Sofonías 2:3 - La'aqtaqa Ñim Lo'onatac 'Enauacna 2013

³ Qanmichiỹaique Ñim Nataxala', 'enauac qami' maye qaica ca qara'amaqchequi ana 'alhua, qami' maye qaualaqaiguet nam namaxasoxonaxacpi. Qanmichiỹaique da nalochiguiñi lataxac, qataq saishet da qana'amaqchiñi, cha'aye saiuena'a da qoñeetec de'era, nache qanca'alleeuec, cam na'a'q maye huaigui ca layeloxo Ñim Nataxala'.

Toba del Oeste

³ Aueloyaque joñe'me Jaliaĝanec, yema da'me ami aleua laje' jo'ne joĝodayaqa naa'me adai'lidi', ami jo'ne auauoyi da'me lamajoĝonaĝac joñe'me. A'nechiita't, aueñi chimaqachiñe, nataq'aen ena'te ami 'yoĝodenaĝayaqa, qama'le uotaĝa ami nec'alaĝatedegue qomle joñe'me Jaliaĝanec, joga'me nolo' da'me ya'uo lachoĝode'j jena'me jiyaĝadipi.

Sofonías 2:3 Referans Kwoze

Salmos 76:9

'Am maye 'Aro'onatac 'Enauacna, da ivita da 'anachaañi da 'auo'ot ca nalochiguiñi lataxac da yaqto' 'anca'alaxatec 'enauac na choxoraqpi maye huetalec ana 'alhua.

Salmos 22:26

Qaq deque'e qome na choxoraqpi nache ivitta'a da comaraxaicpi, qataq ỹo'oxoren qome Ñim Nataxala' na nmittaique Ñimaye, huaña nache qaỹoqtrec naua vi'iye da nachaalataxac.

Jonás 3:9

Shapegueto' da naralaxat ca lhuennataxac Ñim Lo'onatac 'Enauacna, qataq nmooñi da layeloxo, nache saishet da qomi' ilaxachiguilo.»

Salmos 105:4

Qataq qanmichiỹaique qome Ñim Nataxala' qataq da la'añaxac, qataq nache 'eetai' qome da qanmichiitaique da lashiguiỹaxac.

Oseas 10:12

Qaq aỹem shenapega namayepi sheeta': qauo'oche qome da nalochiguiñi lataxac, yaqto' qauacoñiiguet da alaỹaxac da nauotaxanaqtaic. Qataq qauqataxañiỹai' ca qana'alhuai, yaqto' qaỹa'añiiñi ca dalaxaic qa'añiguishequi, cha'aye mashe ivita ye laloqo' da qanmitaique Ñim Nataxala', nache ivitta'a qom anac Ñimaye da qami' taleguete naqa'en ca 'onaxaic auot da qami' nca'alaxatrec.

Jeremías 39:18

Aỹem 'am ñeca'alaxateeguesop qome da 'analaataguec. Nache 'am 'aushet qome da 'ananeltaxan, cha'aye Aỹem 'aupi'iỹa'a. Qaq 'era da ỹa'aqtac Aỹem Nataxala'.»

Proverbios 18:10

Da le'enaxat Ñim Nataxala' 'eeta'am aca nalloxolate maye na'atchiguiñi da la'añaxac, qataq nachaca aca ỹe'egueetacot naxa na no'on da lataxac da nmittaique da qantela'a.

Salmos 57:1

¡Ñaq aỹem 'auchoxoren qome 'Am Ñatamnaxala', ñaq aỹem 'auchoxoren qome! Cha'aye nache 'amta da 'am sepe'etega, aỹem she'eguenot qome na lpaqal naua 'araua't, choche ivitta'a da inoxonec na lchecpi.

