Tito 1:12 - La'aqtaqa Ñim Lo'onatac 'Enauacna 2013

¹² Huo'o som da'aqtaxan co'ollaxa maye maiche lma' añi ỹaqa'ata 'alhua Creta. Somaye co'ollaq 'eeta' da la'aqtac: «Nam Creta le'ecpi ỹataqta tenataxanaxaicpi, qataq yeloxoicpi, 'eeta'am na shiguiỹac, qataq saq llalcolec na chec, qataq hualaicpi.»

Nuevo Testamento Toba Sur

¹² Huo'o so ÿajnaxanaxaic co'olloxochiyi lma' yi Creta. Somayi co'ollaq i'axat na maichi lauo' l'ecpi, 'eeta' da l'aqtac: “Nam Creta l'ecpi ÿataqta shipecaicpi, qataq yiloxoicpi 'ico' shiguiÿac, qataq saq llalcolec na chic, qataq hualaicpi.”

Nuevo Testamento Toba Sombrero Negro

¹² 'Uo ñe'me Creta le'ec 'me aqataĝanaĝaic jo'ne 'yaĝa'tape gaa'me mach'e layi: “Qo'mi Creta laje' nach'eda da'me qo'mi qovinaĝanaĝaiquipi, jenaqa'ama gaa'me yejidipi, qo'mi choĝolaĝayaqa choqoda'me qo'mi qui'yaĝayaqa.”

Tito 1:12 Referans Kwoze

1 Timoteo 4:2

Qataq na'axaỹaxaatega na saq ỹataxalec qataq tenataxanaxaic maye mashe ỹavic da ntoonaxac, ỹoqo'oye qaica ca lcoxo da ỹo'ot ca sa ỹamaxañi.

Romanos 16:18

cha'aye ne'ena shiỹaxauapi saishet da do'onataxaatacot So Cristo maye Qarataxala', nachaqrata da maiche nmittaique ca maiche laỹamaxa. Qataq namayepi iroleguete naua la'aqtaqa isotta'ape na shiỹaxauapi da da'aqtaxan, qalaxaye namayepi ỹataqta tenataxanaxaicpi qataq ỹatenachet nam shiỹaxauapi maye saxanaxa da ỹaỹaten ca ỹoqta llec de'era na'aqtaxanaxac.

Hechos 17:28

Cha'aye Ñim Lo'onatac 'Enauacna nacheñi Ñim huo'omshe ñeca'alaqtauec, qataq seraqtapigui', qataq ñachaataqtac. Qaq damaye nataqa'en nache la'aqtac som ỹaanaxanaxaicpi da qoñiita, 'eeta': «Qomi' maiche qomi' llalaqpi Ñim Lo'onatac 'Enauacna.»

2 Pedro 2:15

Namayepi ỹataqta isomtac, cha'aye maiche ỹaxaañi da ỹalaxaguet Ñim Lo'onatac 'Enauacna qataq quegue da lataxac so Balaam som llalec so Beor, som huotaique co'ollaxa da nauec ana anom da ỹachegoxotaigui da ỹo'ottac na qauem.

2 Pedro 2:12

Ne'ena ỹalleppi ỹataqta qaica ca ỹaỹaanapec, qataq 'enauac nam ỹo'otpi saishet da ỹoqta ỹaỹateeta, ncotateguelec ca sa ỹaỹaten, qataq 'eeta'am na shiguiỹacpi da ñiguiñi da yaqto' taỹa'a da qaỹaconeua'a da qaỹalauat.

Hechos 2:11

Qataq huo'o nataqa'en na chegaqa'ata añi ỹaqa'ata 'alhuole le'enaxat Creta, qataq huo'o na chegaqa'a ye 'alhua Arabia. Qalaxaye 'enauac da shenaqta sa'axasoqtega da qaỹa'axattac nam qaica ca 'ena'am ỹo'otpi Ñim Lo'onatac 'Enauacna da qaỹa'aqtaxaatapoiguilo naua maiche qara'aqtaqa.

Hechos 27:7

Qaq ỹataqta huo'oi soua na'axa'te da qolaqta, choche ñeqochenaqtapigui', qataq ỹataqta huo'o da qanqallegotaxac, choche seviraqta'a ye ñegaxasom maye naña ye Gnido. Qaq cha'aye ñaq huo'o so la'at sataqta'aguet, nache saqteuga ye naloteuga añi ỹaqa'ata 'alhua le'enaxat da Salmón, nache choche ñeconnaqteua'a añi ỹaqa'ata 'alhua maye le'enaxat da Creta.

Hechos 27:12

Cha'aye yi'iye ñegaxasom saishet da 'onaxaic da qanayeeta'a da ivita ye no'omaxa, cha'aye yemaye ỹataqta llec naua la'a'che. Qaq ỹoqo'oye 'enauac da nhuennataxac da qanqo'ona ye lỹa ñegaxasom maye naña ye Fenicia, da yaqto' nache qanayeua'a yemaye se'eso no'omaxa. Yi'iye Fenice nache nalec añi ỹaqa'ata 'alhua le'enaxat da Creta, qaq yemaye ishet da qotateuga da avit qataq da taguiñi.

Hechos 27:13

Qanache lapaxauo so la'at nte, qalaxaye saq chaxaguet. Nache somayepi ipi'itaxano' da mashe ishet da qaltaq jec. Nache qaltaq jec, qanayecto'ot na loigue añi ỹaqa'ata 'alhua le'enaxat da Creta.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Tito 1:5

Se'eso na'a'q 'am ño'onaxataña añi ỹaqa'ata 'alhua maye le'enaxat Creta, cha'aye ñeshetaique da 'auaỹamaxaañi nam saxanaxa da sematpi, qataq da 'ereuo na lataxala'pi na 'amqaanataxanaxaicpi maye netañalo naua lỹa't nma'ate. Qaq no'on qome da 'aupagaqchiichigui de'era ỹa'aqtac,