Sofonías 1:7 - La'aqtaqa Ñim Lo'onatac 'Enauacna 2013

⁷ ¡Ñaq qañe'emaxache da qauataito'ot Ñim Nataxala', cha'aye da lviraxac Ñimaye mashe nayeetai'! ¡Ñim Nataxala' mashe iqataxaatai' cam lachetaqtaxanaxat, qataq mashe iqui'itaxat na lcoyeguenatacpi!

Toba del Oeste

⁷ ¡Aueñi tochiñe, da'me ami jo'ne auajoi'tot joñe'me Jaliaĝanec, qa'a male na'taquena joga'me nolo' jo'ne p'ategue! ¡Male na'taquena da'me lec'atenaĝanaĝac joñe'me Jaliaĝanec! ¡Joñe'me jetaque 'uo joga'me ya'uo ga'me lajaqajec, qama'le joote yiyaĝanalo jogaa'me laute'u, da'me natequena qaedi qoyala't ga'me Judá laje'pi!

Sofonías 1:7 Referans Kwoze

Habacuc 2:20

Qalaxaye Ñim Nataxala' qalaq netaigui añim qui'itta lalamaqte atamnaxaqui. ¡Qaq de'enaxaatai' qome da datato'ot Ñimaye, 'enauac nam netalec ana 'alhua!

Zacarías 2:13

¡Qaq 'enauac qome na shiỹaxauapi maye netalec ana 'alhua, ỹataqta ỹe'emaqtom qom dataỹot Ñim Nataxala', cha'aye Ñimaye qomi' naỹalo qome, chegoqchiguiña añi qui'itta lalamaqte atamnaxaqui!

Sofonías 1:14

¡Mashe sa qaỹapeque na lta'araic na'a'q maye lviraxaqui Ñim Nataxala'! ¡Mashe sa qaỹa'aguet, ỹataqta huo'o da lỹalaxa! Ỹataqta chaqaic da l-llimiaxa ca lviraxac Ñim Nataxala': ¡ỹoqo'oye ivira'a qome na ỹataqta 'añaxaicpi da ỹa'alaq!

Jeremías 46:10

Qaq que'eca na'a'q nacheca ca lalamaxat Ñim Nataxala' maye Qaica ca Ỹaqalanapec, que'eca na'a'q nache huaigui da ỹe'eguelaxateguet nam mpa'aguenaxauapi. Ca ỹeelonec qalaq qalota qome ca ỹalauat nache ivitta'a da nlaqtegue na ntago'q. Cha'aye Ñim Nataxala' maye Qaica ca Ỹaqalanapec ỹauo'o qome ca lta'araic lalaataxanaxac da huaña ye 'alhua maye pa'aigue da sheu' maye hueto'ot na loigue so tala Éufrates

Isaías 34:6

Qaq so lainec Ñim Nataxala' huagui qome na ntago'q qataq na lcheta, 'eeta'am da 'eetec naxa da qaỹalauat na qagueta llalaqpi, qataq ana quetaqpi da nachetaqtaxanaqte qaỹavigaxatta. Cha'aye Ñim Nataxala' ỹo'ot qome ca ỹavigaxatta lachetaqtaxanaxat huaña naqa'en ye Bosra, qataq cam ỹataqta lta'araic lalaataxanaxac huaña ye Edom.

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Mateo 22:4

Nache so nta'a qaltaq ỹauo'o so ỹamaq laỹepi lamaxashecpi, nache ỹache naqa'en da la'aqtac, 'eeta': ‹Da nallec mashe imeta. Mashe samaxasoxoolec da qaỹalauat som ỹataqta no'on ilo huaca llalec. ¡Qauanaiua'a da naronaxac!›

Joel 2:31

Nache 'om añi nala', qaq ñi ca'agoxoic qalaq 'eco' ntago'q da lo'oxoỹaxac, qom ñaq taỹa'a ca na'a'q maye lviraxaqui Ñim Nataxala', cam na'a'q maye ỹataqta 'amaqtaqaic qataq chaqaic.

Isaías 2:12

ca na'a'q maye Ñim Nataxala' maye Qaica ca Ỹaqalanapec, anac da dataỹa'aguet 'enauac na ño'oxonnaxaicpi, na'amqaanaxaicpi qataq na napagaqaanaxaicpi, da yaqto' qaica naqa'en ca la'amaqchec namayepi,

1 Samuel 16:5

Nache so Samuel 'enapeco': Aja', qaica cara. Aỹem ñanac da sanot aca ỹachetaqtaxanaqte Ñim Nataxala'. Qaq ỹoqo'oye qanỹoi qome, nache qauanaqui da qaualliquiitaua'a ca savigaxat ỹachetaqtaxanaxat. Ime, nache so Samuel nqui'itaxat naqa'en so Yesé qataq soua llalqa, nache 'enapega da ỹalectaua'a som ỹo'ot lachetaqtaxanaxat.

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Amós 6:10

Qaq da anac ca 'oonolec shiỹaxaua da nqatec ca lauo' le'ec maye ileu da yaqto' ỹavigaxa't, qaq da huo'otaq nvireuo ca lỹa shiỹaxaua nache da denataxan, 'eeta': «¿Peta'a ñaq huo'o ca lỹa shiỹaxaua na pa'auo?» Nache cam na'auhuo ỹasat, 'eeta': «Qaica» Qaq nataqa'en 'eeta': «'Aue'enaxaatai', ten qom 'alamaxata'a da 'anasaxauec da le'enaxat Ñim Nataxala'.»

