Sofonías 1:8 - La'aqtaqa Ñim Lo'onatac 'Enauacna 2013

⁸ «Qaq nache huetoigui cam na'a'q qom san ca ỹachetaqtaxanaxat, da sauo'o ca nhuaxanaguec nam nataxala'pi, qataq na llalaqpi cam nta'a, qataq 'enauac nam ỹaatañi na nogoxot maye saqaỹauanapega.

Toba del Oeste

⁸ Jenjo' 'laqatac ñe'me Jaliaĝanec jo'ne enaac: «Na'taquena ga'me nolo' qom qoya'uo da'me najaqajec, qama'le je'uaĝa'n qomle jogaa'me jaliaĝanaqa nataq'aen jogaa'me c'oqo'te ñe'me yelolegue jenjo' aleua nataq'aen yemeda jogaa'me e'n yoda'alo da'me 'netaĝa'j.

Sofonías 1:8 Referans Kwoze

Isaías 24:21

Que'eca na'a'q Ñim Nataxala' ỹauo'o qome ca nhuaxanaguec na 'añaxaicpi maye hueto'ot na piguem qataq na nta'alpi maye netalec ana 'alhua.

Isaías 39:7

Qataq nataqa'en nam 'am chegoxoguetpi huo'o qome ca qaỹaueegue da Babilonia, nache qanqa't naua lola, nache qaỹauo'o choche nlatac da hueta'a ñi lma' lta'araic ñi nta'a.

Isaías 10:12

Qaq Ñim Nataxala' qom imat 'enauac nam ỹo'otecpi qome añi qasoxonaxa Sión qataq ye Jerusalén, nache ỹauo'o ca nhuaxanaguec ñi nta'a ye Asiria souaxat da na'amaqchengui nam ỹo'otpi, qataq da ño'oxonnaxac qataq da napagaqaanaxac.

2 Reyes 10:22

Nache so Jehú, 'enapega co'ollaxa som ilotague' aso naỹamaqtaxaqui som nogoxot, da nqatec som nogoxotpi da yaqto' ỹaañi 'enauac som shiỹaxauapi maye ỹo'oxoreetac so Baal, nache somaye ỹo'ot de'era.

Deuteronómio 22:5

Qaq aca 'alo saishet qome da ỹaañi ca logoxot ca ỹale, qataq ca ỹale saishet da ỹaañi ca logoxot aca 'alo, cha'aye Ñim Nataxala' ỹataqta deqaiga ca ỹo'ot de'era.

Isaías 2:6

'Am Nataxala', mashe qoca'ai co'ollaxa na 'aralamaxat nhuo' le'ecpi nam chegoxoguet so Jacob, cha'aye namayepi nlaqchigui na 'onataxacpi, maye ỹachegoxota'ague da nala' lliguisheguem, nam ilaviigui ca lỹa maye 'eeta'am na filisteopi, qataq naỹamaxate' nam chegaqauecpi.

Habacuc 1:10

Nache ỹataqta ỹa'ashaxanai' na nta'alpi qataq na 'amaqtaqaicpi, qataq ỹe'enai' na npaqtaxanaxatpi nache ỹo'ot na lliguisheguempi, da yaqto' huenoxotaua'a da deuotaxanec.