Rut 4:10 - La'aqtaqa Ñim Lo'onatac 'Enauacna 2013

¹⁰ Qataq da aỹem saroneguet qome aso Rut, asom Moab lashe maye lhua co'ollaxa ye Majlón, yaqto' yi'iye 'alhua nache 'eetai' da lalamaxat yemaye, yaqto' da le'enaxat ye Majlón saishet qome da pal da ỹalectaigui na lalamaxat lqaỹañecpi, qataq ne'ena nhuo' le'ecpi. Qaq nagui, qami' qauauañiichigui de'era.

Toba del Oeste

¹⁰ Nataq'aen auañitalegue nayi male jen youa jañe'me Rut, p'ae, Moab laje, qaedi nataq'aen jena'me jenjo' aleua qaya'te deuodaĝanec da'me lenaĝat jodi'me Mahlón, mach'e lequiaĝaua ca'li jañe'me jo'ne joote qaya, nataq'aen qaedi yataqachiñe ja pal da'me lenaĝat jena'me jenjo' noic nataq'aen ja qoyapalaĝate'ta di'me. Nach'ena jena'me jenjo' jo'ne ja'uo nayi qama'le auañitalegue nayi.»

Rut 4:10 Referans Kwoze

Deuteronómio 25:6

Nache ca la'auaxanec llalec camaye da deco'oiguet aca llo'oxoua, ỹanagui da le'enaxat que'eca lqaỹa maye mashe ileu, yaqto' saishet da qaỹapalaxat da le'enaxat camaye na Israel.

Efesios 5:25

Qataq na ỹalleppi maye mashe huaron ỹataqta ỹauotec aca lhua, 'eeta'am So Cristo da ỹataqta ỹauotec na 'amqaanataxanaxaicpi, qataq ỹan co'ollaxa da nachaalataxac souaxat namayepi.

Hebreos 13:4

Qataq qami' iuen da ỹataqta qanchelỹa'a da qarhuaỹaxaqui qataq ỹataqta lta'araic qanqa'eñi da naigui. Caua namoxou' iuen da ỹataqta nde'n, cha'aye Ñim Lo'onatac 'Enauacna ỹauo'o qome da nhuaxanaguec na quisheguetaxaicpi qataq nam sa iren da lhuaỹaxac.

Malaquías 2:14

Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat!

Zacarías 13:2

Nache que'eca na'a'q, ñeqateeguesop qome 'enauac ne'ena 'alhua, na le'enaxatpi na ne'enaqtac atamnaxala'pi, yaqto' saishet da nache queta da qanatameetacot. Qataq nataqa'en ñeqateeguesop qome ne'ena 'alhua na ntaxaỹaxanaxanecpi, qataq 'enauac nam saqcha'a na'añaxacpi maye qauem. Qaq 'era da san ỹa'aqtac Aỹem Nataxala'.

Oseas 12:12

Qalaxaye so Jacob, ỹe'eguena co'ollaxa ye 'alhua Aram, qaq nache huaña yemaye da ilotague' aso qaguetapi, da do'onataxaateguelec da lasheechiỹaxac aso lhua.

Oseas 3:2

Huaña, nache sesheenaxana aso 'alo, nache aso lasheue ivi' quince aso lcatpiole ana plata, qataq so trescientos treinta kilos na cebada.

Isaías 48:19

Qataq nam 'am chegoxoguetpi ỹataqta qalota taxa, 'eeta'am na 'alhua lsoche maye huetangui aso auaxai qataq Aỹem saishet taxa da 'am selaxachigui qataq saishet taxa da 'am ñeloguiisop.»

Proverbios 19:14

Caua nta'al chegoqchiguilo da qaỹaconeguet ca nỹec qataq da nsallaxa, Qaq Ñim Nataxala' qalaq chegoqo'ot aca 'alo sanqalat.

Proverbios 18:22

Ca ỹanata aca lhua qalaq ỹanata da lamaicỹaxac, qataq ỹaconeguet da lqouagaxanaqtaic Ñim Lo'onatac 'Enauacna.

Salmos 109:15

Qataq Ñim Nataxala' saishet qome da icoua'ai, qataq Ñimaye ỹapalaxat qome da le'enaxat maye huetalec ana 'alhua.

Salmos 34:16

Ñim Nataxala' dataỹa'aguet na ỹo'ottac na qauemsat, da yaqto' ỹapalaxat da le'enaxat namayepi da huetalec ana 'alhua.

Josué 7:9

Cha'aye na Canaán le'ecpi qataq 'enauac nam netalec na 'alhuapi qom ỹaỹaten de'era maye huaña ne'ena, nache namayepi huaxaỹa't qome da qomi' iloquiaxa'n, huaña nache saishet da huo'o ca no'onañi da shenaqta. Huaña nache ¿ca 'eetec qome da la'amaqchec da 'are'enaxat?»

Génesis 29:27

Qaq ỹoqo'oye no'on da 'aumattrec naua siete na'axa'te maye 'araronaxaqui' da 'auaroneguet ara Lea, qaq qom ime, nache nataqa'en 'am sanaxam aso Raquel, da 'auasateguet da qaltaq 'auo'onataxanot aỹem caua lỹa't siete vi'iye.»

Rut 4:9

Huaña nache so Booz 'enapega so nqueroxonecpi, qataq som ỹauaatauopi, 'eeta': 'Enauac da qoñeeta, aỹem qauauañiichigui nagui da aỹem ñemene' aso Noemí, da sesheenaxana ye 'alhua maye lalamaxat co'ollaxa so Elimelec, qataq soua llalqa Quelión qataq Majlón.

Génesis 38:9

Qalaxaye so Onán, ye ỹaỹaten da ivita da huo'o ca chegoxoguetpi somaye, nache saishet da ỹoqta 'itchiguiñi da llalaqpi. Qaq ỹoqo'oye, naxa da hue'eguet aso pa'ai, nache ỹauo'o da lataxac da yaqto' asomaye saishet da hualaxai, yaqto' so lqaỹa saishet da huo'o ca chegoxoguetpi, da chegoqchigui somaye.