Rut 2:7 - La'aqtaqa Ñim Lo'onatac 'Enauacna 2013

⁷ Aramaye aỹem iỹaxanot da sasheetem da choche ca'attaueegue na deqataxaatacpi, da yaqto' natota'aguet nam naañi ala na nañiguishec, qaq nache chegoqchiguiña so nte'eta da do'onataxaatac aramaye, qaq cheta'ague nagui da cara'acolec da nmatec.

Toba del Oeste

⁷ Jana'me janjo' yauo quidi yataqachiñe jayem nachoĝodenot qama'le eetac: “Am ñachoĝodenot qaedi jayem auaje'tem da'me ñato jena'me jenjo' jo'ne ja auacoñiya, jena'me jenjo' adaniqui”. Ca'li ne'teta da'me novi', male yacona jena'me jenjo' ueta'añdi, chayovida'a nayi yataqachiñe 'uañaĝae, choqoda'me yemta 'nomategue jana'me.»

Rut 2:7 Referans Kwoze

Proverbios 22:29

Ca shiỹaxaua ỹaỹamaxatchiguiñi ca lo'onataxanaxac, nache camaye ivitta'a da do'onataxanot na nta'alpi, qataq saishet da na'aco' ca qaica la'amaqchec.

Proverbios 18:23

Da detaqa ca choxoraq qalaq nachoxoreeteueguelo naua la'aqtaqa, qaq ca sallaxanec da ỹasat qalaq sansatte' na la'aqtaqa.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

Proverbios 13:4

Ca hualaic huo'o ca nqopittaique qalaxaye saishet da ỹanata, qaq ca 'onataxanaxaic qalaxaye ishet da nquictasheguem.

Efesios 5:21

Ñi 'oonolec qome da qoñiita ỹataqta ipacapegue' ca lỹa, souaxat da ỹataqta huo'o naq 'enec qanqa'eñi Ñim Lo'onatac 'Enauacna.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Gálatas 6:9

Qaq ỹoqo'oye saishet qome da ñasamaqtapiguiñi da so'otaqtac ca ỹaỹamaqchiguiñi. Cha'aye da so'otaqtac damaye, nache huo'o ca qaraueguec maye qomi' ỹanema Ñim Lo'onatac 'Enauacna qom ivita ca laloqnec.

Romanos 12:11

Da qauo'onataxañiitac qalaq qanasapacheetac, saishet da qami' hualaiqa. Qauo'onataxañiitacot Ñim Lo'onatac 'Enauacna ỹataqta imauec da qarquiyaqteỹaxaqui.

Mateo 5:3

Ñim Lo'onatac 'Enauacna ỹaalec da nqouagaxa nam ỹataqta imato'ot da lpi'iỹaxac Ñimaye, cha'aye namayepi huetaigui da lo'onataxanaxac Ñimaye da ilo'ogue 'enauacna.

Rut 2:2

Qaq huo'o so na'a'q nache aso Rut, maye Moab lashe, 'enapego' aso Noemí, 'eeta': «Aỹem 'auasheetec qome da sauga ye nanaxanaqa', shapegueto' da huo'o ca aỹem ỹasheetem da choche seca'attaueegue da yaqto' ñatota'aguet na naañi ala na nañiguishec maye qanqattac.» Nache asomaye 'enapeco': «Aja', 'aue, 'am ỹalole.»

Rut 2:6

Nache so ilotague' so deqataxaatacpi 'enapeco': Qomye ara'ara qa'añole nachara aram chegaqa'ague da Moab, aram nnaictague' aso Noemí.

Rut 2:8

Nache so Booz 'enapego' aso Rut, 'eeta': 'Am ỹalole, ñaq aỹem 'ana'axaỹaxana, saishet qome da 'anqo'ona ca lỹa nanaxanaqa' da 'anato na ala ca nañiguishec, nache qoueta'a qome ne'ena, 'aualectaigui ana ỹo'onataxanaxanapi,

Rut 2:21

Nache aso Rut maye Moab lashe, 'enapeco': Somaye nataqa'en aỹem 'enapega da nache shecto'ot da salectaigui aso lo'onataxanaxanapi, nache ivitta'a da ime da qanqattac na ala na lañiguishec.