Sofonías 1:16 - La'aqtaqa Ñim Lo'onatac 'Enauacna 2013

¹⁶ Que'eca na'a'q qaỹa'aqtega qome da l-lamaxa ana nasheerepi qataq da na'alaxac, da qailoquiaxan ye huaqta'a't nỹecpi, maye huo'o na lpaqtaxat qataq ana qaỹoqotcheguemec nalloxolatepi.

Toba del Oeste

¹⁶ Qom yovita ga'me nolo', male qoyajediye jañe'me najeede, male qodomachiya ga'me 'lalaĝa'j gaa'me loiquiaĝayaqa, qama'le jalcote qoyen lachoĝodec gaa'me noyaqa t'adayaqa jo'ne te'me 'uo ga'me lequepaĝanaĝat jo'ne t'adaic nale.

Sofonías 1:16 Referans Kwoze

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Isaías 32:14

Qataq ñi lma' lta'araic ca nta'a qanayeca'ai qome, qataq yem huaqta'a't nỹecpi maye qalota na hueta'a toolec qome, qataq na sansattec npaqtaxanaxatpi nataqa'en qanayeca'ai qome, nache nmataqa' qome yemaye nam huauec 'ashenapi, qataq lquia'aqa' qome yemaye na nlopi shiguiỹacpi.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Oseas 5:8

¡Ña qauashiiyigui ana nasheere qom huaña ye Guibeá! ¡Qataq ana nasheerepi qom huaña ye Ramá! ¡Qataq qauauoi ca qara'alaxaqui maye la'anaxat ca alaataxac qom huaña ye Bet Avén! ¡Yaqto' ỹe'elaq nam chegoxoguetpi so Benjamin!

Jeremías 8:16

¡Mashe anacta na qampa'aguenaxauapi! ¡Mashe dachemnaxaata'aguet na lalopi caipi, chegoqchiguiña ye Dan! Naxa da nỹen, nache cholaxan na 'alhua. Anac da nlaxaañi ne'ena 'alhua qataq 'enauac nam huetalec namaye, nam huaqta'a't nỹecpi maye ỹotta'a't na nañalo qataq nam hueta'a namayepi.

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Isaías 59:10

Qataq sashelaqtaua'a na lque na nỹecpi shenaqta'am ca sanauaañi, qataq 'eeta'am da qaicaua naua qara'ai'te, ỹoqo'oye ye laiñi ye na'a'q qalaq sepogolaxanaqteguiñi, 'eeta'am da qolaqtaigui ye pe, qataq na'aictaxa da huo'o da qarca'alaxa qalaxaye 'eeta'am da qomi' leuaxaiqa.

Deuteronómio 28:52

Qaq cam 'ampa'aguenaxauapi coleesop qome ca 'aralamaxat huaqta'a't nỹecpi da 'am iloquiaxan ivitta'a da ỹamaxañi cam ỹataqta qaỹoqotcheguemec, qataq sansattec lpaqtaxat maye 'anteetacot, aja', coleesop qome 'enauac cam huaqta'a't nỹecpi maye ỹotta'a't naua nañalo yem 'alhua maye 'am ỹanem qome Ñim Nataxala' maye 'Anatamnaxala'.

Isaías 27:13

Qaq que'eca na'a'q qaỹashiiyigui qome aca nasheere, nache anac qome yem qaỹauega co'ollaxa ye Asiria, qataq yem qaỹauega co'ollaxa ye Egipto, nache huaña qome añi qui'itta qasoxonaxa maye naña ye Jerusalén da ỹo'oxoren Ñim Nataxala'.

Joel 2:1

Ña qauashiiyigui ana nasheerepi da huaña na Sión, qataq ana peenaq lcouepi da huaña ana qui'itta qasoxonaxa maye lalamaqte Ñim Nataxala'. Ña qaviloxolli qami' maye qoñiitaña na Judá, cha'aye mashe nayeetai' na na'a'q maye lviraxaqui Ñim Nataxala',

Josué 6:20

Huaña nache so nhuo' le'ecpi ỹa'alaq nache soua ntaxaỹaxanaxanaqa ỹashiiyiguilo soua lasheerel. Nache so nhuo' le'ecpi co'ollaq hua'axaỹa da l-lamaxa soua nasheerel, nache ỹataqta na'axannec da la'alaxac, nache so lpaqtaxat se'eso huaqta'a't nỹecpi hua'axauec. Huaña nache somayepi inoxotaua'a se'eso huaqta'a't nỹecpi nache loxonec.

Ezequiel 7:7

Qami' maye qoñiitalec ne'ena 'alhua, mashe nvi' nam qami' ilaxachiguilo. Mashe ivita ye laloqo', mashe sa qaỹapeque ca na'a'q maye huaigui qome da nsomaxac, nache imeuo qome da namaicỹaxac maye huetalec ana qasoxonaxapi.