Sofonías 1:2 - La'aqtaqa Ñim Lo'onatac 'Enauacna 2013

² Qaq 'era da la'aqtac Ñim Nataxala': «Aỹem selaxachigui qome, 'enauac nam huetalec ana 'alhua.

Toba del Oeste

² Yitaĝa nenaĝategue ca'li joñe'me Jaliaĝanec jenjo': «¡Yataqata jen pal jo' qomle yema jena'me uetalegue jena'me aleua!

Sofonías 1:2 Referans Kwoze

Miqueas 7:13

Qaq na 'alhuapi taỹa'a da toolec qome, souaxat nam qauem maye ỹo'ottac nam netalecpi namaye.

Jeremías 36:29

Ime, nache qoneta': 'Era da la'aqtac Ñim Nataxala': 'Am 'auavigaxat co'ollaxa aso nere, qataq 'auauotaique da 'auaconeua'a co'ollaxa so Jeremías, souaxat da ỹerelec asa'aso nere, da ñi nta'a ye Babilonia anac qome qaica ca iuatta'a, da yaqto' ilaxachigui ne'ena 'alhua, nache qaica naqa'en ca no'onañi na shiỹaxauapi, qataq nam shiguiỹacpi.

Jeremías 34:22

Aỹem samaxalec qome da ỹe'eguelaxalec da iloquiaxan ne'ena huaqta'a't nỹecpi, qaq da mashe loxonec nache ỹavigaxat. Qataq so'ot qome da toolec na laỹepi huaqta'a't nỹecpi maye ỹotta'a't naua nañalo na Judá, nache qaica qome ca netaigui. Qaq 'era da ỹa'aqtac Aỹem Nataxala'.»

Isaías 6:11

Nache aỹem senat co'ollaxa sheeta': «'Am Nataxala', ¿chaq lcate' na'axa'te caua ivi' de'era?» Nache Ñimaye aỹem ỹasateguet, 'eeta': «Qomye ivitta'a qome da imauec da nlachiguiñi na huaqta'a't nỹecpi, qataq qanayeca'ai na nỹecpi qataq toolec na no'onaxapi,

2 Crónicas 36:21

da yaqto' ipacchigui som la'aqtac co'ollaxa Ñim Lo'onatac 'Enauacna maye chegoqchigui naqa'en so la'aqtaxanaxanec Jeremías. Qaq 'era da 'eetec da se'eso 'alhua nque'etaxaachigui da nmataxac, cha'aye nmateeguesopa 'enauaque se'esoua vi'iye maye huetaiguilo da qaica ca lyac, choche ivitta'a da inoxoore'c soua setenta vi'iye.

Génesis 6:7

Nache 'enapeco': «Sapalaxat qome na shiỹaxauapi maye ỹo'onatacpi maye netalec ana 'alhua, qataq nataqa'en na shiguiỹacpi nlopi, qataq na shiguiỹacpi maye hualectapigui', qataq na maỹopi. ¡Aỹem ỹataqta huo'o da ñequi'ic souaxat da so'ot co'ollaxa namayepi!»

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

2 Crónicas 24:24

Qaq na'aictaxa da saq 'amaqtaq so alleppi siiriopi, qalaxaye Ñim Nataxala' ỹanem somayepi da loxonec som qalota alleppi, cha'aye som shiỹaxauapi maye lma' ye Judá, ỹaxanec Ñim Nataxala' maye Natamnaxala' som hua'au lta'alpi. Qaq 'era da 'eetec da so Joás, talec da 'itchiguiñi nhuaxanaguec.

Lamentaciones 2:17

Ñim Nataxala', mashe ỹo'ot dam lapaxañi co'ollaxa, nache ipaqueelec som la'aqtac, maye ỹan co'ollaxa soua qaỹoqteguelo vi'iye. Nache saishet da 'am ichoxoreetac da 'am ilaxachigui, qataq hua'aqta'a na 'ampa'aguenaxauapi da 'am ne'eetapigui, qataq nquigaxatsheguem da la'añaxac na 'ampa'aguenaxauapi.