Sofonías 2:2 - La'aqtaqa Ñim Lo'onatac 'Enauacna 2013

² llaxatemaq ñaq saxanaxa da qami' qaichego'q da qoñeeta'am ca 'auaqpi, maye nacheye ye 'oonolec na'a'q huaigui da huaỹoxon; qataq da ñaq saxanaxa da qami' taleguete cam 'ettaigui layeloxo Ñim Nataxala', qataq ñaq saxanaxa da qami' nvitalo cam na'a'q maye huaigui ca layeloxo Ñim Nataxala'

Toba del Oeste

² Tomaliaĝa ja ami 'te qoyachaqapiyelo, qaedi ja aueñiya'am ga'me lajoyiñe jo'ne qonaqat nale yajediñe ga'me layat. Qa'a male na'ta jo' qomle ga'me nolo' qom oviyaue da'me lalemataic joñe'me Jaliaĝanec jo'ne 'uo da'me lauaqayaĝac. Tomaliaĝa ja ami 'te uauelo da'me le'uaĝanaĝanaĝac joñe'me, jo'ne ena'am ta'le dole' lauaq.

Sofonías 2:2 Referans Kwoze

Nahúm 1:6

Qaq ¿negue'tom cam ishet da nachaateguet da layeloxo Ñimaye? Qataq ¿negue'tom cam ishet da nalota'aguet da layeloxo? Qaq de'era layeloxo Ñimaye 'eeta'am ca norec, qataq da choche nlectelec aca coma' late'erai nache acamaye dolagui.

Oseas 13:3

Qaq ỹoqo'oye namayepi 'eeta'am na sheue ye nte'eta, qataq 'eeta'am na 'aỹa, da ña nte'etom nache qaica, qataq 'eeta'am na 'auaqpi da ỹache na la'at lta'araic, qataq 'eeta'am na nmala'q da quisheguemgue ca lliguisheguem da huaỹoxoosheguem.

Lamentaciones 4:11

Ñim Nataxala' co'ollaq mashe ivita so laloqo' da layeloxo, nache saishet da ỹañoxot da nllañi nache ỹavigaxat ye Sión, nache ỹataqta ilaxachigui ivira'a so lo'oxonaxala'pi.

Isaías 17:13

Qalaxaye Ñim Lo'onatac 'Enauacna, qom nlaxa namayepi, nache datauec taỹa ca qaỹoqta, 'eeta'am ca 'auaqpi da ỹache ca la'at, nache talec naqa'en ana qasoxonaxapi, huo'otaq aca cotaque da huaỹoxon naqa'en ca la'at lta'araic.

Salmos 1:4

Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

Sofonías 3:8

Qaq ỹoqo'oye qauachiỹa'aguet qome que'eca na'a'q maye huaigui da qami' sataỹa'agueta. Aỹem Nataxala' 'era da ỹa'aqtac. Cha'aye mashe iuennataxa da llaỹona't na ỹotta'a't shiỹaxauapi, qataq na nta'alpi, da yaqto' talec ñaqa'en da ỹayeloxo, qataq dam ỹataqta 'eroigui ỹalemataic. ¡Qaq ỹataqta 'enauac qome ana 'alhua da nlachiguiñi souaxat cam le'eraxa da ỹayeloxo!»

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Da na'aqtaguec so Job 21:18

¿Che laguio' co'ollaxa da ilagaxattac namayepi, da 'eeta'am naqa'en na 'auaqpi, da ỹache ana daua'ache?

Mateo 24:35

Na piguem qataq ana 'alhua imeuo qome, qalaxaye da ỹa'aqtac saishet da imeuo.

Ezequiel 12:25

cha'aye Aỹem Nataxala' setaqa, qaq cam sa'axat qalaq saqaỹaloq da ipacchigui. Qaq qami' maye qami' qauemaicpi qalaq qauauañiichigui qome camaye, Aỹem Nataxala' setaqa qataq so'ot da ipacchigui cam sa'axat. Qaq 'era da ỹa'aqtac Aỹem Nataxala'»

Jeremías 23:20

Da layeloxo Ñim Nataxala' saishet qome da vi'iiguet, choche ivitta'a da Ñimaye ipacchigui cam 'eetapeguec. Qaq anacte' caua na'axa'te maye huaiguilo qome da qauennataxañi, qataq da qauaỹaañiteguet de'era.

Salmos 50:22

Qaq qami' maye qaucouaỹa'ai Ñim Lo'onatac 'Enauacna qauaỹaañita nagui de'era, cha'aye sa iuena'a da qami' secolaxata'ape, nache saishet da huo'o ca qami' iueeleguete.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Jeremías 4:4

Qami' shiỹaxauapi maye qoñiitaña na Judá qataq na Jerusalén, qauo'oche qome ca na'anaxat da qaro'ocỹaxaqui, qataq aỹem qauauattoñeeta da Aỹem Nataxala', qauachiỹaiguilo naua qarquiyaqtelli' da la'anaxat da aỹamaxataxac, cha'aye saiuena'a da souaxat cam qauem maye qauo'oche, nache da 'eroigui da inogoxonaxac, 'eeta'am ca norec qataq 'erangui damaye, nache qaica ca ishet da ỹalamat.