Rut 4:15 - La'aqtaqa Ñim Lo'onatac 'Enauacna 2013

¹⁵ Qaq yemaye 'am ỹanem qome da 'ara'añaxac, qataq 'am ilo'ogue qom ỹataqta 'am ỹa'axaino'ole, cha'aye yemaye, llalec asom 'arate maye ỹataqta 'am lauotaqte, maye napacalec da la'amaqchec caua siete 'aỹa'alqa.

Toba del Oeste

¹⁵ Na'me nojo' naqaena am yanem da'me at'añaĝac da'me am 'yaĝaina', qa'a jenjo' adaual mach'e c'oĝot jana'me adate jo'ne yataqachiñe am noqopita, ¡onole qalaĝaja ena'am ta'le uo'oe gaa'me siete ac'oqo'te!»

Rut 4:15 Referans Kwoze

Salmos 55:22

'Aupa'axano'ot qome Ñim Nataxala' 'enauac na 'auennatapegapi, nache Ñimaye ỹataqta 'am lasoqchiguiñi qome, cha'aye Ñimaye saishet da huañi naqa'en ca no'on da lataxac.

Isaías 46:4

qaq choche ivitta'a qome da qami' ỹa'axaiquipi da saishet da ñaralaxat da ỹataxac, qom huo'o ana lapagaxai naua qarqaigolli' qalaq nache shecto'ot qome da qami' ñelletrañi. Aỹem so'ot co'ollaxa de'era qaq nache shecto'ot qome da qami' ñachetrashegue'm, Aỹem qami' ñelletrañi qome qataq qami' ñeca'alaxatrec.

Génesis 45:11

Qaq huaina'a qome, nache 'am, qataq na 'aỹa'alaqpi qataq 'enauac na 'am hueta'aguet, sanem na nallec da yaqto' saishet da huo'o ca qaviñiitaique, cha'aye saxanaqcaua caua cinco vi'iye maye huetaiguilo qome na nqouaxa.

Proverbios 18:24

Huo'o ca auochaxaua maye ỹauecta'a da nlaguiñi ca nauochaxaua, qalaxaye huo'o ca auochaxaua maye napacalec da lauotaxanaqtaic ca nqaỹa.

1 Samuel 1:8

Huaña nache so Elcana, som lhua asomaye inat, 'eeta': Ana, ¿ta'ainco' ye 'anỹeetac? ¿Ta'ainco' ye 'auaquicota qataq saishet da 'auque'e? ¿Peta'a saishet da ñapacalec da lyacỹaxac ca diez 'aỹa'alaqpi?

Génesis 47:12

Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.

Rut 4:16

Nache aso Noemí ỹacona so nogotolec, nache nsoxouo nache huapegue' da ỹaqchet.

1 Samuel 2:5

Qaq nam sa iueetaique co'ollaxa cam aloq, qaq nagui qalaq nmeela't da yaqto' ỹanata ca aloq, Qaq nam huo'o co'ollaxa na lqouaxa, nagui qalaq qaica ca lqouaxa. Qaq ana 'alo maye saishet co'ollaxa da deco'o, nagui qalaq siete da ỹe'eguelaxalec da deco'o, qaq anam qalota co'ollaxa na llalec, qaq nagui qalaq taỹañicra.