Sofonías 1:11 - La'aqtaqa Ñim Lo'onatac 'Enauacna 2013

¹¹ ¡Qaua'alaqai qome, qami' maye qarmaye na nỹecpi maye le'enaxat Na'araxanaxaqui, cha'aye ileu qome 'enauac na nmenaxaicpi qataq 'enauac nam ỹoxottañi, da nmenaxac ana anom plata, namayepi taỹa'a da qailaxachigui!

Toba del Oeste

¹¹ ¡Nach'e ena'am a'ualaqaitayi, ami jo'ne ovi'ta jenjo' at'achaqadi' lenaĝat da'me Mactes, qa'a yemeda gaa'me menaĝayaqa yele'u jo' qomle, yemeda jogaa'me laicaual lo'ol nataq'aen qoyapalaĝa't qomle!

Sofonías 1:11 Referans Kwoze

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

Ezequiel 21:12

Qaq 'am shiỹaxaua, ¡'aua'alaq qome qataq 'anỹen souaxat da 'anqui'ic, cha'aye ca ỹeelonec taỹa'a da ỹalauat na ỹalamaxat nhuo' le'ecpi, qataq 'enauac na nta'alpi ye Israel! Namayepi taỹa'a da qaỹalauat, lỹangui' na ỹalamaxat nhuo' le'ecpi, qaq ỹoqo'oye 'anhuaxaata'a qome ana 'artogue souaxat da 'anqui'ic.

Jeremías 25:34

¡Qami' qagueta lo'opi, ña qaua'alqai qome souaxat da qanqui'iqui! ¡Qami' maye qami' lataxala'ate ana qaguetapi ña qanviñiingui qome na 'alhua! Cha'aye mashe nvi' nam na'a'q maye huetoigui da nalaataxanaxac, qaq qami' nache qami' qaỹalaua't qome qoñeeta'am ca qagueta lhuaraicpi maye chaxaraicpi.

Juan 2:16

Nache 'enapega na imeetac na qoto'pi, 'eeta': –¡Qanqacheeuec 'enauac ne'enapi! ¡Saishet da qauo'ochec na lma' Ñim Ita'a da menaqa'!

Joel 1:13

Qaq qami' ntaxaỹaxanaxanecpi qaỹa'añiiñi na sa nsatta nogoxot, qami' maye qoviitague' añi nca'atoxonaxalate, ña qanoỹiñi, cha'aye añi atamnaxaqui maye lalamaqte Ñim Nataxala', mashe qaca ana nachetaqtaxanaqtepi ala na nañiguishec qataq na lataxa.

Joel 1:5

¡Qaq qami' taxaicpi, ñaq qanloiuec! ¡Ñaq qanỹeñi qami' maye qanỹomiitapigui na lataxa, cha'aye na lli'i ana uva, taỹa'a qome da qaỹacona!

Oseas 9:6

Qaq da qoqui da qananeltaxañeeguet da qanhuaxanaguiiqui, nache na Egipto le'ecpi qami' ỹaconeua'alo qome, nache huaña ye Menfis da qami' ilalyiñi. Qaq ana qaraỹamaqtai plata qalaq ñaxaalec qome ana poqo no'onaxa lashe, qaq nam qaranataqa'aipi qalaq ñaxaalec qome ana qo'oipaqole maye huo'o ana le.

Jeremías 4:8

Qaq ỹoqo'oye qaỹa'añiiyiñi qome naua qo'ogolli' maye sansattegueta, qanỹeñi qataq qana'alaqaitapiguiñi souaxat da qanqui'iqui, cha'aye dam 'ettaigui layeloxo Ñim Nataxala' saishet da qomi' ca'aisalo.

Da na'aqtaguec so Job 27:16

Qaq na'aictoxo' da lapoosheguem ana alom plata, da 'eeta'am naqa'en na lsoche na 'alhua, qataq lapoosheguem na logoxot,

Da na'aqtaguec so Job 27:17

qalaxaye ca shiỹaxaua maye ỹaỹamaqchiguiñi da lataxac, nacheca ca ỹaañi qome que'eca nogoxot, qataq ca qaica ca ỹasouaxat, nacheca ca nque'etaxaachigui aca'aca anom plata.

Sofonías 2:5

¡Ỹataqta choxoraxasoro' qami', ỹalleppi maye qarmaye na Creta, maye neto'ot na loigue aso auaxai! Ñim Lo'onatac 'Enauacna mashe ỹan de'era la'aqtac da qami' dataỹa'agueta, 'eeta': «¡'Am Canaán, maye 'am na'alhua nam Filistea le'ecpi, 'am selaxachigui qome nache qaica ca no'onañi nam 'am netalecpi!

Zacarías 14:21

Nache 'enauac qome ana taxaquipi maye hueta'a ye Jerusalén, qataq ye Judá, da qaiỹotauga da lalamaqte Ñim Nataxala' maye Qaica ca Ỹaqalanapec. Qaq cam ỹo'ot aca lachetaqtaxanaqte, qalaq do'onataxana da ỹaneuaq nam lapat nam shiguiỹacpi maye ỹaneuo da lachetaqtaxanaxat. Qaq que'eca na'a'q, qaica qome na nmenaxaicpi maye hueta'a naxa añi atamnaxaqui, maye lalamaqte Ñim Nataxala' maye Qaica ca Ỹaqalanapec.