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Jeremías 45:5

Qaq 'am saishet qome da 'anmittaique ca lta'araic 'araỹamaxa, cha'aye Aỹem ñanacot qome cam qauem da talec 'enauac nam shiỹaxauapi. Qalaxaye 'am so'otec qome da nache 'anca'altauec maicheye cam 'aigue. Qaq da 'anachaalataxac nachera dam 'arhuotaxanaxat maye chegaqaigui ca alaataxac. Qaq 'era da ỹa'aqtac Aỹem Nataxala'.›»

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

1 Ts 4:1

Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

Mateo 5:5

Ñim Lo'onatac 'Enauacna ỹaalec da nqouagaxa nam qaica ca la'amaqchec, cha'aye namayepi ỹaconeguet cam 'alhua maye ỹachaxanapec Ñimaye.

Salmos 31:20

Qaq de'era saqcha'a 'arataxac nachera da ishet da ỹoxooñi namayepi, qataq 'anca'alaxateeguesop na qauem 'eetapeeguesat na shiỹaxauapi, cha'aye ỹataqta 'ampaxattalec namayepi, souaxat da lsheunaxanaxac ne'ena mpa'aguenaxauapi.

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Oseas 7:10

Qaq de'era na'amqaanaxac na Israel le'ecpi, damaye maiche dataỹa'aguet qome namayepi. Qaq na'aictaxa de'era, namayepi saishet da ỹe'eguelaxa da nmitaique Ñim Nataxala' maye Natamnaxala'.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Salmos 149:4

Cha'aye Ñim Nataxala', ỹamaateguet na lalamaxat nhuo' le'ecpi, qataq no'on naqa'en da lca'alaxa ca qaica ca la'amaqchec.

Éxodo 12:27

Nache qami' qoñiita' qome: Ñi'iñi shiguiỹac maye qaỹalauat da qanallec naigui da qaỹo'oxoren Ñim Nataxala'. Cha'aye Ñimaye co'ollaq ỹalauat so Egipto le'ecpi, nache napactaleguete naua lma'ate so Israel le'ecpi maye netaña ye Egipto, qaq 'era da 'eetec co'ollaq nca'alaxatec na qoyalaqpi.» Nache na Israel le'ecpi ỹa'alyiñi co'ollaxa naua l-llecte da yo'oxonnataxan.

1 Ts 4:10

Qataq nache 'eetai' da qami' nache qoñiita'ac 'enauac na qara'amqaanataxanaxauapi maye netaña ye 'alhua Macedonia. Qalaxaye qami' qarqaỹa't, qami' ñachoxorenaqtoto da qoquiito'ot damaye da qanquigaxachiitauec.

Zacarías 8:19

«Da qouaqchetaxac maye huaigui naxa so ca'agoxoic cuatro, cinco, siete qataq diez, qalaq nmeneguet qome da tonaxac, qataq da namaicỹaxac da huo'o na lta'araic laponaxacpi nam chegoxoguetpi so Judá. ¡Qami' ỹataqta qauauochec qome da 'eesa lataxac, qataq da nlagaxayec!

2 Samuel 12:22

Nache so David 'enapeco': Co'ollaq ña nca'altauec yi'iye nogotolec, nache aỹem ñeqouaqchet qataq ñeỹeetapeguelec, cha'aye sauotaique da aỹem ichoxoren Ñim Nataxala', da nache nca'altauec naqa'en yemaye.

Salmos 45:4

Cha'aye de'era 'ayo'oxoyec nache chegoqchigui da queta da 'am 'añaxaic, souaxat da 'auetteguelec da 'eesa lataxac, qataq da huesota nataxac qataq da nalochiguiñi lataxac. Qaq na 'oiguishec 'arhuaq, qalaq ỹo'ot qome na lta'araic da llo'oxoyec.

Isaías 1:17

¡Qanapaxagueñiỹa da qauo'oche ca no'on, qana'añaxache da qauo'oche ca nalochiguiñi, qautauañi ca shiỹaxaua maye sa qaiyacnapec, qauo'ochec ca ỹaỹamaqchiguiñi lataxac ca saploq, qataq qavicheelec aca pa'ai!»

Ezequiel 13:5

Qataq namayepi qaica cam ỹo'ot cam ishet da mpaxaalec na Israel, da yaqto' namayepi ishet da dataỹa'aguet ca alaataxac, qom nvi' cam na'a'q maye lalamaxat Ñim Nataxala'.