Tito 1:11 - La'aqtaqa Ñim Lo'onatac 'Enauacna 2013

¹¹ Namayepi iuen da qaỹapoguilo naua ala'api, cha'aye ỹataqta sa nhuoona't naqa'en na nhuo' le'ecpi, souaxat da dapaxaguenataxaatapeguec na sa lataxac, cha'aye choche nshetaique da nauec ana anom da ỹachegoxotaigui da latenataxanaxac.

Nuevo Testamento Toba Sur

¹¹ Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.

Nuevo Testamento Toba Sombrero Negro

¹¹ Naa'me naajo' jiyaĝa'u 'noota qom anauañiyegueta qa'a yemeda gaa'me 'nachaqa'te 'naĝa't jogaa'me queda'me jetaque ch'e qoyejete'n qama'le dapaĝaguenataĝatec ga'me jo'ne ja naq'aeta.

Tito 1:11 Referans Kwoze

2 Timoteo 3:6

Cha'aye namayepi, da lataxac taua'alo naua nma'ate da ỹatenachet ana 'alo maye 'oopai qataq 'etaxaloxoi maye saishet da nllañi da qauem lqopitaxanaqtaic,

1 Timoteo 6:5

qataq qaica ca loga't da loquiaxac. Qaq nam shiỹaxauapi maye ỹo'ottac de'era, namayepi ỹataqta sa ỹaỹaten da ỹaỹamaxatchiguiñi ca lhuennataxac, namayepi saishet da ỹaỹaten da 'eesa lataxac. Namayepi ipi'itaxaatega da qaỹachegoxotchigui da na'amqaanataxanaxac da qanauec ca lta'araic nsallaxa.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Tito 3:10

Da huo'o ca sa nhuoona't naqa'en na 'amqaanataxanaxaicpi, nache camaye ỹataqta 'autaxaỹot. Qaq da 'am sa ỹalaxaguet da mashe dos 'avi'eguelaxalec da qonapega, nache camaye 'anqateeguesop na 'amqaanataxanaxaicpi.

Salmos 63:11

Qalaxaye ñi nta'a machiguiñi da hueta'aguet Ñim Lo'onatac 'Enauacna, qataq 'enauac na ỹanot da la'aqtac Ñim Lo'onatac 'Enauacna nataqa'en ỹo'oxoren qome ñimaye. Qaq na tenataxanaxaicpi qalaq qaỹapoguilo naua ala'api.

Tito 1:9

Qataq ỹataqta na'añaxatec da na'aqtac maye 'eesa lataxac dam mashe qaỹapaxaguenec, yaqto' nataqa'en ishet da ỹa'añaqchet ca lỹa da irolec da no'oita napaxaguenataxanaxac, qataq nloqtenec ca depa'aguenataxaatac.

Tito 1:7

Cha'aye ca qaipataxalec da ilo'ogue na 'amqaanataxanaxaicpi, camaye ilo'ogue 'enauac na lo'onataxanaxacpi Ñim Lo'onatac 'Enauacna. Ỹoqo'oye, iuen da qui'itta naqa'en da nachaalataxac. Saishet da na'amqaanaxaic, qataq saishet da qauemaic, saishet da taxaic, saishet da sa ncherapec, qataq saishet da quetaigui da latenataxanaxac da nmitta'a ana anom.

Miqueas 3:5

Da la'aqtac Ñim Nataxala', 'eeta': Ne'ena ỹalamaxat nhuo' le'ecpi isomapec da llecỹaxac, souaxat da latenataxanaxac nam saq 'en na'aqtaxanaxanecpi, cha'aye nda'a't nam iquia'axan namayepi da da'aqtaxanem da nlagaxayec, qaq nam saishet da iquia'axan namayepi nache nda'a't da npa'aguene'.

Salmos 107:42

Qaq da ỹauaachigui de'era na no'on da lataxac nache machiguiñi, qaq na qauemaicpi qalaq ỹapoguilo naua ala'api.

2 Corintios 11:10

Qaq ỹataqta aỹem 'eesa da sauattoota da 'eesa lataxac maye chegoqo'ot So Cristo, qaq ỹoqo'oye saỹateeta nataqa'en da saishet da huo'o ca nqat da ñetonaxac nam netaña ye 'alhua Acaya.

Lucas 20:40

Huaña, nache so saduceopi saishet da ỹe'eguelaxalec da qaltaq inat Somaye.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Ezequiel 13:19

Qami', Aỹem qaunogoqchichi, souaxat na saq 'amaqtaq cebada, qataq nam saq 'amaqtaq nauole laỹe, qataq qanca'alaxacheetauec nam shiỹaxauapi maye saishet taxa da nca'altauec, qataq qaualauache na shiỹaxauapi maye saishet taxa da ileu. Qaq 'era da qoñeetec da qauatenachichi na ỹalamaxat nhuo' le'ecpi, maye ỹalaxaguet nam natenataxanaxacpi.

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

Juan 10:12

Qaq cam choche do'onataxaatapeguelec aca lasheue, camaye saishet da ỹoqta lo'o ana qagueta. Qaq camaye da huo'otaq ila'aguet ca dequi'iỹapec, nache no'onaxatchigui aca qaguetapi da datauec, cha'aye saishet da ỹoqta lalamaqtepi. Nache cam dequi'iỹapec ishet da ỹaconeua'a aca 'oonole ana qaguetapi, qaq ana laỹepi qalaq nlagaxattac.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

1 Timoteo 5:4

Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

1 Timoteo 5:13

Qataq ishet da taỹa da tateua'alo naua nma'ate, choche ivitta'a da qaica ca ỹo'ot. Qataq huo'o ana nataqa'en taỹa da na'aqtaqa lo'o' qataq camachaqca qataq tategueua'a, qataq sa ilo'oguelo naua la'aqtaqa.

2 Timoteo 2:18

Soomaye ilamaqraue'c, quera'ai da 'eesa lataxac, 'eetrega da na mashe ỹa'amaqten So Qarataxala', nache sa nauane' da qaltaq ileu. Qaq nachera da huo'omshe huo'o na isomapec na 'amqaanataxanaxaicpi.