Rut 4:5 - La'aqtaqa Ñim Lo'onatac 'Enauacna 2013

⁵ Nache so Booz 'enapega somaye, 'eeta': Qaq no'on da 'auaỹateeta da qom 'ausheenaxana yi'iye na'alhua aso Noemí, qaq iuen nataqa'en da 'auaroneguet aso Rut, maye Moab lashe, asom lhua co'ollaxa yem saqca, yaqto' yi'iye 'alhua nache queta da lalamaxat yemaye.

Toba del Oeste

⁵ Qama'le joñe'me Booz ya'uo ga'me 'laqatac laqaya jo'ne enaac: «Nayi 'noota qom auenate'ta jena'me jenjo': qom auajelaĝanec jena'me aleua, anetouetac jañe'me Noemí da'me 'uo jaga'me ne'tajop jo'ne late, maliaĝa qaya'te loua, yauo Moab laje jo'ne p'ae te'me loua jodi'me Mahlón, nach'e ena'am auen adoua jo' qomle, qaedi ja pal da'me lenaĝat di'me qadaqaya.»

Rut 4:5 Referans Kwoze

Mateo 22:24

nache somayepi inattac So Jesús, 'eeta': –'Am Napaxaguenataxanaq, so Moisés co'ollaxa 'enapec da huo'otaq huo'o ca ỹale da huaron, qaq da ivita da ileu da huo'otaq qaica ca llalec, nache ca lqaỹa ishet da qaltaq huaroneguet aca llo'oxoua, da yaqto' huo'o naqa'en ca llalec som lqaỹa maye saqca, yaqto' saishet da deqat da le'enaxat.

Génesis 38:8

Qaq huaña, nache so Judá 'enapega so llalec Onán, 'eeta': «'Auaroneguet qome añi pa'ai maye lhua co'ollaxa so 'arqaỹa. Yaqto' 'aupaqueelec da lataxac ca ndaua, yaqto' huo'o qome ca chegoxoguetpi so 'arqaỹa, chegoqchigui 'am.»

Lucas 20:28

–'Am Napaxaguenataxanaq, so Moisés qomi' no'onaxata'agueta naua lqataxaco, 'eeta': Ca shiỹaxaua da huo'otaq ileu, nache no'oichigui aca lhua da huo'otaq qaica ca llalec, nache cam maiche lqaỹa, iuen da qaltaq huaroneguet acam llo'oxoua, da yaqto' huo'o ca llalec naqa'en som lqaỹa maye saqca.

Deuteronómio 25:7

Qaq que'eca ỹale da saishet da huaroneguet aca llo'oxoua, nache acamaye taỹa ca ñegueuo ca huaqta'a't nỹecpi maye hueta'a ca nqueroxonecpi nache, 'eeta': So ỹo'oxoua saishet da nache 'eetai' naqa'en da le'enaxat so lqaỹa ne'ena Israel, cha'aye saishet da ipaguelec da lataxac da qaỹaroneguet ca ño'oxoua.