Rut 3:13 - La'aqtaqa Ñim Lo'onatac 'Enauacna 2013

¹³ Qalaxaye nache 'ena'am ñaq qoua'a ne'ena na pe, nato' qonte' da huo'otaq somaye ipactelec da ỹo'ot de'era, qaq no'on da ỹo'ot, qaq da huo'otaq saishet da ỹo'ot, nache nagui 'am sanem da ỹa'aqtac da 'am selo'ogue qome, hua'aqchigui ñaqa'en Ñim Nataxala'. Qaq nagui, no'on da 'auo'oche, nato' qonte'.

Toba del Oeste

¹³ Cha'li oua'ña jena'me jenjo' pi'yaq, cha'li yataqachiñe a'nomategue. Qom nete' qama'le jec'ata jenjo' jiyaĝaua qaedi jojapegue': qom jetaque am yichoĝoden yajouaĝat da'me mach'e ada'yoĝoua, qama'le 'noota qom ya'uo. Qalaĝaja qom ja naq'aeta, qama'le naqayem ta'le qonelochi'ña qaedi ja'uo yichoĝodenataĝanaĝac.»

Rut 3:13 Referans Kwoze

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

Rut 4:5

Nache so Booz 'enapega somaye, 'eeta': Qaq no'on da 'auaỹateeta da qom 'ausheenaxana yi'iye na'alhua aso Noemí, qaq iuen nataqa'en da 'auaroneguet aso Rut, maye Moab lashe, asom lhua co'ollaxa yem saqca, yaqto' yi'iye 'alhua nache queta da lalamaxat yemaye.

Rut 2:20

Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Hebreos 6:16

Da huo'otaq huo'o ca ỹan ca la'aqtac, qalaq iuen ca le'enaxat ca 'amaqtaqaic, yaqto' 'eeta'am da nacheca ca da'aqtaxan.

Jueces 8:19

Nache so Gedeón ỹataqta nhuoxootec da la'aqtac, 'eeta': ¡Soomaye maiche ỹaqaỹa't! ¡Qaualauache' soua maiche ỹaqaỹa't! Qalaxaye sanot da ỹa'aqtac Ñim Nataxala' maye nca'altauec, taxa da choche qauchoxoyiñi' soomaye, nache saishettaxa da qami' salaua't nagui.

2 Corintios 1:23

Qaq aỹem huo'o da iuennataxac da qami' ñamaqtegalo. Qalaxaye saxanaxa nagui da qami' seviralo, cha'aye nachera da 'enec ñaqa'en da qoñiita. ¡Qaq Ñim Lo'onatac 'Enauacna ishet da nqat da ñachaalataxac qom choche satenataxaatac!

Rut 3:12

Qaq ỹoqta 'eesa da maiche 'am ihuo' lashe, qalaxaye huo'o so lỹa 'arhuo' le'ec maye ỹoqta sa qaỹapeque de'era qana'acnaxac.

Jeremías 12:16

Cha'aye 'eesa da namayepi ỹapaxaguenec co'ollaxa na ỹalamaxat nhuo' le'ecpi da ỹanot da la'aqtac so Baal, qalaxaye nagui ishet da ỹalegoigui na ỹalamaxat nhuo' le'ecpi, da ỹoqta 'eesa da ỹaconeguet da la'amqaanataxanaxac na ỹalamaxat nhuo' le'ecpi, qataq da ỹan ca la'aqtac da ỹachegoxotchigui da ỹe'enaxat da, 'eeta': ‹Nca'altauec Ñim Nataxala'.›

Rut 4:6

Qaq som lauo' le'ec somaye co'ollaq hua'aqchigui de'era, nache 'enapec: Da nache 'eetec de'era, nache aỹem saishet da sesheenaxana yemaye, cha'aye ishet da na'aqchet da isallaxa, qaq aỹem 'am sasaxalec de'era qana'acnaxac da 'ausheenaxana yemaye.