Sofonías 2:5 - La'aqtaqa Ñim Lo'onatac 'Enauacna 2013

⁵ ¡Ỹataqta choxoraxasoro' qami', ỹalleppi maye qarmaye na Creta, maye neto'ot na loigue aso auaxai! Ñim Lo'onatac 'Enauacna mashe ỹan de'era la'aqtac da qami' dataỹa'agueta, 'eeta': «¡'Am Canaán, maye 'am na'alhua nam Filistea le'ecpi, 'am selaxachigui qome nache qaica ca no'onañi nam 'am netalecpi!

Toba del Oeste

⁵ ¡Ami choĝodayaqolqa, ami Creta laje' jo'ne oñita'ña di'me loogue na'me ñache let'a! Joñe'me Jaliaĝanec ami yaqateque da'me en adachoĝodequi, qama'le enaac: «Am Canaán, am aleua jo'ne mach'e 'lachaqa't jogaa'me filisteopi, am japalaĝat jo' qomle. ¡Male qaya'te netalegue na'me nojo' aleua!

Sofonías 2:5 Referans Kwoze

Ezequiel 25:16

Qaq ỹoqo'oye Aỹem Nataxala' shenapec: Ñauaxaỹaxaasheguem qome na ihuaq da sataỹa'aguet na filisteopi, ñematchiguiñi qome na cretensepi, qataq selaxachigui nataqa'en cam no'onañipi maye hueto'ot na loigue aso auaxai.

Jeremías 47:7

¿Qalaxaye ca 'eeteco' da 'añe'emaxat da nacheñi Ñim Nataxala' da 'am ỹamaq da 'auloquiaxan ye Ascalón qataq 'enauac na hueto'ot na loigue aso auaxai?

Amós 3:1

Qami' Israel le'ecpi, ña qana'axaỹaxañiỹa da la'aqtac Ñim Nataxala', da 'enapega nam nhuo' le'ecpi maye nqateeguesop co'ollaxa ye Egipto, 'eeta':

Josué 13:3

chegoqchiguiña so la'auaxac Sijor, maye pa'aỹa'ague da yo'oxoñi ye Egipto, nache ivitta'a so loga't ye Ecrón, maye pa'aỹa'ague da sheu', qaq yemaye qoỹeetegacnaxa na'alhua nam Canaán le'ecpi. Qaq yemaye nache netraña yeua cinco nataxala'ate Filistea lashe', qaq yeemaye nache lataxala'ate na lma' ye Gaza, Asdod, Ascalón, Gat qataq ye Ecrón. Nataqa'en ñaq no'onañi ye na'alhua ye aveopi,

Marcos 12:12

Nache som lataxala'pi so ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som dapaxaguenataxaatapeguec na namaxasoxonaxacpi maye chegoqo'ot so Moisés qataq som lataxala'pi na judiopi, noma da So Jesús ỹo'ot se'eso daloqnaxana da 'eetega somayepi. Qaq ỹoqo'oye somayepi ỹauotaique da ỹaconeua'a. Qalaxaye saishet da ỹañoxot, cha'aye ñe'etega na shiỹaxauapi. Nache qaỹa'aqta'a So Jesús, nache qanayeca'ai.

Zacarías 1:6

Qalaxaye naua ỹa'aqtaqa, qataq naua ỹamaxasoxonaxaco, maye sanema som ỹamaxashecpi maye ỹa'aqtaxanaxanecpi, iviro'ot co'ollaxa so hua'au qarta'ailpi. Qaq somayepi aỹem ỹe'eguelaxa co'ollaxa, cha'aye ỹaỹateeteguet da Aỹem Nataxala' maye Qaica ca Saqalanapec, sero'oguet co'ollaxa dam naigui da maiche lataxac, qataq nam ỹo'otpi somayepi.»

Sofonías 3:6

Ñim Nataxala', 'eeta': «Aỹem selaxachigui co'ollaxa na ỹotta'a't shiỹaxauapi, qataq selaxachigui ana lalloxolatepi maye nalec na lpaqtaxanaxatpi, qataq so'otec da toteguelo naua nqa'aico, nache qaica ca shiỹaxaua da quetagueto naamaye. ¡Nache nam lalamaxat huaqta'a't nỹecpi ỹataqta toolec qaica da choche 'oonolec ca no'onañi!

Amós 5:1

Qami' Israel le'ecpi, ña qana'axaỹaxañiỹa da ỹa'aqtac, qataq qana'axaỹaxañiỹa de'era ñachoxonnaxac, maye qami' taleguete ñaqa'en.

Isaías 14:30

Aca lalo qaguetapi na choxoraqpi qalaq huo'o qome ca aloq 'auaqpi da netalec na ño'onaxa, qataq nam shiỹaxauapi maye qaica ca ntaunaguec, qalaq mata qome da nmataxac. Qaq Aỹem qalaq so'otec qome da ilem na lqouaxa nam 'aỹa'alaqpi, qataq salauat cam saq 'amaqtaq maye no'onañi namayepi.

Jueces 3:3

Nache no'oirañi co'ollaxa soua cinco lataxala'ate so filisteopi qataq 'enauac so cananeopi, sidoniopi qataq so heveopi maye netalec co'ollaxa aye qasoxonaxapi maye huaña ye Líbano, chegoqchiguiña añi qasoxonaxa Baal Hermón, nache ivitta'a so ñegueta ye Jamat.

1 Samuel 30:14

qomi' ñeqo'onaxa caillaye da seloquiaxanaq ye pa'aỹa'ague da sheu' ye na'alhua ye quereteopi qataq ye na'alhua ye lauo' le'ecpi so Judá qataq so Caleb. Nataqa'en savigaxataq ye Siclag.

Isaías 14:29

Qami' Filistea le'ecpi saishet qome da qantoñiitapigui', da qoñeetega mashe huacaigui so pon maye qami' qairotegalo naxa da qami' qaiuaxaata'ape, cha'aye yem chegoqchiguiña so na'araxanaq, nache chegoqchiguiña qome ca lỹa na'araxanaq, qaq camaye ỹactec qome, cha'aye camaye huaỹo qome.

Sofonías 1:11

¡Qaua'alaqai qome, qami' maye qarmaye na nỹecpi maye le'enaxat Na'araxanaxaqui, cha'aye ileu qome 'enauac na nmenaxaicpi qataq 'enauac nam ỹoxottañi, da nmenaxac ana anom plata, namayepi taỹa'a da qailaxachigui!

Josué 13:2

Ñaq no'onañi 'enauac yem na'alhua ye filisteopi, qataq ye guesureopi,