Rut 3:3 - La'aqtaqa Ñim Lo'onatac 'Enauacna 2013

³ Qaq 'am, 'anaỹamaxat qome, 'anachel, 'ancoyigui ca 'ancoraxat maye ama da laitaỹaxac, qataq 'aỹa'aañi aca ỹataqta 'onaxai 'arpoto. Ime, nache 'anqo'oneuga qome ye lchegoxosoxonaqa' somaye. Qalaxaye saishet qome da 'anachaxana, yaqto' 'am sa ỹauatton nato' qom mashe imeta da lquia'axac, qataq da nỹomaxac.

Toba del Oeste

³ Qama'le nayi cha'li anachil, aua'uo joga'me aneyoĝoqui jo'ne yataqachiñe davioĝon, nataq'aen da'me auaeñi jaga'me onaĝae aneuoĝoe, qama'le yemta auajoyi joga'me nanaĝanaqa' jo'ne ue'ta na'me Booz, qalaĝaja ena'te ta'le analoĝona qom maliaĝa ja yem da'me liqui'yaĝac.

Rut 3:3 Referans Kwoze

2 Samuel 14:2

ỹoqo'oye somaye damaxasoxona co'ollaxa aso 'alo maye qaica ca nqalaate', maye lma' ye Tecoa, nache 'enapega, 'eeta': «'Avi'inaxat qome da 'auasootac, nache 'aayiñi caua anogo nasouaxaqui', qataq saishet da 'ancoyigui ca coraxat maye ama da laitaỹaxac, 'eeta'am 'anqa'en da mashe qaỹoqtegue da 'arasouaxac souaxat ca 'arqatac.

Ester 5:1

Qaq co'ollaq inoxoore'c soua tres na'axa'te, nache aso Ester, ỹaayiñi soua alogo da nate'e, nache jec, taua'a so qasoxoc pa'aỹauo se'eso nma' lta'araic, qaq vi'iiguet co'ollaq ivita so nỹec maye hueta'a so nta'a nso'ootañi, nso'ootangui aso nso'onaxaqui maye datateuga so lasom.

Mateo 6:17

Qalaxaye qami' da ivita da qanqouaqchichi, qalaq qanapilocheeta, qataq qantaquiichiguiñi na qaravi,

Eclesiastés 9:8

Qataq 'enauaque qome naua na'axa'te da 'aỹa'aatrañi caua nogo lapagaxaiqa, qataq 'aucottalec qome na 'arqaic ca coraxat.

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Rut 3:2

Ña 'aumeten da se'eso qarhuo' le'ec Booz, maye 'aualectaigui ana lo'onataxanaxanapi, somaye tauga ne'ena pe ye lanaxanaqa' da ichegoq ana ala na lañiguishec.

Rut 3:4

Qaq qom do'oche nache 'auaỹataxareeta ca huichiguiña da nnaañi. Ime, nache 'anquictaua'a qome cam lo'ochaqa', qaq qom mashe 'avireua'a, nache 'anauatsheguem ca lapo', nache 'annaateua'alo naua lchel. Huaña qome nache maiche 'am da'aqtaxanem cam 'auo'ot.

2 Samuel 12:20

Huaña, nache ñesheguem so David. Ime, nache nachel, qataq ncoyigui so ncoraxat maye ama da laitaỹaxac, qataq naralaxa't soua alogo, nache taua'a aso atamnaxaqui, da ỹo'oxoren Ñim Nataxala'. Qaq co'ollaq ime, nache taỹa so lma', qataq iỹaxanaique so aloq nache deque'e.

Ezequiel 16:9

Qaq ime, nache 'am ñachelaxan qataq seỹouec so 'artago'q, qataq 'am secorelec so ỹataqta no'on coraxat.