Sofonías 1:10 - La'aqtaqa Ñim Lo'onatac 'Enauacna 2013

¹⁰ Ñim Nataxala', 'eeta': «Que'eca na'a'q qaỹa'axaỹa qome ca na'alaxac, da qaiỹaxanaique ca ntaunaxanaxac, huaña ñim ñegueuo maye le'enaxat Nỹaq, qataq cam na'alaxac maye chemaxaña ñi lỹa lasom, qataq huo'o qome ca lta'araic l-lamaxa cam hua'axañi chemaxaña añi lcomaraxalate.

Toba del Oeste

¹⁰ Yitaĝa jenjo' 'laqatac joñe'me Jaliaĝanec: «Ga'me nolo' qom yovita da'me qoya'uo lachoĝode'j jena'me jiyaĝadipi, male qodomachiya da'me niyaĝanaĝac da'me jetaque qoyichoĝode'n jogaa'me, chimaqapegoue joga'me jom t'adaic di'me Jerusalén lenaĝat Niyaq Ladiiuo. Nataq'aen 'yalaqa'tape jogaa'me jiyaĝa'u jo'ne yauoqoda'a, qama'le qodomachiya da'me iyidiñe naa'me emaqa jo'ne qaya'alo.

Sofonías 1:10 Referans Kwoze

2 Crónicas 33:14

Qaq co'ollaq ime de'era, nache so Manasés no'oxoosheguem so npaqtaxanaxat pa'aỹauec, da mpaxateua'a so huaqta'a't nỹecpi maye lalamaxat so David, qaq chegoqchiguiña naqa'en so pa'aigue da nala' lliguisheguem ye Guijón, nache taalec so ca'amegue nache ivitta'a so lasom maye le'enaxat Nỹaq, nache coleelec naqa'en ye Ofel, qaq se'eso npaqtaxanaxat ỹataqta qaỹoqotcheguema naqa'en. Qaq nataqa'en ỹauo'o so lataxala'pi so alleppi, da ỹanaña 'enauac som napotaua'a huaqta'a't nỹecpi maye ỹotta'a't naua nañalo ye Judá.

Amós 8:3

Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

2 Reyes 22:14

Nache so Hilcías, qataq so Ajicán, Acbor, Safán, qataq so Asaías, nqo'oora co'ollaxa aso na'aqtaxanaxana Julda, asom lhua so Salún, maye llalec so Ticvá, som laual so Jarjás, maye ilotague' aso laỹe' so nogoxotpi asa'aso atamnaxaqui. Qaq aso Julda, netaña co'ollaxa so dalaxaic nỹecpi, maye naigui so huaqta'a't nỹecpi ye Jerusalén, nache na'aqtaxaatrague' co'ollaxa,

Nehemías 3:3

Qaq so llalaqpi so Sená, somayepi ỹa'ara't so lasom maye qailonec llegueuo na nỹaqpi. Qataq ỹa'alyiñi naua lauoqtel nache ỹauo'o aso lvinaqte, qataq so la'axasoxot da qaỹapogui.

Sofonías 1:15

Qaq que'eca na'a'q huetoigui qome ca lta'araic nayeloxo, nachetataic qataq naquicoxo, na'a'q maye ỹo'ot da nlaguiñi, qataq toolec 'enauacna, qataq ỹataqta napalñi.

Sofonías 1:7

¡Ñaq qañe'emaxache da qauataito'ot Ñim Nataxala', cha'aye da lviraxac Ñimaye mashe nayeetai'! ¡Ñim Nataxala' mashe iqataxaatai' cam lachetaqtaxanaxat, qataq mashe iqui'itaxat na lcoyeguenatacpi!

Jeremías 39:2

Qaq so na'a'q nueve, som ca'agoxoic cuatro som vi'i once da lo'onataxanaxac da nta'a so Sedequías, nache so alleppi maye pa'aguenaxauapi inoxoneua'a ye huaqta'a't nỹecpi,

Jeremías 4:31

Aỹem sa'aqtega da na'alaxac souaxat da qui'ic, 'eeta'am aca 'alo da cheta'ague da deco'o, qalaxaye nacheye yem Sión da la'alaxac de'era, maye dachottac qataq ỹaatrauec naua lhua'q nache, 'eeta': ¡Choxoraxaso' aỹem! ¡Aỹem ỹalauat qome na laataxanaxaicpi!»

