Rut 3:9 - La'aqtaqa Ñim Lo'onatac 'Enauacna 2013

⁹ Huaña, nache so Booz inat asomaye, 'eeta': ¿Negue't 'am? Nache asomaye ỹasateguet somaye, 'eeta': Qomye aỹem Rut, maye aỹem 'aramaxashe. Qaq 'am, maiche 'am ỹalamaxat ihuo' le'ec, ỹoqo'oye iuen da aỹem 'anapoxonaxanaxaaña na laỹe na 'arpo' da yaqto' aỹem 'antela'a.

Toba del Oeste

⁹ «¿Jach'e am?» Male 'yateguet jañe'me: «Jaliaĝanec, mach'e jayem Rut. Nataq'aen mach'e am laqaya jodi'me te'me jona'ajop ca'li, qama'le naqa'am jo'ne am qoyaje'tem ta'le jayem adetela. Chane'eja nayi jetaque jen am youa.»

Rut 3:9 Referans Kwoze

Ezequiel 16:8

Qaq ime, nache qaltaq 'am ñelectot, nache sela'a da mashe ishet da 'auauonaxan. Qaq huaña nache 'am sepegueelec so ipo', nache sapolec da 'aro'ocỹaxac nache 'am ñauone', qataq 'am ñaỹamaxate', qaq huaña nache ỹataqta 'am ỹalamaqte. Qaq 'era da ỹa'aqtac Aỹem Nataxala'.

Rut 2:20

Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Rut 3:12

Qaq ỹoqta 'eesa da maiche 'am ihuo' lashe, qalaxaye huo'o so lỹa 'arhuo' le'ec maye ỹoqta sa qaỹapeque de'era qana'acnaxac.

Lucas 14:11

Cha'aye ca nshetaique da 'amaqtaqaic, qaq nacheca ca saq 'amaqtaq qanqa'en, qaq cam sa na'amaqten, qaq nacheca ca 'amaqtaq qanqa'en.

1 Samuel 25:41

Nache asomaye ỹa'alyiñi naua l-llecte, nache iviraxata'aguet na latap na 'alhua, nache 'enapeco': Aỹem maiche aỹem lo'onataxanaxana ca David, qaq aỹem qaica ca shectega, qataq aỹem ỹataqta lleuotta da ishet da seỹoi' naua lapia'ate ca lamaxashecpi camaye da aỹem ỹamaxalec.

Rut 3:8

Qaq co'ollaq mashe laiñi so pe, nache so Booz nlotec, nache nchemaxañi, huaña nache choche ỹe'elaqtem da huo'o aso 'alo da nnaataua'alo naua lapia'ate.

Rut 3:10

Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

Rut 4:4

Qaq sauotaique da 'auaỹaten de'era, cha'aye sa iuena'a da 'anshetaique da 'ausheenaxana, nache hua'aqchigui 'anqa'en ne'enaua nso'ootrañi qataq ne'ena nqueroxonecpi, maye lma' ne'ena huaqta'a't nỹecpi. Cha'aye 'am maye ỹataqta 'am sa qaỹapeque dam qana'acnaxac so Elimelec, ỹoqo'oye iuen da nache 'am da 'ausheenaxana yi'iye 'alhua. Qaq da sa 'aushet da 'ausheenaxana, nache no'on da aỹem 'aua'aqtaxanem yaqto' saỹateeta, cha'aye nache 'am da 'am seca'atalec de'era qana'acnaxac, ỹoqo'oye da sa 'ausheenaxana, nache aỹem sesheenaxana yi'iye 'alhua. Nache som lauo' le'ec somaye 'enapec: Aja', aỹem sesheenaxana.

Rut 4:6

Qaq som lauo' le'ec somaye co'ollaq hua'aqchigui de'era, nache 'enapec: Da nache 'eetec de'era, nache aỹem saishet da sesheenaxana yemaye, cha'aye ishet da na'aqchet da isallaxa, qaq aỹem 'am sasaxalec de'era qana'acnaxac da 'ausheenaxana yemaye.