Sofonías 3:2 - La'aqtaqa Ñim Lo'onatac 'Enauacna 2013

² Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.

Toba del Oeste

² Yataqata ja domachita da'me 'laqatac ñe'me Jaliaĝanec; nataq'aen ja yoqochideta joñe'me. Ja p'iida'a joñe'me Jaliaĝanec mach'e Nedios, uotaĝa ta'le nachoĝodetot joñe'me.

Sofonías 3:2 Referans Kwoze

Jeremías 22:21

Aỹem 'am setaqtecot co'ollaq qouetaigui da qaica ca 'auena'a, qalaxaye 'am saishet da Aỹem 'ana'axaỹaxana. Qaq nache qoneta'ac de'era chegoqta'a co'ollaq saxanaxa da 'am ỹe, da saishet da Aỹem 'aualaxaguet!

Jeremías 5:3

'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Jeremías 32:33

Aỹem iro'oguet na l-laq, nache saishet da Aỹem datateguet. Qaq na'aictaxa da saishet da saxanec da sapaxagueetac, namayepi saishet da Aỹem ỹalaxaguet qataq saishet da ỹaconeguet da ihuogoqtaxanaxac.

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Isaías 43:22

Qalaxaye 'am Israel, maye 'auachegoxoguet so Jacob, saishet co'ollaxa da aỹem 'auỹaxanot, nacherata da aỹem 'anasamiisop.

Isaías 29:13

Qaq Ñim Nataxala', 'eeta': «Ne'ena nhuo' le'ecpi da Aỹem ỹo'oxoren qalaq choche alap qataq choche la'aqtaqa, qalaxaye da lquiyaqteỹaxac qaỹoqta naqa'en Aỹem, qataq da llo'oxonnataxanaxac da Aỹem ỹo'oxoren, damaye maiche lapaxaguenataxanaxac qataq lamaxasoxonaxac na shiỹaxauapi.

Proverbios 5:12

Qaq qoneta' qome: «¡Che'eeto' co'ollaxa da sa saconeguet so nhuogoqtaxanaxac! Qataq ¡che'eeto' co'ollaxa da sa saconegueta naua ñeviraqtagueeco!

Salmos 78:22

Souaxat da saishet da pi'iỹa'a Ñim Lo'onatac 'Enauacna, qataq sa ỹa'amaqten da ltaunaxanaxac Ñimaye.

Salmos 73:28

Qalaxaye aỹem ñiquigueua'a Ñim Lo'onatac 'Enauacna, cha'aye nachera da ỹaỹamaqchiguiñi ñaqa'en. Cha'aye aỹem sacho'ot da ñaquitaxac Ñim Nataxala', yaqto' ishet da sa'axatec 'enauac nam lo'onatacpi Ñimaye.

Salmos 50:17

Ye 'am sa 'auaỹamaxaren da 'am sachaxana ca 'arsomaxac qataq qaica ca 'aỹa'anaiguilo naua ỹa'aqtaqa.

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.

Nehemías 9:26

Qalaxaye somayepi saishet da 'am ỹalaxaguet, nda'a't da 'am dataỹa'aguet, qataq sa ỹaconeguet na 'arqataxacpi, qataq ỹalauat so 'ara'aqtaxanaxanecpi maye 'eetega naxa somayepi da 'am ỹe'egueloqot, qalaxaye somayepi ỹataqta 'am inogoqchet.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Jeremías 35:17

Qaq ỹoqo'oye Aỹem Nataxala' maye Qaica ca Seqalanapec qataq Aỹem Natamnaxala' na Israel le'ecpi, sheeta': So'ot qome da na Judá qataq 'enauac nam hueta'a na Jerusalén da talec qome 'enauac nam qauem maye sa'axatta'aguet co'ollaxa. Cha'aye Aỹem qami' setaqtecoto co'ollaxa, qalaxaye qami' saishet da aỹem qauqochiitega, qataq qami' seỹaxaategalo co'ollaxa qalaq saishet da Aỹem qauasacheeguet.»

Jeremías 35:13

«Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'am samaxa da 'anqo'ona ye shiỹaxauapi maye lma' ye Judá qataq ye Jerusalén nache qonapega, qoneta': Qauaỹaañiteguet qome de'era, nache qaualaqailec na ỹamaxasoxonaxacpi. Qaq 'era da ỹa'aqtac Aỹem Nataxala'.

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Isaías 1:5

Qami' ỹataqta qanañañeeguet da qami' yeloxoiqa, na qaro'oqui qalaq mashe qaica ca ishet da qaiuaxaachiguiña. Naua qarqaigolle' qalaq mashe dolate', nache mashe imauec da qaica ca qara'añaxaqui.

Proverbios 1:7

Da naỹaanec, damaye chegoqchigui da huo'o naq 'enec qanqa'en Ñim Nataxala', cam qaica ca ỹaỹaana'a qalaq ỹo'otan da naỹaanec qataq da napaxaguenataxanaxac.

2 Timoteo 3:16

'Enauaque naua ñiyigui'she la'aqtaqa Ñim Lo'onatac 'Enauacna, naamaye ỹilyiñi naqa'en co'ollaxa so la'aqtaxanaxanecpi. Namayepi taiguet da qaỹapaxaguenataxanec, qataq da qaitaunaxanot da huo'o ca qaỹaỹamaxaañi nataxac, qataq da qaỹachaxan ca ỹoqta llec da achaalataxac,

Jeremías 13:25

Qaq 'era da 'aỹa'aguet 'am Israel, 'era da iuen da 'am so'otec. Qaq 'era da ỹa'aqtac Aỹem Nataxala'. Cha'aye Aỹem 'aucoua'ai, qataq 'aỹa'anot da 'ara'amaqtenaxanaxac nam saq 'en atamnaxala'pi.

Ezequiel 22:24

«'Am shiỹaxaua qonapega na Israel qoneta': 'Am 'alhua, huo'o da 'anhuaxanaguec, qaq qaica da 'am talec auot, qataq 'etaxat,

Isaías 9:12

Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.

Sofonías 1:6

Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»