Sofonías 1:1 - La'aqtaqa Ñim Lo'onatac 'Enauacna 2013

¹ Qaq 'era dam la'aqtac Ñim Nataxala', maye ỹanem so Sofonías, som na'a'q co'ollaq so Josías maye llalec so Amón nta'a ye Judá. Qaq so Sofonías so lta'a le'enaxat Cusí, qaq so Cusí nache chegoxoguet so Gedalías, qaq so Gedalías nache chegoxoguet so Amarías, qaq so Amarías nache chegoxoguet so Ezequías.

Toba del Oeste

¹ Jenjo' nach'ena 'laqataĝanaĝac joñe'me Jaliaĝanec jo'ne qoyanem ca'li ñe'me Sofonías, c'oĝot ñe'me Cusí, jo'ne chiyoĝoguet di'me Guedalías, jo'ne c'oĝot di'me Amarías, jo'ne chiyoĝoguet di'me Ezequías, jaa'me noloqo'ote ca'li maliaĝa 'uo joñe'me Josías, c'oĝot di'me Amón, jaliaĝanec ca'li di'me aleua Judá.

Sofonías 1:1 Referans Kwoze

Jeremías 1:2

Ñim Nataxala' detaxaỹot co'ollaxa so Jeremías, co'ollaq so Josías maye llalec so Amón, mashe ivi' trece vi'iye da lo'onataxanaxac da nta'a ye Judá.

2 Pedro 1:19

Qaq aỹem ỹataqta 'eesa ñaqa'en de'era la'aqtaxanaxac Ñim Lo'onatac 'Enauacna maye ỹa'axattac co'ollaxa so la'aqtaxanaxanecpi Ñimaye. Qaq ỹoqo'oye qami' ñachoxoreetoiguilo da ỹataqta qana'axaỹaxañiỹa de'era na'aqtaxanaxac, cha'aye damaye nachera da qami' da'aqtaxanema da 'eetec da qanachaalataxaqui, choche ivitta'a que'eca na'a'q qom ñe'eguelaq So Cristo, nache naralaxat da qanachaalataxaqui.

Oseas 1:1

Qaq 'era da la'aqtac Ñim Nataxala' co'ollaq 'enapega so Oseas, som llalec so Beerí, maye huetoigui co'ollaxa da lo'onataxanaxac so Uzías, Yotán, Ajaz qataq so Ezequías, maye nta'al ye Judá, qataq so Jeroboán, maye llalec so Joás, som nta'a ye Israel.

Ezequiel 1:3

Qaq aỹem Ezequiel maye aỹem llalec so Buzí maye aỹem ntaxaỹaxanaxanec, se'eso na'a'q soota'a ye na'alhua na caldeopi, yem loigue ye tala Quebar, nache aỹem nvita so la'aqtac Ñim Nataxala', qataq aỹem ỹashel-lec Ñimaye.

Jeremías 25:3

«Chegoqta'a co'ollaq ivi' soua trece vi'iye da nta'a so Josías, som llalec so Amón maye ilotague' ye Judá, qaq choche ivitta'a nagui, qaq damaye, 'eeta': mashe ivi' naua veintitrés vi'iye da Ñim Nataxala' aỹem detaxaỹot co'ollaxa, nache aỹem qami' she'eguelaqtaleguete co'ollaxa da qami' setaqtacoto, qalaxaye qami' saishet da aỹem qaualaqaiguet.

2 Timoteo 3:16

'Enauaque naua ñiyigui'she la'aqtaqa Ñim Lo'onatac 'Enauacna, naamaye ỹilyiñi naqa'en co'ollaxa so la'aqtaxanaxanecpi. Namayepi taiguet da qaỹapaxaguenataxanec, qataq da qaitaunaxanot da huo'o ca qaỹaỹamaxaañi nataxac, qataq da qaỹachaxan ca ỹoqta llec da achaalataxac,

2 Reyes 21:18

Qaq co'ollaq ileu so Manasés, nache qailareña som nañiguishe lma', maye huaña so lma' lta'araic, som nañiguishe lma', maye le'enaxat Uzá. Qaq da lo'onataxanaxac da nta'a, nache talec so llalec Amón.

2 Crónicas 33:20

Qaq co'ollaq ileu so Manasés, nache qailareña so nanaxanaqa' maye huaña so lma' lta'araic somaye. Qaq ime co'ollaxa, nache da lo'onataxanaxac somaye, talec so llalec Amón.

Jeremías 22:11

Cha'aye da la'aqtac Ñim Nataxala' maye talec ñi Salún ñim llalec so Josías maye nta'a ye Judá, ñim talec co'ollaxa da lo'onataxanaxac so lta'a maye ca'ai co'ollaxa ne'ena nma', 'eeta': «Saishet qome da qaltaq ñe'eguelaq

2 Reyes 21:26

Qaq co'ollaq ileu so Amón, nache qailareña yem nañiguishe lma' maye le'enaxat Uzá. Qaq da lo'onataxanaxac da nta'a, nache talec so llalec Josías.