Salmos 127:1 - La'aqtaqa Ñim Lo'onatac 'Enauacna 2013

¹ Ñim Nataxala' da sa no'oxoosheguem ca nỹec, nache qaica ca naigui da lo'onataxanaxac cam no'oxooteguisheguem camaye, Ñim Nataxala' da saishet da npaxattalec ca huaqta'a't nỹecpi, nache qaica ca naigui da sa do'oche cam nauaatalec camaye.

Salmos 127:1 Referans Kwoze

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

1 Corintios 3:7

Qaq ỹoqo'oye saishet da nacheca cam ỹa'axat da no'on na'axaỹaxac cam 'amaqtaqaic huo'otaq cam dapaxaguenataxan. Nachaqñita Ñim Lo'onatac 'Enauacna 'oonolec da 'amaqtaqaic, cha'aye Ñimaye nacheñi ñi ỹo'ot da nañaxataxac.

Salmos 124:1

Da saishet taxa da qomi' hueta'agueta Ñim Nataxala', qaq nachera da ishet da qoñiỹapec nagui qami' Israel le'ecpi,

Isaías 62:6

'Am Jerusalén, na 'arpaqtaxanaxatpi sanalec na 'arauanaxanaxanecpi, maye ye na'a'q qataq ye pe saishet da vi'iiguet da 'eeta': «Qami' maye qauỹaxañiitacot Ñim Nataxala', saishet qome da qavi'imqaita,

1 Crónicas 28:10

Qaq ỹoqo'oye ỹataqta 'antoueeta'ac qome da Ñim Nataxala', 'am lca'aua'a da yaqto' 'ano'oxoosheguem ca nỹec maye lanataqa' qome ñimaye. Ỹoqo'oye 'ana'añaxatat qome, nache 'auacoolec da 'auo'ot camaye.»

Jeremías 51:12

¡Qauauo'oi aca la'anaqte da qauloquiaxañi ye Babilonia, nache qaulaxachiigui na lpaqtaxatpi! ¡Qataq qanquigaxacheeuec na nauanaxanaxanecpi qataq nam nauanaxanaxanecpi na pa'asheguem! ¡Qataq qauauo'oi na qanqañoxotaqaipi! Cha'aye Ñim Nataxala' ỹaỹamaxaañi qataq ipacchigui da ỹo'ot nam lapaxañipi maye ỹa'axatta'a co'ollaxa da dataỹa'aguet na lma' ye Babilonia.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

1 Corintios 15:14

Qaq da saishettaxa da nca'alec qanqa'en So Cristo, nache de'era no'on na'axaỹaxac maye sa'axataqtac qaicactaxa ca naigui, qataq nataqa'en qaica ca naigui da qami' qaua'amaqchiñiitac So Cristo.

Salmos 121:1

Qaq da samato'ot naxa ana qasoxonaxapi, nache sheeta': «¿Chaq hua'ago' qome ca chegaqa'ague ca ñetaunaguec?»

Salmos 123:1

'Am Nataxala', aỹem 'am samato'ot, 'am maye qonetasheguema na piguem.

Salmos 120:1

Co'ollaq souaigui da iuogoxo, nache seỹaxanot Ñim Nataxala', nache Ñimaye aỹem ỹasateguet.

Salmos 125:1

Nam pe'etegapi Ñim Nataxala' 'eeta'am añi qasoxonaxa ye Sión, maye chochaq tatec qataq saishet da deraỹapigui'.

Salmos 78:69

Nache no'oxoosheguem añi qui'itta atamnaxaqui, ỹataqta qaỹoqotcheguemec 'eeta'am na piguem, nache no'oxoochiguiñi 'eeta'am naqa'en ana 'alhua.

Isaías 56:10

cha'aye nam lauanaxanaxanecpi nam ỹalamaxat nhuo' le'ecpi, 'eco' qanamaicpi nache qaica ca nanomaxa. Qataq 'enauac namayepi 'eeta'am ca pioq maye saishet da detoxon, nda'a't da nnanaxac qataq da lchoxonaxac, namayepi ỹataqta nqopita da do'ocheta.

Eclesiastés 9:11

Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Salmos 126:1

Ñim Nataxala' co'ollaq ñe'eguelaxata na Sión na noxonecpi, nache 'eeta'am da choche sechoxonaqtac.

Salmos 122:1

Aỹem, ỹataqta samachiguiñi da aỹem qoỹenapega, qoỹeeta': ¡Qolaq ñeqo'onaxaua'a añi atamnaxaqui maye lalamaqte Ñim Nataxala'!

Isaías 27:3

Aỹem Nataxala', nache aỹem maye ñeteltega, qataq saishet da she'emaxat da secottalec. Ñepaxattalec ye na'a'q qataq ye pe, da yaqto' saishet da qaỹo'otec qauem.

1 Crónicas 29:19

Qataq nataqa'en 'aỹa'anem qome so ỹalec Salomón ca ỹaỹamaqchiguiñi nquiyaqteỹaxac, qaq yaqto' ishet da ỹalaxaguet na 'aramaxasoxonaxacpi, nam 'alapaxañi lataxacpi qataq nam 'arqataxacpi, da yaqto' ishet da ỹo'ot qome aca atamnaxaqui, maye aỹem seqataxanai' co'ollaxa nam no'onataxatpi.»

Gálatas 4:11

Qaq ỹoqo'oye aỹem huo'o da icolanaxa da tachigui ye iuel da qaica ca naigui da ỹo'onataxanaxac maye qami' so'oteque.

Cantares 5:7

Qalaxaye aỹem ilalec so nauaatalec na huaqta'a't nỹecpi, nache aỹem iuaxaatac nache aỹem ique'emaqchet. Ỹataqta ncolaxatauec so ipo' nam nauaatalec ñi lasom yem mpaqtaxanaxat.

Cantares 3:3

Qalaxaye aỹem ilalec so nauaatalec na huaqta'a't nỹecpi, nache senattac, sheeta': «¿Meca da qauloỹa'ague cam lauotaxat da ñachaalataxac?»

Jeremías 51:31

Na na'aqtaxanaxanecpi qalaq ca'ataueegue ñi lỹa da ỹa'axateua'a ñi nta'a ye Babilonia, da so lalamaxat huaqta'a't nỹecpi mashe imauec da noxonec.

Salmos 72:1

'Am maye 'Aro'onatac 'Enauacna 'aỹa'anem qome na nta'a, da ỹaỹamaqchiguiñi qataq nalochiguiñi 'arataxac.

Deuteronómio 8:18

Nacherata da qauennachiỹa'a Ñim Nataxala' maye Qanatamnaxala'ai, cha'aye Ñimaye nacheñi ñim qami' ỹanema da qara'añaxaqui da yaqto' qauacoñiiguet de'era nsallaxa, yaqto' ipacchigui da ỹan la'aqtac co'ollaq naỹamaxate' so hua'au qarta'ailpi.

Josué 2:2

Qalaxaye qaỹa'aqtaxanem co'ollaxa so nta'a ye Jericó, qoỹeeta': «Huo'oi soua Israel lashe' nvildeuo so mashe pe, da choche nmeenaxara ne'ena 'alhua.»

1 Reyes 5:12

Qaq 'era da 'eetec Ñim Nataxala' da ipacchigui so la'aqtac maye ỹachaxanapeguem co'ollaxa so Salomón, da ỹanem da laỹaanec. Nache so Jirán qataq so Salomón, ỹo'o't co'ollaxa da naỹamaxataxa'c, nache ỹataqta huo'o da l-lagaxaye'c soomaye.