Salmos 127:3 - La'aqtaqa Ñim Lo'onatac 'Enauacna 2013

³ Nam qoyalaqpi, namayepi qomi' ỹaatema Ñim Nataxala', da alaỹaxac da qarco'oxoc damaye nachera da qanqouagaxa.

Salmos 127:3 Referans Kwoze

Deuteronómio 28:4

Qataq huo'o qome da nchoxonnataguec ca 'aỹa'alaqpi, qataq no'on da alaỹaxac ca 'añiguishecpi, qataq da lañaxataxac ca llalec aca 'arelopi huacapi, qaguetapi, qataq 'enauac ca laỹe shiguiỹacpi maye 'arelopi.

1 Samuel 1:27

Nache seỹaxaatacot co'ollaxa Ñim Nataxala' da aỹem ỹanem ne'ena nogotolec, qaq Ñimaye aỹem ỹanem namaye.

Isaías 8:18

Aỹem qataq na ỹalaqpi maye aỹem ỹanem Ñim Nataxala', qomi' la'anaqa'ate dam sa qaỹauanapega ne'ena Israel, dam chegoqo'ot Ñim Nataxala' maye Qaica ca Ỹaqalanapec maye netasheguema añi qasoxonaxa Sión.

Génesis 48:4

qaq 'eeta' da la'aqtac: ‹Aỹem 'am sanem qome da ỹataqta qalota ca 'aỹa'alaqpi, qataq cam 'am chegoxoguetpi chegoqchigui qome ca ỹotta'a't shiỹaxauapi. Qaq nataqa'en que'eca 'am chegoxoguetpi sanem qome ne'ena 'alhua, nache chochaq tatec qome da lalamaxat.›

Génesis 33:5

Qaq ime co'ollaxa, nache so Esaú ỹamataigui so 'alpi, qataq so ñaqpiolec, nache denataxan, 'eeta': «Qaq ne'enapi ¿negue'tna?» Nache so Jacob 'enapeco': «Qomye nachena na llalaqpi nam 'aramaxashec maye Ñim Lo'onatac 'Enauacna ỹanem namaye.»

Génesis 1:28

Ime, qaq ỹanema da no'on la'aqtac, 'eeta': «Ỹataqta qalota qome ca qaỹa'alquipi, qanlaxacheetelec ana 'alhua qataq qauloỹeegue, nataqa'en qauloỹeegue na nỹaq qataq na maỹo qataq 'enauac na shiguiỹacpi maye hualectapigui'.»

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

1 Crónicas 28:5

Qaq nagui, nam qalota ỹalaqpi maye aỹem ỹanem co'ollaxa Ñim Nataxala', nache ỹachegoxottoigui da lca'aua'a so ỹalec Salomón, da yaqto' nso'ongui añi so'onaxaqui da ỹo'ot da lo'onataxanaxac Ñim Nataxala' da ilo'ogue na Israel le'ecpi.

Isaías 13:18

Namayepi irolec qome aca lchecnapi da huañi naqa'en na nsoxoppi, qataq saishet da ichoxonnai' natai' ñaq cheta'ague da ñiguiñipi, qataq sa ichoxoreetac na laỹepi ñaqpiolec.

Génesis 4:1

Qaq so ỹale hue'eguet co'ollaxa aso lhua Eva, nache asomaye hualaxai, nache huo'o so llalec le'enaxat Caín. Nache 'enapeco': «Mashe huo'o na ỹalec ỹale. Ñim Nataxala' aỹem ỹanem.»

Deuteronómio 28:11

Qataq Ñim Nataxala' 'am ỹanem qome da lchoxonnataxanaxa, nache ỹataqta qalota naqa'en ca 'aỹa'alaqpi, qataq ca llalec ca 'arelo shiguiỹacpi, qataq sa qoue naqa'en da alaỹaxac ca 'añiguishecpi maye ñaxaalec yi'iye 'alhua maye Ñim Nataxala' ỹachaxanapeguem co'ollaxa so hua'au 'arta'alpi.

Jueces 12:9

qaq somaye ivi' treinta so llalaqpi ỹalleppi, qataq treinta aso llalpi 'alpi. Nache 'enauac somayepi da huaroneguet naqa'en som chegaqauecpi. Qaq so Ibsán ivi' soua siete vi'iye da lataxala' so Israel le'ecpi,

2 Samuel 3:5

qaq so lỹa le'enaxat Itreán, som llalec aso Eglá, maye lhua lỹa so David. Qaq 'eso so llalaqpi so David co'ollaq netaña ye Hebrón.

1 Crónicas 8:40

Qaq soua llalqa so Ulán, soomaye ale't 'añaxaiqa, qataq ỹataqta ỹaỹaten da do'ogoxona na checnec. Qaq soomaye ỹataqta qalota so llalaqpi qataq so laualpi, qaq da ima'a't nache ivi' ciento cincuenta. Qaq somayepi 'enauac da chegoxoguet so Benjamín.

Da na'aqtaguec so Job 1:2

Qaq so Job, siete soua llalqa ỹale't, qataq tres soua llale 'alo,