Isaías 59:11

'Enauac da shenaqta da sachotaqtai' shenaqta'am na 'oosopi, qataq ñeỹenaqtac shenaqta'am na qoto'pi, seuataqtaique ca nca'alaxa qalaxaye saishet da nvi'; seuataqtaique da qomi' huesochiyiñi qalaxaye damaye qaỹoqtaique.

2 Crónicas 32:22

Qaq 'era da 'eetec da Ñim Nataxala' isoueeguesop so Ezequías qataq so hueta'a ye Jerusalén da la'añaxac so Senaquerib, maye nta'a ye Asiria, qataq 'enauac so laỹepi mpa'aguenaxauapi, qaq nache ỹanem da l-lagaxayec somaye qataq so lauoreuapi.

2 Crónicas 3:1

So Salomón ỹacoolec co'ollaxa da no'oxoosheguem aso atamnaxaqui maye lalamaqte Ñim Nataxala', ỹanaña añi qasoxonaxa Moria maye naña ye Jerusalén, yem huaña co'ollaxa da Ñim Nataxala' nachaxana so David, maye lta'a somaye, nache ỹaachiguiña yem lchegoxosoxonqa' co'ollaxa da ichegoq na trigo so Ornán, som jebuseo, yem iqataxanai' co'ollaxa so David, da ñichiguiña naqa'en asomaye.

2 Samuel 5:9

Ime, nache so David naña se'eso huaqta'a't nỹecpi maye sa nsattec so lpaqtaxat, nache ỹanagui da le'enaxat, «Huaqta'a't nỹecpi maye lalamaxat so David.» Qataq nataqa'en no'oxoosheguem so lpaqtaxat coleesop naqa'en somaye, chegoqchiguiña so qaimeelec nqa'aic, nache iviraua'a so nma' lta'araic.

2 Samuel 5:7

Qalaxaye so David ñaqaiyeta ishet co'ollaxa da deuotaxanec se'eso huaqta'a't nỹecpi maye ỹataqta sa nsattec so lpaqtaxat ye Sión, maye qoỹanagui nagui da le'enaxat «huaqta'a't nỹecpi maye lalamaxat so David.»

2 Crónicas 34:22

Qaq so Hilcías, qataq soua ỹama'q so nta'a, je'c da nqo'oora aso na'aqtaxanaxana Julda, asom lhua so Salún, som llalec so Ticva, qataq laual so Jarjás, som ilotague' so laỹe' so nogoxotpi aso atamnaxaqui. Qaq aso Julda, netaña co'ollaxa so dalaxaic nỹecpi ye Jerusalén, qaq co'ollaq qaỹa'aqtaxanem,

Nehemías 12:39

Ime nache ñelegaqtelec so lasom le'enaxat Efraín, qataq so lasom le'enaxat Jesana, qataq so lasom maye qailonec da llegueuo na nỹaq, qataq aso nalloxolate maye qailonec da le'enaxat Jananel, qataq aso nalloxolate maye qailonec da le'enaxat Cien, nache seviraqta'a so lasom maye qailonec da llegueuo ana qaguetapi. Huaña nache souaqa'a so lasom so nhuataxanaxanecpi.

Ezequiel 6:13

Qaq qom qauloỹa'a da lo'ocỹaxac ne'ena shiỹaxauapi da hueto'ot na lqolacpi, qataq naua loiguiye ana nca'atoxonaxalatepi, maye netalec 'enauac ana qaỹoqotcheguemecpi lcomaraxalatepi, qataq na pa'asheguem ana qasoxonaxapi, qataq na la'a' ana qo'oipaqpi maye qalochiguiñi ana lcouepi, qataq na huaña naxa da ỹanot na lchenaxanaxat maye ama na laita na lqolacpi, qaq huaña qome nache qauaỹachiñi da nachaỹem maye Aỹem Nataxala'.