Salmos 102:3 - La'aqtaqa Ñim Lo'onatac 'Enauacna 2013

³ Cha'aye da ñachaalataxac nquicta'a't da imeuo 'eeta'am na lmala'q qataq naua ipi'ineqa 'eroiguilo 'eeta'am ana poqo.

Salmos 102:3 Referans Kwoze

Santiago 4:14

¿Ta'ainco' da nache 'eetec da qartaxaỹaxaqui ye saq qauaỹaañi ca huaigui ca lỹa na'a'q? Cha'aye da qanachaalataxaqui 'eeta'am na sheue: da cara'acolec huo'o, qaỹata'ague qataq qaica.

Lamentaciones 1:13

Ñim Nataxala', ỹachegoxottot na pa'asheguem da nasaxañi so norec, nache somaye ỹataqta ivira'alo naua ipi'ineqa da ỹavigaxa't, qataq ỹanangui so ỹec aso nqoina, nache aỹem ỹe'eguelaxat, nache ỹo'ot da aỹem qaỹalata'a't, qataq da ñequi'ic nache ỹa'atta'a't ye na'a'q.

Salmos 37:20

Qaq na qauemaicpi qalaq taỹa'a da imeuo, na npa'agueetague' Ñim Nataxala' qalaq taỹa'a da nlaguiñi, 'eeta'am na lmala'q.

Da na'aqtaguec so Job 30:30

Da ỹo'ocỹaxac qalaq ỹataqta naue' qataq nmetapiguiñi, qataq naua ipi'ineqa ỹataqta 'eroiguilo souaxat na ỹe'eraxa.

Salmos 31:10

Da ñiqui'ic qataq da ñenoinaxac, qalaq imetrauo nataqa'en naua vi'iye da ñachaalataxac. Qataq da ỹaquicoxo ỹataqta imeuo naqa'en da ỹa'añaxac, qataq naua ipi'ineqa mashe sara'añeeguelo.

Lamentaciones 3:4

Nache nquigaxattañi da la'añaxac da ỹapacheỹaxac, qataq da ỹo'ocỹaxac, qataq ilaxachiguilo naua ipi'ineqa,

Salmos 119:83

Qaq na'aictaxa da sheeta'am aca lota maye ỹaueraqchet na lmala'q, qalaxaye saishet da secoua'aisalo naua 'aramaxasoxonaxaco.

Salmos 38:3

Qaq souaxat de'era 'aralemataic, nache 'enauac da ỹo'ocỹaxac ỹataqta dalola, qataq qaica ca 'oonolec na ipi'inecpi da no'oita, souaxat na ỹasouaxashetpi.

Salmos 27:9

¡Saishet qome da aỹem 'anqañoxocheesop! ¡Saishet da aỹem 'aumaqa'aguet souaxat da 'arayeloxo! Cha'aye nachaq 'amta da aỹem 'autauaatac, Qataq saishet qome da aỹem qoca'ai qataq saishet da saq aỹem 'ampaxattalec, cha'aye nache 'am Ñatamnaxala' qataq 'am ica'alaxaqui.

Salmos 31:3

Cha'aye nache qoneta'am ca coma' qataq ca nỹec maye ỹe'eguenaxaqui. Aỹem 'auaueca'aguet qataq aỹem 'ampaxattalec, qaq ñaq 'auo'ot da llo'oxoyec da 'are'enaxat.