Sofonías 1:12 - La'aqtaqa Ñim Lo'onatac 'Enauacna 2013

¹² Qaq que'eca na'a'q qalaq sacona qome aca ncoỹaraxanaxaqui nache ñemit ye Jerusalén. Huaña nache sauo'o ca nhuaxanaguec nam shiỹaxauapi maye ỹe'emaqtac 'eeta'am na lataxa da qaica ca ldaxac, qataq 'enapec naxa: Ñim Nataxala' saishet da ỹo'ot ca no'on qalaxaye nataqa'en, saishet da ỹo'ot ca qauem.

Toba del Oeste

¹² »Da'me dojo' qom yovita ga'me nolo', ja'uo jaga'me coyadaĝanaqate lat'edae qama'le jec'ate'n qomle di'me noic Jerusalén. Qama'le ja'uo qomle lachoĝode'j jogaa'me jiyaĝa'u jo'ne machidiñe q'ae'n, ena'am joga'me uva li'i nale joote davioĝon, qama'le enapega't nale: “¡Ñe'me Jaliaĝanec qaya'te ya'uo, uotaĝa ta'le qo'mi yichoĝode'n, uotaĝa ta'le qo'mi 'yeteque ga'me ja no'en!”

Sofonías 1:12 Referans Kwoze

Amós 6:1

¡Choxoraxaso' qome nam ỹataqta ỹe'emaqtac da hueta'a ye Sión! ¡Qataq nam pe'etega añi qasoxonaxa ye Samaria! ¡Qataq choxoraxaso' nam 'amaqtaqaicpi lataxala'pi nam ỹotta'a't shiỹaxauapi, maye nam Israel le'ecpi pe'etecot naxa!

Jeremías 48:11

Ye Moab nache 'eetai' naxa dam chegoqta'ague da huetaigui da l-lagaxayec, saỹauano' da qaỹauega ca ỹaqa'a 'alhua. 'Eeta'am ca lataxa maye saishet da qairaxanapigui' da qaicottangui ana ỹomaxaquipi, qaq ỹoqo'oye saishet da deqat da lamaicỹaxac qataq da no'on laitaỹaxac.

Ezequiel 8:12

Ime, nache aỹem 'enapega, 'eeta': «¿'Aulota'a peta'a nam ỹoxottañi da ỹo'ottac nam nqueroxonecpi maye lataxala'pi na Israel le'ecpi, da ñi 'oonolec namayepi huo'o na maiche lma'piolec naqa'en na lqolacpi? Namayepi ipettega da sa sela'a, qataq da mashe sheca'ai ne'ena 'alhua.»

Ezequiel 9:9

Nache Ñim Nataxala' aỹem ỹasateguet, 'eeta': «Da lasouaxashet na nhuo' Israel qataq na Judá le'ecpi ỹataqta lta'araic. Ne'ena 'alhua ỹataqta nlaxagui da nalaataxanaxac, ne'ena huaqta'a't nỹecpi ỹataqta nlaxagui da sa nalogoñi lataxac. Namayepi ipettega da mashe sheca'ai ne'ena 'alhua, qataq sa sauangui nam ỹo'ottacpi.

Salmos 94:7

Qataq ivira'a da 'enapec: «Ñim Nataxala' sa nauaañi, Ñim Natamnaxala' so Jacob saishet da nanoma de'era.»

2 Pedro 3:4

Qataq qami' inatta'ape qome, 'eeta': «¿Hua'ague ca 'eetec cam qami' qaỹachaxanapecoto lle'eguelaxasoxoc So Cristo? Ye choche ivitta'a da ileu so hua'au qarta'alpi, qalaq ñaq 'eetalec da lataxac ana 'alhua, chegoqta'a co'ollaq cheta'ague da qaỹo'ot.»

Abdías 1:6

¡Qalaxaye 'am Esaú, ca qoneteco' ye ỹataqta mashe 'am qanhuotta! ¡Nache ỹataqta qaimattec da qaỹacona so ỹataqta no'on 'ogoxoshetpi!

Jeremías 10:5

Na atamnaxala'pi qalaq 'eeta'am ca ne'enaqtac shiỹaxaua da qoỹaatalec ca nanaxanaqa' maye lma' ana melón, namayepi saishet da detaqa, qataq iuen da qanachesheguem, cha'aye saishet da queuoỹapigui'. Saishet da qañe'eetega namayepi, cha'aye namayepi saishet da huo'o ca qami' ỹo'oteque qauem huo'otaq 'onaxaic.»

Isaías 5:19

Qaq namayepi 'enapec naxa: «Ñim Lo'onatac 'Enauacna, no'on da sa ỹaỹaloxon da ỹo'ot nam lo'onatacpi yaqto' sauanaqchigui, Ñim Qui'itta Natamnaxala' na Israel le'ecpi, ña iỹalapegue' qome da ipacchigui naqa'en da ỹo'ot nam lapaxañipi co'ollaxa yaqto' sauattonaq.»

Salmos 14:1

Na qaica ca ỹaỹaana'a da lhuennataxac, 'eeta': «Qaica ca Lo'onatac 'Enauacna.» Ỹoqo'oye 'enauac namayepi ỹataqta saỹaỹama'q naua ỹo'otta'ape qataq ỹataqta qauema, namayepi ỹataqta qaica ca choche 'oonolec da ỹo'ottac ca no'on.

Da na'aqtaguec so Job 21:15

¿Negue't Ñim Qaica ca Ỹaqalanapec, da nshetaique da so'onataxanaqtacot? ¿Negue'to' ca naigui da ñatamnaqtacot?

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Malaquías 2:17

Qaq Ñim Nataxala', mashe qami' nasamiisopa da qami' na'axaỹaxaategalo; qalaq ñaq 'eetalec da qanataxañeetac, qoñeeta': «¿Negue't cam huo'omshe qomi' nasamiisopa?» Cha'aye qami' qoñiỹapec naxa, da Ñim Nataxala' ỹaỹamaxareeta nam ỹo'ottac na qauem, qataq machiguiñi Ñimaye souaxat namayepi. ¡Qami' sa qaua'amaqcheñi da Ñimaye, ỹataqta nalochiguiñi da lataxac!

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.