Sofonías 3:1 - La'aqtaqa Ñim Lo'onatac 'Enauacna 2013

¹ ¡Choxoraxaso' 'am Jerusalén, huaqta'a't nỹecpi maye saỹalaq, ỹataqta 'am nshepaxan qataq huetaiya' 'anqa'en na 'araỹepi!

Toba del Oeste

¹ ¡Degueja qomle da'me lachoĝode'j jogaa'me uetedaue di'me noic Jerusalén, noic jo'ne nechiyoĝojoĝola't, jo'ne yataqata paĝachigui nataq'aen etapega qaleuaĝaic!

Sofonías 3:1 Referans Kwoze

Jeremías 6:6

Ñim Nataxala' maye Qaica ca Ỹaqalanapec ỹan de'era lamaxasoxonaxac, 'eeta': «¡Qauchiqui aca qo'oipaqpi, nache qauo'oche ca ñeguisheguempi da yaqto' qauloquiaxañi ye Jerusalén! Yi'iye huaqta'a't nỹecpi qaỹauo'o qome da nhuaxanaguec, cha'aye nlaqchigui da qaica ca qairen.

Isaías 59:13

Qomi' senogoqchetaq qataq satenachetaq Ñim Nataxala', qataq qolqa'ai Ñim Qanatamnaxala'. Sa'axataqtac nam saq'en qataq sasalaxasoq, qataq llapaxasoxoyeñi naua lataxaco da yaqto' satenachetaq na laỹepi shiỹaxauapi.

Isaías 30:12

Qaq ỹoqo'oye Ñim Qui'itta Natamnaxala' na Israel le'ecpi, 'eeta': «Qami' sa qauacoñiiguet de'era na'aqtac, nacherata da qanteñiitacot da loquiaxac qataq na qauemsat maye nachena nam qauaỹamaxayiñiita,

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Zacarías 7:10

Qataq saishet da sa qauaỹamaxacheỹapec aca pa'ai, qataq ca saploq, huo'otaq ca chegaqauec, qataq ca choxoraq. Qataq saishet da qarhuennataqai da qauo'ochec ca qauem ca qarỹai.»

Ezequiel 22:7

Nam 'am hueta'a shiỹaxauapi, qalaq saishet da huo'o naqa'en ca 'enec ca lalamaxat lta'a, qataq aca late'e, qataq saiyacnapec na ỹaqa'a ca chegaqa'ague, qataq decachiỹot ana pa'aipi qataq na saploqpi.

Miqueas 2:2

Qaq da huo'o ye nqopita 'alhua nache ỹacona da ỹauo'o lalamaxat, qataq da nqopita ca nỹec nache ỹacona da ỹauo'o lalamaxat, qataq sa iyacnapec cam ỹale qataq cam llalaqpi maye lalamaxat que'eca nỹec.

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Isaías 5:7

Qaq som lanaxanaqa' uva lma' maye lauotaxat Ñim Nataxala' maye Qaica ca Ỹaqalanapec, nachena nam Israel le'ecpi, qataq nam nhuo' le'ecpi maye lma' ye Judá. Ñim Nataxala' iuatta'a co'ollaxa namayepi da ỹalaxaguet na lqataxacpi Ñimaye, qalaxaye nacherata da ilalec da nalaataxanaxac, qataq iuatta'a da ỹo'ot da nalochiguiñi lataxac, qalaxaye nacherata da hua'aqtega da na'alaxac souaxat da qui'ic.

Levítico 1:16

qataq nqat qome aca lqotaqui, qataq ca lauel le'ec qataq ca laue, nache ỹasaxangui añi laỹe' na alo maye pa'aigue da nala' lliguisheguem añi nca'atoxonaxalate.

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Amós 3:9

Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

Ezequiel 23:30

nachera da huo'omshe huo'o dam 'am talec nagui, cha'aye 'am 'anañaneguet co'ollaxa da 'anquishestague' ye ỹotta'a't shiỹaxauapi, qataq 'anshepaxanaqchet da 'arataxac souaxat da 'avio'oxoreetac na lqolacpi yemayepi.

Ezequiel 22:29

Nam 'amaqtaqaicpi qalaq nalemaqte' da lcachaxac, qataq qaica ca iren, qataq nhuottalec na choxoraqpi qataq na huo'o da lhuenaxanaxa, qataq saiyacnapec nam ỹaqa'a ca chegaqa'ague, na'aictaxa da qaica ca ỹasouaxat.

Jeremías 5:23

Qalaxaye qami' qaramachiguilo naua qarquiyaqtelli' qataq saqaualaqai, Aỹem qoquiỹa'ai co'ollaxa nache qoqui.

Isaías 59:6

Qaq nam palachiyaxa lo'oxonec saishet da qaỹo'oxonaxana da qaỹo'ot ca nogoxot, qaica ca ishet da ỹaañi nam lo'oxonec namayepi. Nam ỹo'ottacpi namayepi qalaq nda'a't da nalaataxanaxac, nam lo'onatac naua lhuaxaye qalaq ỹo'ot da qaica ca qairen,

Jeremías 6:7

Ye Jerusalén qalaq mpa'axaatasheguem na qauem, 'eeta'am aca nshere da mpa'axaatasheguem na 'etaxat. Qaica ca lỹa qaỹa'axaỹa, nacherata da loquiaxac qataq da qaica ca qairen, qaica ca lỹa sela'a da huetalec yemaye nacherata da nque'emaxa qataq da qui'ic.