxac qataq lhuotta da ỹo'ot ca ỹaỹamaqchiguiñi.

Tito 3:1

'Auennataxanaxanec na 'amqaanataxanaxaicpi da iuen da ỹachaxana da lalaxayec na nta'alpi maye 'amaqtaqaicpi qataq na ltauapi. Qataq nache 'eetai' da lhuotta da ỹo'ot ca ỹaỹamaqchiguiñi.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.