Tito 1:10 - La'aqtaqa Ñim Lo'onatac 'Enauacna 2013

¹⁰ Cha'aye mashe qalota na sa ỹalaq, qaq namayepi nachena nam chegaqaigui da la'amqaanataxanaxac na judiopi. Namayepi naua ltaxaỹaxaco ỹataqta qaica ca naiguilo, qataq ỹatenachettac na shiỹaxauapi.

Nuevo Testamento Toba Sur

¹⁰ Cha'ayi mashi saqalota na sa ÿalaq, lamaaxa na judiopi. Namayipi ltaxaÿaxaco naua chochi n'ajnaxaiqa, qataq ÿatenachittalec na shiÿaxauapi.

Nuevo Testamento Toba Sombrero Negro

¹⁰ Qa'a qayoĝode' gaa'me uo'oe nayi jo'ne otanaĝanaĝaiquipi, 'me dapaĝaguenataĝatedapec ga'me qaya'te chiyaqayi nataq'aen qovinaĝanaĝaiquipi, choqoda'me mach'egaua p'etaqadayaqa jo'ne judiopi yauote da'me dojo'.

Tito 1:10 Referans Kwoze

1 Timoteo 1:6

Cha'aye mashe huo'o na ỹaxanec de'era nsoxoyec, nache ime'eguet da ncotaxac maye qaica ca naigui.

1 Juan 4:1

Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Santiago 1:26

Da huo'o ca ipi'itaxaatega da ỹataqta qui'itta, qalaxaye saishet da ilo'oguelo naua la'aqtaqa, nache camaye maiche natenachettapeguela't, qataq da la'amqaanataxanaxac ỹataqta qaica ca naigui.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

Hechos 11:2

Qaq so Pedro co'ollaq ỹe'eguelaxa ye nỹecpi ye Jerusalén, nache nam judiopi maye ỹa'amaqten So Jesús qataq quetague' da lataxac da qaỹauo'o ca na'anaxashet na lo'oc cam judío le'ec, quetapeguelec so Pedro.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Apocalipsis 2:6

Qaq dam saỹamaxareeta 'arataxac, nachera da sa 'auoten nam quetague' na lapaxaguenataxanaxacpi na nicolaitapi qoneta'am Aỹem.

1 Juan 2:18

Qami' ỹalqolqa, mashe souaqtaiguilo naua pa'atre'c na'axa'te, qaq ana 'alhua mashe saqaỹaloq da imeuo. Qami' qaua'aqaitapeguelec naxa da, qom yaqta'a da nvi' ca loga'tna, nache nvi' ca npa'aguenaxaua So Cristo. Qalaxaye aỹem sauotaique da qami' sa'aqtaxanema da mashe qalota na yo'oq nam ipa'agueetac So Cristo. Qaq ỹoqo'oye qomi' saỹatenaq da mashe souaqtaiguilo naua pa'atre'c na'axa'te.

2 Timoteo 4:4

Qataq ỹapoguilo naua ltela lauaco da saishet da na'axaỹaxana da 'eesa lataxac. Nachaqrata da na'axaỹaxaata'ai na ỹotta'a't na'aqtaxanaxac maye qaica ca naigui.

1 Timoteo 1:4

Qataq qonapega da saishet da ima'ape naua na'axa'te da napaxagueetega da na'aqtaxanaxac maye saq 'en, qataq ana naneraxalate som hua'au lta'alpi. Cha'aye nam lauela de'era, nache qaica ca naigui da ncotaxac, qataq damaye saishet da itauan ca shiỹaxaua da huotaique da ỹaỹaten dam ỹoqta 'eetapeguec Ñim Lo'onatac 'Enauacna. Cha'aye dam 'eetapeguec Ñimaye ishet da saỹatenaq da sepi'iỹaqa'a Ñimaye.

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

Hechos 20:29

Cha'aye aỹem saỹateeta da qom sheca'ai ne'ena, nache huo'o qome ca lỹa anac da huotaique da nlaxaañi na 'amqaanataxanaxaicpi, 'eeta'am da 'eetec ca dequi'iỹapec da detoxongui ana qaguetapi.

Hechos 15:1

Qaq se'esoua na'axa'te, nache huo'oi soua nvilye' ỹale't, chegoqra'ague da Judea da nvilda ye Antioquía. Nache soomaye ỹapaxagueetrapeguec na 'amqaanataxanaxaicpi da ca nshetaique da qanca'alaxatec, qalaq camaye iuen da qaỹauo'o ca na'anaxashet na lo'oc, cha'aye damaye, nache lamaxasoxonaxac so Moisés.

Hechos 15:24

Cha'aye qomi' qara'axaỹaxac da huo'o na shiỹaxauapi chegoqchiguiña ne'ena, da saishet da qaramaxashecpi da qami' nqo'onalo da qami' sa ỹalemaxa't. Qaq naua la'aqtaxanaxaco namayepi ỹo'ot da sa qauaỹaañi ca qoñiitec.

1 Timoteo 1:9

Ỹoqta 'eesa da na namaxasoxonaxacpi saishet da qaỹo'ot da qanmit ca no'on da lataxac, nachaqcata ca sa ỹalaq, qataq qauemaic, qataq 'etaxaloxoic, qataq ca qaica ca 'enec naqa'en Ñim Lo'onatac 'Enauacna, qataq da na'amqaanataxanaxac. Nataqa'en naamaye talec cam ỹalauat cam 'ena'am shiỹaxaua qataq ca ỹalaua't caua yo'oqchiguilo lta'al.

Tito 1:6

da ca lataxala' na 'amqaanataxanaxaicpi saishet da huo'otaq sa ỹaỹamaxañi ca na'aqtaguec, qataq 'oonole aca lhua naqa'en, qataq caua llalqa iue'n da ỹa'amaqte'n So Cristo, qataq ỹala'q.

1 Juan 2:4

Da huo'o ca 'eeta': «Aỹem ñauochaxaua Ñim Lo'onatac 'Enauacna» qalaxaye saishet da ỹalaxaguet, nache camaye tenataxanaxaic qataq saishet da 'en da nasaxauec.

Mateo 23:14

[¡Ỹataqta qauem da qa'aita'ague qami' fariseopi maye qoñiitega qami' 'eesora! Cha'aye qami' ỹataqta qui'itchiguilo qanqa'eñi naua lma'ate ana pa'aipi, qataq qanqañoxochiỹoigui da qauo'oche da logoraic qanatamnaxaqui, qaq souaxat de'era nache qami' ỹataqta lta'araic qome ca qanhuaxanaguiqui.]