Biblia Todo Logo
Bib sou entènèt

- Piblisite -




Sofonías 1:6 - La'aqtaqa Ñim Lo'onatac 'Enauacna 2013

6 Nataqa'en selaxachigui qome nam Aỹem ca'ai, qataq nam saishet da Aỹem nmitaique da Aỹem inat.»

Gade chapit la Kopi

Toba del Oeste

6 Yataqata japalaĝa't qomle jogaa'me jayem queda'e, chayovida'alo jogaa'me ja jayem 'te yelodaque nataq'aen da'me ja jayem 'te nachoĝodetot jogaa'me.»

Gade chapit la Kopi




Sofonías 1:6
27 Referans Kwoze  

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.


Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.


'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.


Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.


Ne'ena ỹalamaxat nhuo' le'ecpi ỹataqta lhuennataxa da Aỹem dataỹa'aguet, ỹoqo'oye na'aictaxa da iỹaxaatega da ỹe'enaxat, qalaxaye saishet da ỹoqta 'eesa da Aỹem ỹo'oxoreetac.


Qaq na'aictaxa 'enauac de'era, añim lqaỹa Judá maye saỹalaq nataqa'en saishet da imauec da lquiyaqteỹaxac da aỹem ñe'eguelaxa, nacherata da aỹem ỹatenachet. Qaq 'era da ỹa'aqtac Aỹem Nataxala'.»


Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.


qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.


Qaq nataqa'en ishet da huo'otaq huo'o ca ỹale no'on da lataxac da ỹaxaañi da no'on lataxac nache ỹo'ot na qauem, qataq da sa'aqta'a da huañi, qaq 'am da huo'otaq sa 'aua'aqtaxanem camaye, nache camaye ileu. Qaq Aỹem saishet da shectega nam no'on maye ỹo'ot, nache camaye ileu souaxat na lasouaxashetpi, qalaxaye 'am 'aupa'aiguet da 'arasouaxashet da l-leuaxa camaye.


Qalaxaye nam quetague' so qauem nqa'aic, ñaq 'auasaxauec qome 'Am Nataxala', caueegue' 'anqa'en nam qauemaicpi. ¡Ñaq huo'o qome da nlagaxayec na Israel!


Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.


«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.


Qaq 'enauac somayepi 'eeta'am aca nqatelaxanaxaqui maye 'ettaigui, da ỹavigaxat som lataxala'pi. Qataq 'enauac so lta'alpi da nmichiguiñi naqa'en, nache qaica da huo'otaq 'oonolec ca aỹem iỹaxaatacot.


Qataq ỹataqta qauema naua la'aqtaqa qataq shepecaic, cha'aye deqat so no'on ntoonaxac, qataq ỹaxaañi da ỹo'ot da ỹaỹamaqchiguiñi.


Qataq qaica ca huo'o ca ỹaỹaten, qataq qaica ca nshetaique da nmittaique Ñim Lo'onatac 'Enauacna.


Qalaxaye 'am Israel, maye 'auachegoxoguet so Jacob, saishet co'ollaxa da aỹem 'auỹaxanot, nacherata da aỹem 'anasamiisop.


Nacherata da 'aucorelec da 'arayeloxo nam ỹotta'a't shiỹaxauapi maye 'am saỹauatton nam nhuo' le'ecpi maye saishet da iỹaxaatega da 'are'enaxat, cha'aye namayepi ilaxachigui na lauo' le'ecpi so Jacob, nache qaica naqa'en ca no'onañi qataq nlachiguiñi naqa'en ne'ena 'alhua.


Qaq de'era na'amqaanaxac na Israel le'ecpi, damaye maiche dataỹa'aguet qome namayepi. Qaq na'aictaxa de'era, namayepi saishet da ỹe'eguelaxa da nmitaique Ñim Nataxala' maye Natamnaxala'.


Cha'aye da qoquiỹa'ai Ñim Lo'onatac 'Enauacna, da qaualliquiiguet na ỹaqa'a shiỹaxauapi maye ñaq qami' netanguilo, qataq qauaroñiiguet namayepi, nache qaualliquiiguet, qataq namayepi qami' ỹaleegueta,


cha'aye aỹem salaxagueta naua lapaxaguenataxanaxaco Ñim Nataxala', ¡qataq saishet da sheca'ai Ñim Ñatamnaxala'!


Qataq camachaqca somayepi da saishet da nmitaique Ñim Nataxala', maye Natamnaxala' na Israel le'ecpi, na'aictaxa da ỹe, na'asa, ỹale huo'otaq 'alo, nache camaye qaỹalauat.


Qaq chegoqtegue da nala' lliguisheguem so siiriopi, qataq chegoqtegue da nala' lliguiñi so filisteopi, nache 'eco' 'oonolec da iuoxonañi so Israel le'ecpi. Qalaxaye ñaqaiyeta da layeloxo Ñim Nataxala' saishet da vi'iiguet, Ñimaye nache queto'ot da darenaxaatac.


Saishet da na'axaỹaxanalo co'ollaxa naua la'aqtaqa Ñim Nataxala', qataq saỹasateguet da qaỹapaxaguen; qataq saỹa'amaqten Ñimaye; qataq saishet da ỹe'eguenot Ñim Natamnaxala'.


Swiv nou:

Piblisite


Piblisite