Rut 3:7 - La'aqtaqa Ñim Lo'onatac 'Enauacna 2013

⁷ Qaq so Booz co'ollaq mashe ime da lquia'axac qataq da nỹomaxac, nache ỹataqta machiguiñi da lquiyaqteỹaxac. Ime, nache nnaañi da yaqto' do'oche, hueteua'a na laỹe so lapoñiguishec ala na cebada. Qaq co'ollaq mashe qaỹata'ague, nache aso Rut nchettaua'a so hueta'a somaye, nache ỹauaaleguete naua lapia'ate, nache nnaañi.

Toba del Oeste

⁷ Male yem joca'li da'me liqui'yaĝac ñe'me Booz, qama'le yaloĝon da'me yataqachiñe matac joñe'me. Yec'ata joga'me ua'ña ga'me jalcote jala, qama'le nach'ega ua'ña da'me t'oche. Qama'le joca'li ñe'me Booz yataqachiñe t'oche, male jañe'me Rut yec'ata di'me ueta'ña jodi'me, nodichiñi qama'le ua'ajop joca'li.

Rut 3:7 Referans Kwoze

Ester 1:10

Qaq so ivita so na'a'q siete se'eso nquia'axac qataq so na'ashaxac, nache so nta'a ỹataqta machiguiñi souaxat so lataxa, nache ỹama'q soua siete shiỹaxau' maye ỹataqta lpe'e'te, so Meumán, Bizta, Jarboná, Bigta, Abagta, Zetar qataq so Carcas,

Jueces 19:6

Nache soomaye nso'ooyiñi, nache deque'e' qataq nỹomta'ape. Huaña, nache so lta'a asomaye qaltaq dequiguiỹo'ot, 'eeta': Ñaq aỹem 'anqouaguectaxa da qaltaq qoviỹa'a na ima' ca lỹa 'oonolec pe, da yaqto' qauamaichiguiñi da qoviita'a ne'ena.

2 Samuel 13:28

Nache so Absalón 'enapega co'ollaxa so lamaxashecpi, 'eeta': «Qanauañiitac qome ñi Amnón da nỹomtac lataxa, nache qom ỹoqta taxaic, nache qom qami' shenapegalo da qaualauache, nache qaualauache qome ñimaye. Qaq saishet da qayi'iitac da qauo'oche damaye, cha'aye aỹem ỹamaxasoxonaxac. Qaq ỹoqo'oye qana'añaxache qataq qaua'añaxachiigui ye qarvilli.»

Jueces 19:9

Qaq so leviita co'ollaq ñisheguem da yaqto' jec da ỹauec aso lhua lỹa, qataq so lo'onataxanaxanec, nache so lacho' somaye qaltaq 'eeta': Mashe avit qataq mashe huotaique da pe, nache qoviỹa'a taxa ne'ena na pe, da yaqto' qauamaichiguiñi da qoviita'a ne'ena, nato' qonte' qom che'egueera, nache qoqui da qavi'iguelaqỹa cam qarma'ai.

Eclesiastés 10:19

Qaq cam nallec ỹo'ot da namaicỹaxac, qaq nam lataxa qalaq ỹo'ot da tonaxac. Qalaxaye 'enauac de'era iuen aca anom.

Eclesiastés 9:7

Qaq ỹoqo'oye ¡'asoma qojec qome! Nache 'auamachiguiñi da 'auque'etac, qataq da 'anỹomtapigui na lataxa, cha'aye Ñim Lo'onatac 'Enauacna mashe ỹaỹamaxareeta nam 'auo'otpi.

Eclesiastés 8:15

Qaq ỹoqo'oye aỹem sho'oxoren dam namaicỹaxac, cha'aye qaica ca lỹa no'on maye ishet da ỹo'ot cam shiỹaxaua ana'ana 'alhua, nacherata da deque'etac, nỹomtac qataq da'aistac. Cha'aye nachaqrata damaye hueto'ot, dam chegaqaigui da lo'onataxanaxac da nachaalataxac maye ỹanem Ñim Lo'onatac 'Enauacna.

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

1 Reyes 21:7

Nache aso lhua Jezabel, 'enapego' somaye, 'eeta': ¿Peta'a saisheto' da nache 'am, da 'am nta'a na Israel? Ñaq qoñisheguem, nache 'auque'e, qataq 'auamachiguiñi, cha'aye aỹem, seshet da sañoxot da 'aralamaxat qome yi'iye lanaxanaqa' uva lma' so Nabot.

Jueces 19:22

Qaq co'ollaq mashe ỹataqta machiguiñi da lquiyaqteỹaxac soomaye, nache anac so ỹalleppi 'etaxaloxoicpi maye lma' yemaye, nache coleesop co'ollaxa so nỹec maye lma' so ỹa'axaiquiolec, nache iuaxaatapegueua'a so lasom, qataq 'eetega, 'eeta': ¡Ña 'anpaxanec ca ỹale maye 'anamaxasoxoic, cha'aye sauoqtaique da qarauañi'!

Jueces 16:25

Qaq souaxat da ỹataqta machiguiñi co'ollaxa somayepi nache, 'eeta': «¡Qanaviquiiuec ca Sansón da yaqto' sa'ashaxanaq camaye!» Nache qanqatec so Sansón, qaỹachegoxottoigui aso ncoñetaxanaxaqui, nache qanachaalataxaataña som nañalo soua dos lauoqtel aso atamnaxaqui nache qaỹa'ashaxaatac.

Génesis 43:34

Nache so José iquia'axaneque soomaye som huetalec so lquia'axala', qalaxaye so Benjamín ỹactec naqa'en so ỹanem aloq, qaq saq 'ena'ama soua lỹa't. Nache so José nỹomtegueto soua lqaỹa't, nache soomaye ỹataqta huo'o da lamaicỹaxa'c.

Efesios 5:18

Qataq saishet qome da qami' taxaiqa, cha'aye damaye ỹaueca'a da nlaxaañi ca shiỹaxaua. Chaqrato' da ỹataqta qami' nlaqchiguilo So Saqcha'a Na'añaxac Qui'itta.

Rut 3:6

Nache aso Rut jec, tauga so nchegoxosoxonqa', nache ỹo'ot 'enauac nam ỹamaxalec aso lachoro.

Rut 3:8

Qaq co'ollaq mashe laiñi so pe, nache so Booz nlotec, nache nchemaxañi, huaña nache choche ỹe'elaqtem da huo'o aso 'alo da nnaataua'alo naua lapia'ate.