Joel 2:11

Qaq Ñim Nataxala' nache hua'auta'ague da taỹa'ague nam nalleppi, da lavilỹaxac Ñimaye ỹataqta dellimigui da ỹa'axaỹaqchet na shiỹaxauapi. Qataq na nalleppi Ñimaye ỹataqta qalota, qataq ỹataqta 'añaxaicpi nam ỹo'ottac nam lamaxasoxonaxacpi Ñimaye. ¡Qaq cha'aye ỹataqta lta'araic qataq chaqaic nam na'a'q maye lviraxaqui Ñim Nataxala'! ¿Qaq negue'tom ca ishet da nala'aguet da dataỹa'aguet?

Ezequiel 7:10

¡Qaq 'ena nam na'a'q mashe nvi'! ¡Mashe nvi' na qami' ilaxachiguilo! Da qauem qalaq dauegaxaatai' 'enauaque naua pa'aiguelo ana 'alhua, qaq ỹataqta qalota da 'amqaanaxac.

Ezequiel 7:7

Qami' maye qoñiitalec ne'ena 'alhua, mashe nvi' nam qami' ilaxachiguilo. Mashe ivita ye laloqo', mashe sa qaỹapeque ca na'a'q maye huaigui qome da nsomaxac, nache imeuo qome da namaicỹaxac maye huetalec ana qasoxonaxapi.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Colosenses 1:12

da qaỹa'añiitacot da qana'achecỹaxaqui Ñim Lo'onatac 'Enauacna, maye Nta'a. Cha'aye Ñimaye iqataxaatapigui' da qomi' ỹanema qom huaigui dam lo'onataxanaxac maye yo'oqchiguiñi, da nsallaxa maye ỹachaxanapecot nam lalamaxatpi llalaqpi.

Filipenses 4:5

Qaq 'enauac qome na shiỹaxauapi ỹataqta qami' ỹauattoote' qom qami' huotaxanaqtaqaiqa. Cha'aye So Qarataxala' mashe saqaỹapeque da nvi'.

Romanos 9:20

nache aỹem ishet da sasateguet camaye sheeta': «'Am ñauochaxaua, ¿negue't 'am da qonetega sa ỹaỹamaxaayiñi naua lhuennataxaco Ñim Lo'onatac 'Enauacna?» Aca taxaqui maye no'oxona 'alhua, saishet da quetapeguelec cam ỹo'oxon souaxat da lataxac acamaye.

Romanos 3:19

Cha'aye qomi' saỹaanaq da 'enauac nam 'enapec nam namaxasoxonaxacpi maye chegoqo'ot so Moisés, ỹalamaqchigui nam hueto'ot ne'ena namaxasoxonaxacpi. Qaq 'era da 'eetec yaqto' saishet da huo'o ca 'eetega da qaica ca ỹasouaxat, qataq yaqto' 'enauac na shiỹaxauapi ana 'alhua ỹaỹaten da huo'o da lasouaxashet hueto'ot Ñim Lo'onatac 'Enauacna.

Salmos 46:10

«¡Ñaq qañe'emaxache qome qauaỹaañiteguet da nachaỹem Atamnaxala'! ¡Aỹem ñataỹaña 'enauac na ỹotta'a't shiỹaxauapi qataq 'enauac ana 'alhua!»

1 Samuel 20:26

Nache se'eso na'a'q so Saúl qaica ca la'aqtac, cha'aye ipi'itaxaatega da huo'o ca huetapoigui so David, nache saishet da qui'itta.

Da na'aqtaguec so Job 24:1

Cha'aye Ñim Qaica ca Ỹaqalanapec, saishet da ỹauo'o ca laloxoqui da huo'o ca ỹo'ot, da yaqto' na nauochaxauapi sa ỹaỹaten ca na'a'q da huo'o ca ỹo'ot Ñimaye.

Isaías 13:3

Mashe seỹaxana nam ỹa'añaxanecpi, qataq mashe samaq na ñalleppi maye seỹotauga co'ollaxa, nam huo'o da lamaicỹaxac souaxat da ỹauegaxanaxac, da yaqto' ỹacoolec da ỹo'ot da iuaxanaxanaxac.»

Isaías 29:2

qalaxaye ye Ariel saishet qome da sauo'o ca ldaqa', nache huo'o qome ca noinaxac qataq ca naquicoxo, nache yemaye 'eeta'am qome ñaqa'en aca laỹe' aca poqo maye huetalec aca nca'atoxonaxalate.

Isaías 34:5

Aja', cha'aye so lainec Ñim Nataxala' mashe yo'oq hueto'ot na piguem, qaq taalec qome ye Edom yem nhuo' le'ecpi maye mashe taỹa'a da qoỹaneguet da nleuaxa.

Joel 1:15

¡'Agai que'eca na'a'q! ¡Cha'aye mashe nayeetai' ca na'a'q maye lviraxaqui Ñim Nataxala'! ¡Que'eca na'a'q ỹataqta chaqaic, cha'aye Ñim Qaica ca Ỹaqalanapec nlaxaañi qome 'enauacna!

Amós 8:3

Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

Zacarías 14:1

'Am Jerusalén, mashe anata ca na'a'q maye lalamaxat Ñim Nataxala', qaq huangui qome na 'anqa'aicpi da qanalogui nam no'onañi 'aralamaxatpi.