Sofonías 2:8 - La'aqtaqa Ñim Lo'onatac 'Enauacna 2013

⁸ «Aỹem sa'aqchigui da lsheunaxanaxac na Moab le'ecpi, qataq da le'enaxanaxac na llalaqpi so Amón da deqat naqa'en da la'amaqchec, na ỹalamaxat nhuo' le'ecpi, qataq da na'amaqteetalec nam na'alhuapi namayepi.

Toba del Oeste

⁸ Jenjo' 'laqatac joñe'me Jaliaĝanec jo'ne napacalegue ena'uac: «Joote jomachiya da'me le'uenaĝanaĝa'j gaa'me Moab laje' nataq'aen da'me 'uo da'me lojouenaĝanaĝa'j gaa'me Amón laje'. Qa'a yataqata ja 'noe'n daa'me 'laqataqa jo'ne yachalo'te ga'me yalaqapi, nataq'aen da'me ni'yoĝodela'ajalo nale da'me jetaque doĝotaĝatec jo' qomle di'me 'naleua.

Sofonías 2:8 Referans Kwoze

Amós 1:13

Qaq Ñim Nataxala', 'eeta': Na Amón le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, souaxat da nshetaique da nquigaxatec na na'alhuapi, nache namayepi ipeleca'ague ana da'am ana hualaxaipi maye lma' ye 'alhua Galaad.

Jeremías 49:1

Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Ezequiel 36:2

Aỹem Nataxala', shenapec: Na mpa'aguenaxauapi ye Israel, ipettega da mashe lalamaqtepi aye qasoxonaxapi maye chochaq tatec.

Josué 5:9

Huaña nache Ñim Nataxala' 'enapego' so Josué, 'eeta': «De'era la'anaxat na lo'oc ne'ena shiỹaxauapi, nache sachegoxotchigui da ñeqateeguesop da ncoxo maye qami' huetaleguete souaxat da 'enauac qami' l-latacpi co'ollaxa ye Egipto le'ecpi.» Qaq ỹoqo'oye yi'iye 'alhua, nache qoỹanagui da le'enaxat Gilgal, nache ivitta'a nagui.

Isaías 15:1

Qaỹa'axata'a dam talec qome ye Moab. Qaq so pe maye huetoigui da qailaxachigui ye Ar, nache huetoigui nataqa'en da dolagui ye Moab, qataq so pe maye huetoigui da qailaxachigui ye Quir, nache huetoigui nataqa'en da dolagui ye Moab.

Isaías 16:6

Qomi' saỹaanaq da lta'araic ño'oxonnaxac ye Moab, da na'amqaanaxac, da napagaqaanaxac qataq da ño'oxonnaxac, qataq nam qaica ca naigui ltaxaỹaxacpi.

Jeremías 12:14

Ñim Nataxala' 'eeta' da la'aqtac: «'Enauac na qauemaicpi lauoreuapi na Israel le'ecpi maye ilaxachigui nam 'alhua maye Ñim Nataxala' ỹanem da lalamaxat na nhuo' Israel le'ecpi, Aỹem ñeqateeguesop qome namayepi na netalec 'alhuapi, qataq ñeqateeguesop namayepi nam chegoxoguet so Judá.

Lamentaciones 3:61

'Am Nataxala', 'ana'axaỹaxaatega co'ollaxa da lsheunaxanaxac namayepi, qataq 'enauac nam lapaxañipi da yaqto' aỹem dataỹa'aguet,

Ezequiel 21:28

'Am shiỹaxaua, 'auachegoxotchigui da ỹe'enaxat da 'aua'aqtaxanem da ỹa'aqtac na Amón le'ecpi maye isheueetac naxa na Israel le'ecpi, da ca ỹeelonec mashe qanqateeguesop ca laỹe': mashe lhuotta da qaỹalaataxana, qataq qashelecteguiñi da yaqto' chegaqaigui ca nqashelgaxa, nache ilaxachigui nam huo'o.

Amós 2:1

Qaq Ñim Nataxala', 'eeta': Na Moab le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye namayepi ỹavigaxa't co'ollaxa soua lpi'ineqa so nta'a ye Edom, nache ivitta'a naqa'en da nañigui alo.

Sofonías 2:10

Qaq 'era da nsheetenaguec qome na Moab le'ecpi qataq na Amón le'ecpi, souaxat da isheueetac na lalamaxat nhuo' le'ecpi Ñim Nataxala', qataq da na'amaqten da 'eetega saishet da 'eeta'am nam lalamaxatpi, Ñim Nataxala', maye Qaica ca Ỹaqalanapec.

Génesis 19:37

Qaq asom ỹe, huo'o co'ollaxa so llalec, nache ỹanagui da le'enaxat Moab. Qaq nacheso so lta'a nam ñaq huo'o nagui moabiitapi.

Génesis 19:38

Qaq nataqa'en aso na'asa huo'o co'ollaxa so llalec, nache ỹanagui da le'enaxat Ben Amí. Qaq nacheso so lta'a nam ñaq huo'o nagui amoniitapi.

Jeremías 48:1

Da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi da ỹa'axata'a da 'eetec qome ye Moab, 'eeta': «¡Qaq choxoraxaso' yem huaqta'a't nỹecpi ye Nebo, ỹataqta nlachiguiñi qome! ¡Qaq ye Quiriatayin qalaq qanhuo' qome nache qaica ca la'amaqchec qanqa'en Qataq nam lpaqtaxatpi qalaq qailaxachigui qome!

Ezequiel 25:1

Ñim Nataxala' aỹem 'enapega, nache 'eeta':

Ezequiel 35:12

Qaq huaña nache 'auaỹaten da Aỹem Nataxala', sa'aqtega co'ollaxa 'enauac na 'arsheunaxanaxacpi maye 'auasaxalec aye qasoxonaxapi ye Israel. 'Am qonapec co'ollaxa: ¡Yemaye toolec, qaq nagui ishet da sacheguenaq!