Rut 3:10 - La'aqtaqa Ñim Lo'onatac 'Enauacna 2013

¹⁰ Nache so Booz, 'enapeco': ¡'Am ỹalole, Ñim Nataxala', 'am talec naqa'en qome da lchoxonnataxanaxa! Cha'aye de'era dalaxaic 'arauotaxanaqtaic, damaye napacalec so hua'auñi, qaq cha'aye saishet da 'anmittaique ca ña nsoqolec, choxoraq huo'otaq sallaxanec.

Toba del Oeste

¹⁰ Enaac joñe'me Booz: «¡'Noota qom joñe'me Jaliaĝanec yataqachiñe am ue'tajop! Nataq'aen yitaĝa am jec'atenec da'me yataqachiñe adoqopita jodi'me adoua, te'me jalcote jena'me jiyaĝadipi ta'le auelaque ga'me nejoqolec neuoyaq, uotaĝa qaya'te yauana, qaedi ona'ajop, qalaĝaja ja naq'aeta.

Rut 3:10 Referans Kwoze

Rut 2:20

Nache aso Noemí 'enapeco': «¡Ñim Nataxala' ỹanem qome da nqouagaxa camaye! Cha'aye Ñim Nataxala' saishet da ỹaxaañi da qomi' ỹachaxaategalo da lchoxonnataxanaxa, 'eeta'am da 'eetec co'ollaxa so mashe ileupi. Qaq que'eca shiỹaxaua camaye maiche qaralamaxat qarhuo' le'ec, qaq ỹoqo'oye nacheca qome ca ishet da qomi' ntela'alo.»

Rut 1:8

Qalaxaye co'ollaq mashe quetrague' so nqa'aic, nache 'enapegalo' soomaye, 'eeta': Qavi'iguelaqai qome, qavi'iguelaqaiua'alo caua qarma'achilli' da qoñiỹo'oto caua qarachi'illi', qaq Ñim Nataxala' qami' ỹanema qome da lchoxonntaxanaxa, 'eeta'am da qoñeetec da aỹem qauchoxoyiñi, qataq yeua ỹalqa co'ollaxa.

Rut 2:4

Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!

Génesis 24:31

nache 'enapega, 'eeta': «'Aỹala, 'auanac, 'am lchoxonnatac Ñim Nataxala'. ¡Ta'ainco' taxa da nache qoueta'a ne'ena pa'auec, ye mashe saqataxanai' ye 'arma', qataq ye lma' naua 'arelo cameello!»

Rut 3:9

Huaña, nache so Booz inat asomaye, 'eeta': ¿Negue't 'am? Nache asomaye ỹasateguet somaye, 'eeta': Qomye aỹem Rut, maye aỹem 'aramaxashe. Qaq 'am, maiche 'am ỹalamaxat ihuo' le'ec, ỹoqo'oye iuen da aỹem 'anapoxonaxanaxaaña na laỹe na 'arpo' da yaqto' aỹem 'antela'a.

1 Samuel 15:13

Nache so Samuel nqo'ona ye hueta'a so Saúl, nache so Saúl 'enapego' somaye, 'eeta': Ñim Nataxala' 'am ỹanem qome da 'anqouagaxa. Aỹem mashe sepacchigui da so'ot da lamaxasoxonaxac Ñim Nataxala'.

Rut 2:11

Nache so Booz ỹasateguet asomaye, 'eeta': Mashe aỹem qaỹa'aqtaxaatapeguem 'enauac nam 'auo'otecpi aso 'arachoro co'ollaq qaica yem 'arhua, qataq da qoca'aisalo caua 'arta'al, qataq ye 'alhua maye 'arañoqo', nache 'auanac da qomi' qonaiguilo, na'aictaxa da sa qomi' 'arauattonataqa.