Tito 1:15 - La'aqtaqa Ñim Lo'onatac 'Enauacna 2013

¹⁵ Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

Nuevo Testamento Toba Sur

¹⁵ Ca shiÿaxaua, da qui'itta da lhuennataxa, qaq qui'itta naq'en 'enauac na chochina lataxaguesat. Qalaxayi na sa da'amqajnataxan, qataq saxanaxa da qui'itta da lhuennataxa, namayi qaica ca qui'itta naq'en. Cha'ayi da lhuennataxa qataq da lavilÿaxac ÿataqta nshipaxan.

Nuevo Testamento Toba Sombrero Negro

¹⁵ Qom yataqachiñe qanedo'ta't naa'me qadai'li, qama'le yema nedo'ta't ga'me jo'ne jauanaĝa; qalaĝaja gaa'me jo'ne ja yataqachiñe nedo'ta'ajalo nataq'aen ja yacoteguet da'me lepe'e' qamqa'me qaya'te uetauelo jo'ne nedo'ta'ajalo, qa'a paĝachiguilo naa'me lai'li choqodaa'me lelnataĝaco nataq'aen ja nometeguet ta'le 'uo da'me lepocoĝo'j.

Tito 1:15 Referans Kwoze

Romanos 14:14

So Qarataxala' Jesús aỹem ỹapaxaguen da qaica ca nallec da qauem. Qalaxaye da huo'o ca ipettega da huo'o ca nallec maye saishet da ishet da qanallec, nache no'on da saishet da chec.

Romanos 14:20

Saishet qome da qauqataqchichi da lo'onataxanaxac Ñim Lo'onatac 'Enauacna souaxat nam qanallec. Cha'aye ỹoqta 'eesa da 'enauac nam qanallec, namayepi ỹataqta qui'itta; qalaxaye dam qauem 'eeta': da huo'o ca qanallec cam ishet da iqataqchet da lpi'iỹaxac cam nỹa.

1 Corintios 10:23

Huo'o da qoñiita na 'eeta' da la'aqtac: «Aỹem huesochiguiñi da maiche soiqueetac da huo'o ca so'ot.» ¡Qaq de'era qara'aqtaqui ỹoqta 'eesa! Qalaxaye saishet da 'enauac nam 'eetapeguec ca shiỹaxaua da ỹaỹamaqchiguiñi qataq saishet da 'enauac da ỹa'añaqchet da qara'amqaanataxanaxac.

Mateo 15:18

Qalaxaye na shiỹaxauapi da qauema naua la'aqtaqa, qaq 'eetec de'era cha'aye namayepi qauemaicpi qataq nache 'eetai' da iuennatega da qauem: 'eeta'am ca yo'oqchigui dalaataxan, qataq 'eeta'am ca ncachetague' aca sa lhua, qataq ỹo'ot na qauem, decache, isheueetac ca lỹa shiỹaxaua, qataq ỹatenachet. Qaq Ñim Lo'onatac 'Enauacna saỹaỹamaxaren namayepi da ỹo'oxoreetac Ñimaye. Qalaxaye ỹoqta 'eesa da camachaqca cam ishet da ỹo'oxoren Ñimaye na'aictaxa da saishet da iỹoi' naua lhuaxaye.

Romanos 14:23

Qalaxaye da huo'o ca lhuennataxac da deque'e huo'otaq saishet, nache camaye da chec que'eca nallec, nache na'aqchet, cha'aye saishet da lhuennataxac. Qaq qami' ỹataqta qauaỹachiñiita damaye da qauem, cha'aye 'enauac nam qaỹo'ot da dataỹa'aguet cam ỹa'amaqten ñi 'oonolec, nache ỹo'ot ca nasouaxashet.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

Hechos 10:15

Qalaxaye se'eso nvilỹaxac qaltaq ỹe'eguelaxalec da, 'eeta': –Cam mashe qui'itta naqa'en Ñim Lo'onatac 'Enauacna, camaye saishet da 'auamata'ac da nshepaxan da lataxac.

1 Corintios 8:7

Qalaxaye saishet da 'enauac da qaỹaỹateeteguet de'era. Co'ollaq saxanaxa da qaua'amaqchiñi So Cristo, nache da qoñiita huo'o na ỹo'oxoreetac na ne'enaqtacpi maye qanatameetacotpi qataq saq 'en, qaq nagui ñaq 'eetalec da ỹa'amaqteetac namayepi da 'eetega huo'o da lca'alaxa. Qaq ỹoqo'oye da ivita da chec na nallec maye hua'auñi da qoỹanot namayepi, nache da lvilỹaxac ỹataqta ñi'i, nache 'eetega huo'o da lasouaxashet.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

1 Corintios 10:25

Qami' qolliqui qome 'enauac na lapat maye chegaqaigui aca nmenaxaqui namaye. Saishet da qaunataxañiitapeguelec ca chegaqa'ague, yaqto' saishet da sa ỹaỹamaxañi da qarhuennataqai.

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

Proverbios 21:4

Naua na'ai'te ño'oxonnaxaiqa qataq da toonaxac maye na'amqaanaxaic, qataq da lhuennataxac na qauemaicpi damaye ỹo'ot na nasouaxashet.

Hageo 2:13

Nache so Hageo, qaltaq, 'eeta': «Qaq da huo'otaq huo'o ca shiỹaxaua nshepaxan da lataxac souaxat da ỹaconeua'a ca leuaxaic, qaq da ỹaconeua'a ca camachaqca ne'enapi, qaq namayepi ¿peta'a saishet nataqa'en da nshepaxan?» Nache so ntaxaỹaxanaxanecpi ỹasat, 'eeta', aja' nataqa'en nshepaxan.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

Hebreos 12:15

Saishet da qauashiñi da huo'o ca ca'ai da lauotaxanaqtaic Ñim Lo'onatac 'Enauacna. Nataqa'en saishet da qauashiñim da huo'o ca ỹo'ot ca sa ỹaỹamaxañi da qoñiita, cha'aye damaye qami' na'axa't; ¡'eeta'am aca huoue chemaxarai maye deshenataxan!