Rut 4:6 - La'aqtaqa Ñim Lo'onatac 'Enauacna 2013

⁶ Qaq som lauo' le'ec somaye co'ollaq hua'aqchigui de'era, nache 'enapec: Da nache 'eetec de'era, nache aỹem saishet da sesheenaxana yemaye, cha'aye ishet da na'aqchet da isallaxa, qaq aỹem 'am sasaxalec de'era qana'acnaxac da 'ausheenaxana yemaye.

Toba del Oeste

⁶ Qama'le ca'li domachiya jena'me jenjo', ñe'me jiyaĝaua enaac: «Qom naq'aeta jena'me jenjo', jetapega ja jaqanatet ta'le jajelaĝanec jena'me jenjo' aleua, qa'a ja jetaque 'uo ga'me janem da'me yeuoyaĝac. Qalaĝaja qom jetaque auajelaĝanec, 'noota qom aua'uo jena'me jenjo', yataqachiñe am jamaĝalegue qaedi auajelaĝanec.»

Rut 4:6 Referans Kwoze

Rut 3:13

Qalaxaye nache 'ena'am ñaq qoua'a ne'ena na pe, nato' qonte' da huo'otaq somaye ipactelec da ỹo'ot de'era, qaq no'on da ỹo'ot, qaq da huo'otaq saishet da ỹo'ot, nache nagui 'am sanem da ỹa'aqtac da 'am selo'ogue qome, hua'aqchigui ñaqa'en Ñim Nataxala'. Qaq nagui, no'on da 'auo'oche, nato' qonte'.

Levítico 25:25

Qaq da huo'o ca 'oonolec na qarhuo'oi le'ecpi da ivita da choxoraq, nache imen ca lalamaxat na'alhua, nache ishet da anac ca lalamaxat lauo' le'ec da nachaalec camaye da yaqto' desheenaxana que'eca imen camaye co'ollaxa.

Deuteronómio 25:7

Qaq que'eca ỹale da saishet da huaroneguet aca llo'oxoua, nache acamaye taỹa ca ñegueuo ca huaqta'a't nỹecpi maye hueta'a ca nqueroxonecpi nache, 'eeta': So ỹo'oxoua saishet da nache 'eetai' naqa'en da le'enaxat so lqaỹa ne'ena Israel, cha'aye saishet da ipaguelec da lataxac da qaỹaroneguet ca ño'oxoua.

Génesis 38:8

Qaq huaña, nache so Judá 'enapega so llalec Onán, 'eeta': «'Auaroneguet qome añi pa'ai maye lhua co'ollaxa so 'arqaỹa. Yaqto' 'aupaqueelec da lataxac ca ndaua, yaqto' huo'o qome ca chegoxoguetpi so 'arqaỹa, chegoqchigui 'am.»

Deuteronómio 25:8

Nache ca nqueroxonecpi maye netaña que'eca huaqta'a't nỹecpi, iỹaxaneuga camaye da yaqto' detaxaỹapegue'. Qaq da ñaq 'eetalec da ỹoqta sa nashen da huaroneguet acamaye,

Deuteronómio 25:9

nache acamaye taỹa que'eca llo'oxoua, ỹauaachigui naqa'en ca nqueroxonecpi da nqat ca lỹa lapela' camaye, qataq nqaigoxoigui na lashec camaye, nache 'enapega, 'eeta': ¡'Era da qoỹeetec ca ỹale da sa nashen da nauaxaỹaxaasheguem ca chegoxoguetpi ca lqaỹa maye mashe ileu!

Rut 2:20

Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Rut 3:9

Huaña, nache so Booz inat asomaye, 'eeta': ¿Negue't 'am? Nache asomaye ỹasateguet somaye, 'eeta': Qomye aỹem Rut, maye aỹem 'aramaxashe. Qaq 'am, maiche 'am ỹalamaxat ihuo' le'ec, ỹoqo'oye iuen da aỹem 'anapoxonaxanaxaaña na laỹe na 'arpo' da yaqto' aỹem 'antela'a.