Sofonías 2:9 - La'aqtaqa Ñim Lo'onatac 'Enauacna 2013

⁹ Qaq Aỹem maye ñeca'altauec, 'enapec Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi; na Moab le'ecpi 'eeta'am qome ye Sodoma, qaq nam llalaqpi so Amón qalaq 'eeta'am qome ye Gomorra, nache yemaye ñaxaalec qome ana huoue le'enaxat poqo, qataq hualec qome na toue, qataq yemaye nache 'eetai' qome da toolec. Qaq cam no'onañi qome nam ỹalamaxat nhuo' le'ecpi, deuotaxanec qome yemaye, qataq nache nalec qome yi'iye 'alhua.»

Toba del Oeste

⁹ Chane'eja nayi ja'uo jenjo' 'yaqatac: di'me noic Moab nataq'aen Amón male qoyapalaĝa't qomle, ena'am ca'li di'me Sodoma nataq'aen Gomorra jo'ne yataqata qoyapalaĝa't joca'li. Naajo' Moab nataq'aen Amón male 'nonaĝa jo' qomle, chane'eja yejamaq jaga'me yaĝat da'me 'uo qomle, male aleua jo'ne 'noua. Jenjo' 'nachaqa' nach'e eta't da'me yataqata tochiñe. Chane'eja ga'me yalaqapi jo'ne maliaĝa nec'aletedaye male doĝotaĝatec qomle yema ga'me leuoyaĝa'j di'me Moab nataq'aen Amón, qama'le e'n mach'e loĝo't jena'me aleua. Mach'e jayem jo'ne Jaliaĝanec, Nedios joga'me Israel laje'pi.»

Sofonías 2:9 Referans Kwoze

Isaías 11:14

Maye nacherata da ntauna't qome da dataira'aguet ye Filistea le'ecpi maye pa'aỹa'ague da nala' lliguiñi; qataq huaxaỹa't qome da deuotaxanec da lsallaxa yem pa'aỹa'ague da nala' lliguisheguem, qaq da la'añaxac ivira'a qome ye Edom qataq ye Moab, qataq ivira'a da choche ỹamaqtac qome ye Amón le'ecpi.

Deuteronómio 29:23

Nache ỹauaachigui qome que'eca 'alhua da nda'a't da nlaqtelec na quiquiaxaraic, qataq na toue, qataq ỹataqta ỹavicta, nache saishet da qoỹanaxaalec, cha'aye qaica ca ñaxaalec camaye. Qaq nache 'eeta'am qome som huaqta'a't nỹecpi ye Sodoma, Gomorra, Admá qataq ye Seboim maye ilaxachigui co'ollaxa Ñim Nataxala', irolec da ỹataqta lta'araic layeloxo.

Isaías 25:10

Da lhuaqỹaxac Ñim Nataxala' npaxaalec qome añi qasoxonaxa Sión, qalaxaye Ñimaye petapigui qome ye Moab 'eeta'am ca 'auaqpi da qaỹapetapigui da huetaigui ca lasogoñi.

Jeremías 50:40

Qaq 'eeta'am qome so Sodoma qataq so Gomorra, qataq so lauoreuapi huaqta'a't nỹecpi maye ỹotta'a't naua nañalo co'ollaq qailaxachigui. Nache qaica qome ca ỹe'eguelaxa da nalec yemaye, huo'otaq da choche lanataqa'. Qaq 'era da ỹa'aqtac Aỹem Nataxala'.

Jeremías 48:1

Da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi da ỹa'axata'a da 'eetec qome ye Moab, 'eeta': «¡Qaq choxoraxaso' yem huaqta'a't nỹecpi ye Nebo, ỹataqta nlachiguiñi qome! ¡Qaq ye Quiriatayin qalaq qanhuo' qome nache qaica ca la'amaqchec qanqa'en Qataq nam lpaqtaxatpi qalaq qailaxachigui qome!

Isaías 49:18

Ñaq 'anamatasheguem, qataq 'ameenaxanapiguiñi, ñaq 'aumeten da 'eetec da laỹootega't 'enauac namayepi nache 'am ỹe'eguelaxa. Aỹem ñeca'altauec 'enapec Ñim Nataxala', qaq san da ỹa'aqtac da 'enauac namayepi, 'eeta'am qome aca nqola da 'am qoỹanaxanaxangui, qataq 'eeta'am aca llo'oxoraqte aca auonaxaua.

