Salmos 102:1 - La'aqtaqa Ñim Lo'onatac 'Enauacna 2013

¹ 'Am Nataxala', ñaq 'aua'axaỹa qome da ñatamnaxac, ñaq 'am iviro'ot qome da iỹaxanaxac.

Salmos 102:1 Referans Kwoze

Salmos 18:6

Qaq co'ollaq souaigui da iuogoxo nache seỹaxana Ñim Nataxala', seỹaxanot da aỹem itauan Ñim Lo'onatac 'Enauacna, qaq Ñimaye aỹem hua'axaỹa co'ollaq huaña añi atamnaxaqui maye lalamaqte, cha'aye da ỹa'alaxac ishet da ivira'a da hua'axaỹa Ñimaye.

Salmos 61:2

Aỹem soota'a na pa'atec ana 'alhua da seỹaxaatac, cha'aye añi iquiyaqte mashe qaica ca la'añaxac, qaq aỹem 'anca'alaxatec qome, nache aỹem 'aỹa'analec aca qaỹoqotcheguemec coma',

Salmos 39:12

«'Am Nataxala', ñaq 'aua'axaỹa da ñatamnaxac, ñaq 'auqoche'eguet da iỹaxanaxac, saishet da sa 'aua'axaỹa da ñenoinaxac cha'aye 'eeta'am 'anqa'en aỹem ca ỹaqa'a ca chegaqa'ague, sheeta'am ca qoỹo maye chochaq queta, sheeta'am co'ollaxa som sachegoxoguetpi.

Éxodo 2:23

Qaq co'ollaq mashe qaỹoqteguelo soua vi'iye, nache ileu so nta'a maye ilotague' ye Egipto, qalaxaye so Israel le'ecpi ñaq queta da lachetataic qataq nhuogoqtapeguem da nlataguec. Qaq Ñim Lo'onatac 'Enauacna hua'axaỹa co'ollaxa da la'alaxac somayepi.

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

Lucas 22:44

Qaq co'ollaq mashe ỹaguec da nque'eenaxac, nache qaltaq nquigaxattec da na'añaxataxac da nqouagaxaunaxac, nache na nchelchaxa maye anactac, 'eeta'ama naua ntago'q da ñeeleguete na 'alhua.]

Lamentaciones 3:44

'Anqañoxotoigui na lo'oc na piguem, da yaqto' saishet da 'aua'axaỹa da qanatamnaxac.

Lamentaciones 3:8

Qaq na'aictaxa da ña'alaqtapiguiñi, da seỹaxaatacot da aỹem itauan, qalaxaye saishet, da qochetega da ñachoxonnaxac,

Salmos 143:7

'Am Nataxala', sa 'anaỹaloxon qome da aỹem 'auasateguet, cha'aye mashe huotaique da vi'iigueta naua ỹa'a'che, saishet qome da aỹem 'oxocheesop da 'artaunaxanaxac, yaqto' saishet da sheeta'am ca taỹa'a aca huachiqui.

Salmos 143:4

Aỹem mashe qaica ca ỹa'añaxac, añi iquiyaqte qalaq mashe nquictañi da la'añaxac.

Salmos 5:2

Ñaq 'aua'axaỹa da ñachoxonnaxac, 'am ita'a qataq Ñatamnaxala', cha'aye 'am salamaxattot de'era ỹashelaxanaxac.

2 Crónicas 30:27

Ime co'ollaxa nache so ntaxaỹaxanaxanecpi, qataq so leviitapi, nachaañi nache talec naqa'en so no'on la'aqtac so shiỹaxauapi, nache Ñim Nataxala' hua'axaỹa somayepi, cha'aye se'eso natamnaxac iviro'ot na piguem, yem ỹataqta qui'itta lanataqa' Ñim Lo'onatac 'Enauacna.

1 Samuel 9:16

«'Anaỹamaxattai' qome cha'aye qonte', qom mashe 'eeta'am nagui ye ñichiguiña añi nala', nache 'am ñamaxaua'a ca nsoqolec maye chegaqa'a yem na'alhua so Benjamín, qaq camaye nacheca qome ca 'aucorelec da yaqto' lta'a na ỹalamaxat nhuo' Israel le'ecpi. Qaq camaye nacheca qome ca isoueeguesop namayepi da lamaxasoxonaxac na filisteopi, cha'aye aỹem ỹataqta huo'o da ichoxonnataxanaxa souaxat da aỹem iviro'ot da lashelaxanaxac namayepi.»

Jueces 10:16

Huaña, nache so Israel le'ecpi ỹalat so ỹaqa'a atamnaxala'pi da yaqto' qaltaq do'onataxanot Ñim Nataxala'. Nache Ñimaye ỹataqta sa nalo'oguet da 'eeta souaxat da nque'eenaxac so Israel le'ecpi.

Salmos 145:19

Ñimaye ipacchigui naqa'en nam 'eetapeguecpi nam huo'o naq 'enec naqa'en Ñimaye, qataq hua'axaỹa da lỹaxanaxac namayepi nache nca'alaxatec.

Salmos 77:3

Qaq naxa da tachigui ye iuel Ñim Lo'onatac 'Enauacna, nache ñeỹeetac da seuennataxaatac qalaq qaica ca ỹa'añaxac.

Salmos 62:8

Qaq qami' ihuo' le'ecpi nache 'eetai' qome da qaupi'iitega Ñimaye, ỹataqta qaumachiỹo'ot da qarquiyaqteỹaxaqui da qanatamñiitacot cha'aye Ñim Lo'onatac 'Enauacna nacheñi Ñim qaye'eguenaxala'.

Salmos 42:4

Qaq naxa da tachigui ye iuel se'eso hua'au, nache ỹataqta nỹen da ivilỹaxac co'ollaq shectaigui so shiỹaxauapi da sauectaua'a añi atamnaxaqui maye lalamaqte Ñim Lo'onatac 'Enauacna, ỹataqta ỹa'alaqtagui da ntonaxac da ỹaatac da na'achec. Qaq ỹataqta lta'araic da ño'oxonnataxanaxac se'eso na'a'q.

Salmos 12:5

Qaq 'era da la'aqtac Ñim Nataxala', 'eeta': «Nagui maye ñachaañi da ñeca'alaxatec nam qaica ca nyacnataguec, qataq na choxoraqpi maye ỹataqta qanhuottalec nache sanem namayepi, da ntaunaguec maye ỹataqta iuattaique.»