Salmos 102:2 - La'aqtaqa Ñim Lo'onatac 'Enauacna 2013

² Saishet qome da aỹem 'anqañoxocheesop da sootapoigui da ỹaquicoxo, ñaq aỹem 'aua'axaỹa qataq sa 'anaỹaloxon da aỹem 'auasateguet da 'am seỹaxana.

Salmos 102:2 Referans Kwoze

Salmos 69:17

Saishet qome da aỹem 'anqañoxocheesop, qataq sa 'anaỹaloxon qome da aỹem 'auasateguet, cha'aye sootaigui da ñiqui'ic.

Isaías 8:17

Qaq Ñim Nataxala' na'aictaxa da nqañoxocheesop na lauo' le'ecpi so Jacob, qalaxaye aỹem sa'amaqteetac Ñimaye, qataq sacheto'ot da ñaquitaxac.

Salmos 27:9

¡Saishet qome da aỹem 'anqañoxocheesop! ¡Saishet da aỹem 'aumaqa'aguet souaxat da 'arayeloxo! Cha'aye nachaq 'amta da aỹem 'autauaatac, Qataq saishet qome da aỹem qoca'ai qataq saishet da saq aỹem 'ampaxattalec, cha'aye nache 'am Ñatamnaxala' qataq 'am ica'alaxaqui.

Salmos 104:29

qaq da 'aỹo'oxocheesop da 'arashiguiỹaxac nache huo'o da lcolanaxa, qaq da 'anqa't naua la'a'che nache ileu, nache qaltaq ỹe'eguelaxa da lsoche na 'alhua.

Salmos 70:1

'Am Ñatamnaxala', 'auanac qome da aỹem huesochiguiñi 'anqa'en, 'Am Nataxala', sa 'anaỹaloxon da 'auanac da aỹem 'autauan.

1 Corintios 10:13

Da qañe'eguenataguiiqui maye qami' nvittegalo, damaye nachera da 'eeta'am da ñe'eguenataguec na 'enauac shiỹaxauapi. Qalaxaye qami' ishet da qaupi'iỹa'ai Ñim Lo'onatac 'Enauacna, cha'aye Ñimaye saishet da qami' ỹasheetema ca qañe'eguenataguiiqui da huo'otaq sa qanaloỹeeguet. Nachaqrata da huo'otaq nvi' ca qañe'eguenataguiiqui, nache Ñim Lo'onatac 'Enauacna qami' ỹachaxanalo ca lataxac da yaqto' ishet da qanaloỹa'aguet camaye.

Salmos 143:7

'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.

Salmos 71:2

Cha'aye ỹataqta no'on da 'arataxac, nache aỹem 'anca'alaxatec qataq aỹem 'ampaxattalec, aỹem 'aua'axaỹa qome qataq aỹem 'anca'alaxatec.

Isaías 43:2

Qaq da huo'otaq 'aua'axasoxoolec ca 'etaxat, qalaq Aỹem 'am soota'aguet qome, qataq da 'aua'axasoxoolec ca tala qalaq saishet da 'am 'ogaxaic, qataq da huo'otaq qoquetangui ca norec, qalaq saishet da 'am ỹavigaxat, qataq nam le'eraxa camaye saishet da 'am ỹavigaxat.

Salmos 40:13

'Am Nataxala', aỹem 'anqouaguec, ñaq 'auanac da aỹem 'anca'alaxatec. 'Am Nataxala', sa 'anaỹaloxon qome da 'auanac da aỹem 'autauan.

Salmos 31:2

Ñaq aỹem 'aua'axaỹa qome, nache sa 'anaỹaloxon da aỹem 'anca'alaxatec. Cha'aye nache qoneta'am ca coma' da aỹem 'ampaxattalec, cha'aye 'am ỹe'eguenaxala' qataq ica'alaxaqui.

Salmos 22:19

Qalaxaye 'am Nataxala', saishet qome da 'am qaỹoqtaique, cha'aye nache 'am ỹa'añaxac, qataq sa 'anaỹaloxon qome da 'auanac da aỹem 'autauan.

Salmos 13:1

'Am Nataxala', ¿chaq laguio' da ivirec da aỹem 'aucoua'ai? ¿Chaq laguio' da ime da aỹem 'anqañoxottapiisop?

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Da na'aqtaguec so Job 7:21

¿Ta'ainco' ye sa 'auapalaxato' na ỹasouaxashetpi? ¿Qataq saisheto' peta'a da 'aucoua'ai na qauem maye so'ot? Cha'aye aỹem mashe saqaỹaloq da sootaigui na 'alhua, qaq na'aictoxo' da aỹem 'anmittaique qome qalaxaye mashe aỹem qaica.

Isaías 65:24

Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Éxodo 2:24

Nache Ñimaye ỹoqocha'a de'era lachetataic somayepi, nache tachigui lauel so naỹamaxataxac co'ollaq naỹamaxate' so Abraham, Isaac qataq so Jacob.

Salmos 17:1

'Am Nataxala', ñaq 'aua'axaỹa qome da ñachoxonnaxac, qataq 'aulo'oguet da ñatamnaxac cha'aye saishet da choche satenataxaatac.