Rut 2:4 - La'aqtaqa Ñim Lo'onatac 'Enauacna 2013

⁴ Qaq huaqchigui co'ollaxa da se'eso na'a'q nvirec so Booz, chegaqaua'a ye Belén, nache somaye iquin so deqataxaatacpi, 'eeta': ¡Qami' hueta'agueta qome Ñim Nataxala'! Nache somayepi ỹasateguet somaye, 'eeta': ¡Da lchoxonnataxanaxa Ñim Nataxala', 'am huetalec qome!

Toba del Oeste

⁴ Male ca'e di'me Belén ñe'me Booz, paja'a yec'ata di'me lanaĝanaqa', qama'le yauanalo jogaa'me lamaĝa's qampaja'a yep'iye'n joca'li: «¡Joñe'me Jaliaĝanec ami ue'tajopa!» 'Lataĝa'j jogaa'me lamaĝa's: «¡Nataq'aen am ue'tajop!»

Rut 2:4 Referans Kwoze

2 Ts 3:16

Qaq So Qarataxala' Jesús maye chegoqo'ot da nlagaxayec, Somaye qami' ỹanema qome da l-lagaxayec 'enauaque naua na'axa'te qataq, nache 'eetai' da qami' nnaictagueto.

Lucas 1:28

Nache so namaxashec taua'a ca hueta'a aso María, nache iquin, 'eeta': –¡Ñim Lo'onatac 'Enauacna 'am ỹanem da lqouagaxanaqtaic maye ỹataqta no'on! Ñim Nataxala' 'am hueta'aguet.

Jueces 6:12

Nache so nale piguem le'ec Ñim Nataxala', nachaxana somaye nache, 'eeta': «¡Ñim Nataxala' 'am hueta'aguet, cha'aye 'am 'añaxaic, qataq qaramchigui ye 'arhuel!»

2 Timoteo 4:22

Qaq So Qarataxala' Jesucristo 'am hueta'aguet qome, qataq Ñim Lo'onatac 'Enauacna qami' ỹaaleguete qome da lta'araic lqouagaxanaqtaic. Aja', nache 'eetec de'era.

Salmos 118:26

Ỹataqta no'on da lviraxac ca nactaigui da le'enaxat Ñim Nataxala'. Ỹoqo'oye nagui da souaqtaigui na lma' Ñim Nataxala', nache qami' sanaxama da qanchoxonnataguiiqui.

Rut 4:11

Nache so nqueroxonecpi qataq 'enauac som ỹauaatauopi ỹasategueto' somaye, 'eeta': Aja', qomi' sauanaqchigui damaye. Qaq Ñim Nataxala' ỹanem asa'aso 'alo maye huenoxoneua'a qome ca 'arma' da 'eeta'am aso Raquel, qataq aso Lea, maye sachegoxosoxogueta qomi' Israel le'ecpi. Qaq 'am ỹataqta 'am ỹo'oxoraic qome na Efrata, qataq 'am 'amaqtaqaic na Belén.

Josué 24:15

Qalaxaye da sa qavio'oxoreñi Ñim Nataxala', qaq no'on da qalca'aiua'a nagui cam qavio'oxoreñi: da nachena nam atamnaxala'pi maye natameetacot co'ollaxa so hua'au qarta'ailpi co'ollaq ñaq neta'atague da le'ego so tala Éufrates, huo'otaq na natamnaxala'pi na amorreopi, maye lma' co'ollaxa ne'ena na'alhua. Qalaxaye aỹem qataq na ỹalamaxatpi, so'onataxanaqot qome Ñim Nataxala'.»

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

1 Timoteo 6:2

Qaq ca namaxashec da huo'otaq huo'o ca na'aco' maye ỹa'amaqteetac So Cristo, qalaq saishet da huo'otaq sa ỹalaxaguet, souaxat da ỹectega da la'amqaanataxanaxaua. Nachaqrata da ỹataqta ỹaỹamaxatchiguiñi da lo'onataxanaxac, cha'aye do'onataxaatacot ca 'eeta'am la'amqaanataxanaxaua, qataq ỹataqta nauochaxaua lqaỹa. Qaq de'era sheetega ỹataqta 'auapaxaguenataxanec qataq 'aua'axat.

Rut 2:3

Nache aso Rut jec, tauga so nanaxanaqa', nache natota'aguet ana ala so nañiguishec maye no'onaxatañi som deqataxaatacpi. Qaq so nanaxanaqa' maye tateua'a asomaye, nache lanaxanaqa' so Booz, som lauo' le'ec co'ollaxa ye Elimelec.

Rut 2:5

Ime, nache so Booz inat so ilotague' so deqataxaatacpi, 'eeta': ¿Negue't llale ara'ara qa'añole?

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Números 6:24

‹Ñim Nataxala' 'am talec naqa'en ca 'anqouagaxa, qataq 'am ntela'a,

Jueces 6:16

Nache Ñim Nataxala' 'enapego' somaye, 'eeta': «Aỹem 'aupi'iỹa'a qome, cha'aye Aỹem, 'am soota'aguet. Qaq ỹoqo'oye 'am 'oxonec qome ye madianiitapi, nache yemayepi 'eeta'am qome ca 'oonolec shiỹaxaua da 'oxonec.»

1 Samuel 17:37

Qaq Ñim Nataxala' maye aỹem nca'alaxateeguesop naxa na llon qataq na oso, Ñimaye nataqa'en aỹem nca'alaxateeguesop qome da lhuaqỹaxac de'era filisteo. Huaña nache so Saúl, 'enapeco': 'Aue qojec, qaq Ñim Nataxala' nache 'am nnaictague' qome.

1 Crónicas 2:51

Salmá, som lta'a so Belén, qataq so Jaref, som lta'a so Bet Gader.

Salmos 134:3

Qaq chegoqchiguiña qome ye Sión, da qami' namaxalo da lchoxonnataxanaxa Ñim Nataxala' maye lo'onatac na piguem qataq ana 'alhua.

Jeremías 31:23

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Qom Aỹem ñaralaxat ca na'achecỹaxac na lma' na Judá, qataq namayepi qom mashe qaltaq hueta'a ye maiche na'alhua, qataq ye maiche lma' huaqta'a't nỹecpi, nache qaltaq 'enapec qome: ‹¡Ñim Nataxala' ỹaalec da no'on añi qasoxonaxa maye qui'itta, maye hueta'a da nalochiguiñi lataxac!›