Sofonías 1:4 - La'aqtaqa Ñim Lo'onatac 'Enauacna 2013

⁴ «Sachaxanec na ihuaq da sataỹa'aguet na Judá le'ecpi, qataq 'enauac na hueta'a ye Jerusalén. Qataq sapalaxat 'enauac nam saq'en atamnaxala'pi maye lqui'ipi so Baal, qataq ivira'a nam le'enaxatpi na ltaxaỹaxanaxanecpi.

Toba del Oeste

⁴ Qama'le yitaĝa nenaĝategue ñe'me Jaliaĝanec jenjo': «Ñodedegue naa'me youa' qaedi je'uaĝa'n qomle ga'me jiyaĝadipi di'me Jerusalén, nataq'aen yemeda jogaa'me neteda'ña jodi'me aleua Judá. Yataqata japalaĝa't qomle yemeda gaa'me p'iida'a joñe'me payac lenaĝat Baal, chayovida'alo yemeda jogaa'me necochoqo'tpi, qaedi qaya'te ta'le qouenata qomle.

Sofonías 1:4 Referans Kwoze

Oseas 10:5

Qaq nam Samaria le'ecpi ỹataqta huo'o qome da lcolanaxa, souaxat da deqat ñim huaca llalec maye netaña ye Bet Avén. Qaq souaxat ñimaye, nache ỹataqta huo'o da nachoxonnaxac nam nhuo' le'ecpi qataq na na'aqtaxanaxanecpi, souaxat da deqat da llo'oxoyec.

Miqueas 5:13

Qataq selaxachigui nam 'anatamnaxala'pi qataq nam ne'enaqtacpi coma', yaqto' saishet da 'avi'eguelaxa da qaltaq 'anatameetacot nam ne'enaqtacpi maye maiche 'aro'onatacpi.

Jeremías 6:12

Qaq na lma'pi, qataq na no'onaxapi qataq ana lhuapi, ỹaqa'a qome ca taỹot. Cha'aye aỹem ñauaxaỹaxaasheguem qome na ihuaq da yaqto' sauo'o ca nhuaxanaguec nam hueta'a ne'ena 'alhua. Qaq 'era da la'aqtac Ñim Nataxala'.

2 Crónicas 34:4

qataq ỹauaachigui qanqa'en somaye, co'ollaq qailaxachigui aso nca'atoxonaxalatepi, qataq som ỹotta'a't lqui'ipi so Baal. Qaq so Josías nataqa'en damaxasoxoolec co'ollaxa da qailaxachigui aso nca'atoxonaxalatepi maye qaỹachalec naxa da qaỹavigaxat so nchenaxanaxat. Qataq nataqa'en damaxasoxoolec da qailaxachigui so ne'enaqtacpi maye lqui'ipi aso Asera, qataq so nqolacpi, qataq so ne'enaqtacpi maye chegaqaigui so nqatelliguishec lcat, nache ỹataqta dolachigui qanqa'en, ime nache qaỹasaxalec aso nhuachiquipi som ỹaatacot co'ollaxa aso lachetaqtaxanaqtepi somayepi.

2 Reyes 21:13

Qaq da nque'eenaxac na Jerusalén, ñaloqteeteguet qome da nque'eenaxac co'ollaxa ye Samaria, qataq sauo'o ca nhuaxanaguec nam chegoxoguetpi so Ajab, nache ỹataqta qui'ittelec ñaqa'en na Jerusalén, 'eeta'am da qaiqui'itaxatta ca nquia'axaqui, ime nache qanqapaxanaqchiiñi.

Éxodo 15:12

Co'ollaq 'auachaxan da 'ara'añaxac, nache ana 'alhua iuoxonañi somayepi.

Jeremías 15:6

'Am mashe Aỹem qoca'ai qataq aỹem 'auro'oguet na 'al-laq. Qaq 'era da ỹa'aqtac Aỹem Nataxala'. Cha'aye Aỹem, mashe 'am ñasamiisop da 'am ñeualaxaueetague', nache ñauaxaỹaxaasheguem na ihuaq da 'am seuaxan qataq 'am selaxachigui.

Ezequiel 6:14

Aỹem ñauaxaỹaxaasheguem qome na ihuaq, da sauo'o ca qanhuaxanaguiqui, qaq nache chegoqchiguiña qome ye toolec 'alhua maye pa'aigue da taguiñi, nache ivira'a ye Ribla maye pa'aigue da sheu', da she'eguelaxata qome da toolec qataq chaqaic na qana'alhuai, qataq 'enauac nam nma'pi maye qoñiitaña. Qaq huaña qome nache qauaỹachiñi, da nachaỹem maye Aỹem Nataxala'.»

Ezequiel 25:7

Qaq ỹoqo'oye Aỹem ñauaxaỹaxaasheguem qome na ihuaq da sauo'o ca qanhuaxanaguiiqui, qataq qami' sanegueta na ỹotta'a't shiỹaxauapi da yaqto' deuotaxanec 'enauac na qaralamaxache. Qataq qami' ñeqateeguesopa na nhuo' le'ecpi, nache qami' ñematchiyiñi da qami' selaxachiguilo. Qaq huaña qome nache qauaỹachiñi da Aỹem nachaỹem Nataxala'.

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Sofonías 2:13

Ñimaye ỹachaxanegue qome na lhuaq da sheu' da yaqto' ilaxachigui ye Asiria, qaq huaña nache toolec qome yem huaqta'a't nỹecpi ye Nínive, nache ỹe'eguelaxata da ỹataqta toolec qataq deqaqta yi'iye 'alhua.

2 Reyes 23:12

So nta'a nataqa'en iqalagoxooñi aso nca'atoxonaxalatepi maye netaña na pa'asheguem maye naña so lanataxaqui so Ajaz, asom no'oxoosheguem co'ollaxa som nta'alpi ye Judá, qataq asom nca'atoxonaxalate maye no'oxoosheguem so Manasés, maye ỹanaña co'ollaxa so nqasoxoc aso atamnaxaqui maye lalamaqte Ñim Nataxala'. Nache ỹataqta dolachigui naqa'en, ime nache so lsoche asomayepi, ỹasaxauga so la'auaxac Cedrón.