Sofonías 1:3 - La'aqtaqa Ñim Lo'onatac 'Enauacna 2013

³ Selaxachigui qome na shiỹaxauapi, qataq na shiguiỹacpi, selaxachigui na maỹopi, qataq na nỹaqpi, qataq so'otec da nqalaatapigui' nam qauemaicpi, qataq imeuo ñaqa'en na shiỹaxauapi ana 'alhua.» Qaq 'era da la'aqtac Ñim Nataxala'.

Toba del Oeste

³ ¡Japalaĝa't jo' qomle yema jena'me jiyaĝadipi nataq'aen joga'me yejidipi! ¡Je'n qayaua joga'me mayodipi choqoga'me niyaqapi! ¡Male ja'uo lachoĝode'j jogaa'me ja 'noe'n, yataqata japalaĝa't qomle yemeda jena'me aleua laje'pi; qaya'te jen nec'alegue qomle!» Naq'aeta ca'li da'me 'laqatac joñe'me Jaliaĝanec.

Sofonías 1:3 Referans Kwoze

Oseas 4:3

Ỹoqo'oye ne'ena 'alhua huo'o qome da nasouaxac, nache qaica ca la'añaxac 'enauac nam netalecpi namaye, qataq nataqa'en ileu qome na huauec shiguiỹacpi, qataq na maỹopi maye hueto'ot na piguem, qataq na nỹaqpi maye huetangui aso auaxai.

Ezequiel 7:19

Qataq ỹasaxauga ca nqa'aic ana alom lcat plata, qataq ỹasaxauec na lalamaxat lcat oro, 'eeta'am naqa'en ca lasogoñi. Qaq na lalamaxat oro qataq ana alom lcat plata, saishet qome da nca'alaxatec namayepi que'eca na'a'q maye huaigui da lalemataic Ñim Nataxala'. Qataq saishet da vi'iiguet na lqouaxa, cha'aye na lalamaxat oro nachena na ỹo'ot da talec namayepi da qauem.

Apocalipsis 2:14

Qalaxaye Aỹem nache 'ena'am huo'o da sa saỹamaxaren da qoneta, cha'aye 'auaconeguet nam quetague' da qauem lataxac so Balaam. Cha'aye somaye ỹapaxaguenec co'ollaxa so Balac dam 'eetec naqa'en na Israel le'ecpi da yaqto' somayepi nache queto'ot da ỹo'ottac na qauem, qataq ỹayen da yaqto' somayepi chec nam mashe qoỹanot na ne'enaqtac nqui'ipi maye qanatameetacotpi qataq saq 'en, qataq da yaqto' sa ỹalaxaguet Ñim Lo'onatac 'Enauacna.

Mateo 23:39

Cha'aye ỹoqta 'eesa de'era qami' sa'aqtaxanema da chegoqchiguiña nagui da saishet da ỹoltaq Aỹem qauloỹa'a, choche ivita'a qome da qoñiita': «Ỹataqta no'on da llecỹaxac nam Lca'aguishec Ñim Lo'onatac 'Enauacna, maye nactaigui da le'enaxat Ñimaye.»

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Oseas 14:8

Nache na Efraín, 'enapec qome: ¿Ta'ainco' taxa da satapegueua'a nam ne'enaqtac atamnaxala'pi? ¡Cha'aye Aỹem ña'axaỹaxana qataq selo'ogue qome ne'ena ỹalamaxat nhuo' le'ecpi! Nache Aỹem sheeta'am qome ana qo'oipaq pino maye nache 'eetai' da daralata da lo'oxoỹaxac, qaq ne'ena ỹalamaxat nhuo' le'ecpi Aỹem ỹachegoxoto'ot qome da alaỹaxac.»

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

Jeremías 12:4

¿Chaq laguio' qaq vi'iiguet da lqaxaỹaxa ana 'alhua, qataq ana huoue maye huetalec na no'onaxa? Na shiguiỹacpi qataq ana maỹopi mashe ileetac, souaxat nam qauem maye ỹo'ottac nam netalec ne'ena 'alhua, maye 'eetega da saishet da 'auauangui nam ỹo'ottac namayepi.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Ezequiel 44:12

Cha'aye namayepi nachena nam huetague' co'ollaxa na Israel le'ecpi, da ỹaatacot da llo'oxonnataxanaxa na nqolacpi, qaq nachena nam ỹo'ot na lasouaxashetpi namayepi. Qaq ỹoqo'oye namayepi isheeten qome dam lasouaxashet. Qaq 'era da ỹa'aqtac Aỹem Nataxala'.

Mateo 13:41

Aỹem Shiỹaxaua Llalec samaq qome na ỹamaxashecpi da yaqto' nqateeguesop da ỹo'onataxanaxac 'enauac nam shiỹaxauapi maye qauem na ỹo'ottac qataq ỹayen na laỹepi da nataqa'en ỹo'ot ca qauem.

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

Isaías 6:12

Nache ivitta'a qome da Ñim Nataxala' ỹamaxa ca qaỹoqta 'alhua nam shiỹaxauapi, qataq ỹataqta toolec naqa'en ne'ena 'alhua.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 50:3

Cha'aye chegaqa'ague qome da sheu' da anac ca ỹotta'a't shiỹaxauapi da iloquiaxan yemaye, nache ỹe'eguelaxata qome da toolec ye na'alhua namayepi. Nache qaica qome ca shiỹaxauapi, huo'otaq ca shiguiỹacpi da ỹe'eguelaxa da nalec yemaye, cha'aye 'enauac qome da datauec.»

Génesis 6:7

Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»