Romanos 14:11

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ỹataqta 'eesa de'era san ỹa'aqtac, da 'enauac qome na shiỹaxauapi Aỹem ỹa'aroto naua l-llectel, qataq 'enauac qome namayepi Aỹem ỹo'oxoren.»

Sofonías 3:13

Na no'onañipi maye lca'alaxaicpi nam nhuo' Israel le'ecpi, saishet qome da ỹo'ot na saỹaỹamaxañi lataxacpi, qataq saishet qome da ỹa'axattac nam saq 'enpi, qataq saishet da huetaigui na alap ca natenataxanaxac. Cha'aye namayepi qailotague' qome, nache da nmatec qalaq qaica ca ñe'etaique.»

Sofonías 2:14

Na 'epaqpi maye no'onataxat na lma'pi qalaq qanqat qome, nache nnaatalec qome anam nlo qaguetapi qataq 'enauac na shiguiỹacpi maye huauec. Qaq ana huoqo' qataq na 'alaxaraq qalaq do'ochetalec qome ana no'onañi nhuoqtepi, qataq na teguesanpi nỹeetagui qome netaviiguilo naua nalloxoqui', qataq na nqauaxala' nam ñegueuopi.

Sofonías 2:7

Qaq cam lca'alaxaicpi qome na nhuo' le'ecpi maye lma' ye Judá, nalec qome yi'iye 'alhua qom anac Ñim Nataxala' maye Natamnaxala' namayepi, da itauan qataq naralaxat da na'achecỹaxac namayepi. Qaq nache hueta'a qome yemaye da ilotague' ana lalo qaguetapi, qaq ye pe qalaq hueta'a qome ye lma' so Ascalón da nmatec.

Amós 1:13

Qaq Ñim Nataxala', 'eeta': Na Amón le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da nshetaique da nquigaxatec na na'alhuapi, nache namayepi ipeleca'ague ana da'am ana hualaxaipi maye lma' ye 'alhua Galaad.

Jeremías 49:18

cha'aye yemaye, 'eeta'am qome so Sodoma qataq Gomorra qataq som lauoreuapi huaqta'a't nỹecpi maye ỹotta'a't naua nañalo maye qailaxachigui co'ollaxa. Nache qaica qome ca qaltaq nalec yemaye, huo'otaq da choche nmataqa'. Qaq 'era da ỹa'aqtac, Aỹem Nataxala'.

Jeremías 46:18

Qaq Aỹem maye Aỹem Nta'a, da ỹe'enaxat, 'eeta': Nataxala' maye Qaica ca Ỹaqalanapec, san da ỹa'aqtac maye, 'eeta': 'Eeta'am añi qasoxonaxa Tabor da saishet da 'ena'am ana laỹepi qasoxonaxapi qataq añi qasoxonaxa Carmelo maye netaua'a na laỹe aso auaxai, qaq nache 'eetec qome da anac na pa'aguenaxauapi.

Números 14:21

Qalaxaye, ye ỹataqta 'eesa da ñeca'altauec, qataq da ỹo'oxoyec imattalec ana 'alhua,

Jeremías 49:1

Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Jeremías 49:33

Qaq ye Hasor, qalaq chochaq tatec qome da toolec, qataq lanataqa' qome ana huaxaỹaxapi. Nache qaica qome ca ỹe'eguelaxa da nalec, huo'otaq da choche lanataqa'»

Amós 2:1

Qaq Ñim Nataxala', 'eeta': Na Moab le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye namayepi ỹavigaxa't co'ollaxa soua lpi'ineqa so nta'a ye Edom, nache ivitta'a naqa'en da nañigui alo.

Deuteronómio 29:22

Nache cam shiỹaxauapi maye ñaq taỹa'a da yo'oq, cam qami' chegoxogueta maye ñaq natauopi, qataq cam chegaqauecpi maye chegaqa'alo naua qaỹoqtalo 'aleu', ỹauaachigui qome da qauem maye talec que'eca 'alhua, qataq ca nalolaxapi maye namaq qome Ñim Nataxala'.

Zacarías 2:13

¡Qaq 'enauac qome na shiỹaxauapi maye netalec ana 'alhua, ỹataqta ỹe'emaqtom qom dataỹot Ñim Nataxala', cha'aye Ñimaye qomi' naỹalo qome, chegoqchiguiña añi qui'itta lalamaqte atamnaxaqui!