Sofonías 3:4 - La'aqtaqa Ñim Lo'onatac 'Enauacna 2013

⁴ Qaq na la'aqtaxanaxanecpi ỹataqta qaica ca iren, qataq tenataxanaxaicpi, qaq na ltaxaỹaxanaxanecpi qalaq ỹataqta sairen ye atamnaqa', qataq saỹaỹamaxatapec nam lqataxacpi Ñim Nataxala'.

Toba del Oeste

⁴ Jogaa'me te'me 'laqatanaĝanaĝanaqa yataqata 'yoĝodenaĝayaqa nataq'aen qovinaĝanaĝayaqa. Nataq'aen jogaa'me tamenaĝaiqui lo'ol, jo'ne tadoue nale ñe'me Dios 'lemec qama'le e'n ja ja 'nalegue joga'me niyamaqatac, nataq'aen netauoĝodelegue da'me lamajoĝonaĝac joñe'me Jaliaĝanec.

Sofonías 3:4 Referans Kwoze

Ezequiel 22:26

Qaq na ltaxaỹaxanaxanecpi qalaq ỹashaxaarec naua ỹapaxaguenataxanaxaco, qataq nshepaxanaqchet nam ỹalamaxat ndaqa'pi maye sa qaishetapec, qataq saishet da ỹataqta naqa'en nam saqaishetapec qataq nam nshepaxan, qataq saishet da ỹapaxaguen ca lỹa da yaqto' ỹauatton ca qui'itta qataq ca nshepaxan. Qataq saishet da qochetega ye na'a'q mataxaqui maye ỹalamaxat, qataq saishet da Aỹem ỹo'oxoren.

Malaquías 2:8

Qalaxaye qami', ntaxaỹaxanaxanecpi, qoquiỹa'ai co'ollaxa so no'on nqa'aic; nache dam qarapaxaguenataxanaxaqui qalota so huañi naqa'en. Qaq 'era da 'eetec da qami', qaulaxachiigui da ñaỹamaxataxac maye sami' co'ollaxa so Leví.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Lamentaciones 2:14

Naua lauanaqcheco maye 'am ỹa'axatema co'ollaxa som 'ara'aqtaxanaxanecpi, naamaye ỹataqta 'am ỹatenache't. Cha'aye saishet da 'am ỹachaxanalo naua 'arasouaxashe'ete, da yaqto' 'am 'avita'aguet da 'am qaỹauega ca ỹaqaqa'a 'alhua, nacherata da ỹo'ot da 'aua'amaqte'n naua lauanaqcheco maye saq'e'n.

Jeremías 5:31

Nam na'aqtaxanaxanecpi qalaq saq'en nam la'aqtaxanaxacpi qataq na ntaxaỹaxanaxanecpi maiche ỹoiqueetac da lo'onataxanaxac, ¡Qaq nam ỹalamaxat nhuo' le'ecpi nachera dam ỹaỹamaxareeta! Qalaxaye ¿cam qoñiitec qami' qom qami' nvitalo ca laloqo' de'era?»

Isaías 9:15

Qaq na lqaic nache naigui na ỹa'axaiquipi qataq na nataxala'pi, qaq na la'araxashet qalaq nachena na na'aqtaxanaxanecpi maye dapaxaguenataxaateguec da natenataxanaxac.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

1 Juan 4:1

Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

2 Corintios 11:13

Cha'aye namayepi saq 'en da namaxashecpi, qataq datenataxaatac, choche ỹe'enaxat da lataxac nam ỹataqta 'eesa da lamaxashecpi So Cristo.

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Miqueas 2:11

Qaq da huo'o ca choche datenataxaatac, da 'eeta': «Aỹem sa'axatta'aguet nam ỹataqta no'on lataxapi». Qaq nacheca ca ỹataqta 'eesa naqa'en da na'aqtaxanaxanec ne'ena nhuo' le'ecpi.

Jeremías 23:32

Qataq sa'axat da sataỹa'aguet ne'ena na'aqtaxanaxanecpi, maye ỹa'axatta'ape naua lchoxonaxaco maye saq'e'n, cha'aye nachenaua ne'enaua latenataxanaxaco, qataq naua qaica ca naiguilo la'aqtaqa, nam ỹo'o't da isomapec na ỹalamaxat nhuo' le'ecpi. Aỹem saishet da samaq co'ollaxa namayepi, qataq saishet da samaxalec da da'aqtaxan. Qaq ỹoqo'oye namayepi saỹañoxot da itauan ne'ena nhuo' le'ecpi. Qaq 'era da ỹa'aqtac Aỹem Nataxala'.

Jeremías 8:10

Qaq ỹoqo'oye Aỹem sanem qome ca lỹa ỹale ana lhuapi namayepi, qataq na na'alhua taỹot ca lỹa shiỹaxaua da ỹauo'o lalamaxat. Cha'aye 'enauac na shiỹaxauapi, na 'amaqtaqaic qataq nam qaica ca la'amaqchec, nacherata da iuennatega da lauegaxanaxac maye chegaqaigui da ncachaxac, na na'aqtaxanaxanecpi qataq na ntaxaỹaxanaxanecpi 'enauac da decachetac.

1 Samuel 2:22

Qaq so Elí, mashe ỹataqta ỹa'axaiquiolec, qalaxaye ỹaỹaten 'enauac nam ỹo'ottrac soua llalqa maye ỹo'otec so Israel le'ecpi, qataq ỹaỹaten da soomaye lauatrapiguiñi' so 'alpi maye huetague' som ñegueuo so npe'l maye huaña naxa da qanauane' Ñim Lo'onatac 'Enauacna.

Jueces 9:4

Nache qoỹanem aso setenta anom plata maye qaỹachegoxotaigui aso atamnaxaqui maye netaigui so ne'enaqtac lqui'i so Baal Berit. Qaq nachaso aso desheetenaxana da isheeten som ỹalleppi 'etaxaloxoicpi da yaqto' ca'ategue somaye.

Jeremías 34:19

Qaq nam nataxala'pi na Judá qataq na Jerusalén, qataq nam 'amaqtaqaicpi ltauapi, qataq na ntaxaỹaxanaxanecpi, qataq 'enauac nam quichiguingui co'ollaxa na laiñi soua laỹel so huaca,

Ezequiel 44:23

Na ntaxaỹaxanaxanecpi iuen da ỹapaxaguen na ỹalamaxat nhuo' le'ecpi, da yaqto' ishet da ỹauatton cam ỹalamaxat, qataq cam lalamaxat ca shiỹaxaua, qataq ỹauatton ca qui'itta qataq ca nshepaxan.

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Malaquías 2:7

Cha'aye nache lo'onataxanaxac, cam ntaxaỹaxanaxanec da ỹapaxaguen nam shiỹaxauapi, yaqto' namayepi Aỹem ỹauatton, qataq 'enauac namayepi da iuen da ỹe'eguenot nam ntaxaỹaxanaxanecpi, da yaqto' ỹaconeguet ca napaxaguenataguec, cha'aye nachena nam la'aqtaxanaxanecpi Ñim Nataxala' maye Qaica ca Ỹaqalanapec.

Ezequiel 22:6

Na nta'alpi na Israel maye 'am netaigui, qalaq do'ogoxona da la'añaxac, qalaxaye nacherata da ỹo'ottac lalaataxanaxac.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».